¹ Shisha basike binu: Ami na babitu binu: Ruhama. ² Sihini nsoko winu; Sihini busha nti mukari' ani tu, ari nti ani moke watunje mo mbaso yae ebikai bye busingirangi bwae, n' ebushumashuma mo mabere' ae. ³ Kuba ntimbo, n' amwambicha munkanga, imusiya ebwabutwa ngae, nimukia buri bweru, n'imukia buri chuo chakangwe n'imushura n'embush'emecha. ⁴ Na ntasasiri ebana bae, busha ibo bana ba busingirani. ⁵ Busha nina wabo wamasingirana ingu wariang' emakure yabo wamakindi kwinenesha. ⁶ Ngi chasingwa sunga, n'arindika ense yae n'emenke, n'isimanya kisusu, kongwa tasheingi tu e sanse sae. ⁷ Nae wemisayo ebamushima utakuma niyobo, w'asondekanyayo ebamushima n'utasheiyo bo. nampo wasebayo: nsendayo, nikuruki moke wani wa roso, busha himpo nabesenga shu ireng'ematuano. ⁸ Nt'wasibayo mbu aningiasaka ni muninkang'ebuhi, ekirunga n'engaha na wabikwayo mo murimo, e behe n'e noro asang' imuninkange ani. ⁹ Ngichasingwa s' etingeyo ebuhi bwani mu ntambi, n'ekirunga chani mu ntamby' ayo na n'atunjayo engombe n'enchangi sani insi samubisang' emunkanga wae. ¹⁰ Na sasa n'abumbur'ebubi bwae mo makako y'ebamushima, na kusira mweya w'amoshukayo ituka mo mine yani. ¹¹ N'asimany'erishima rae, esanganiro sae, n'emweri yae mishasha, n'ematw'eing'ae n'enkumanano mo matorero ae. ¹² Na n'abishabish'emisabibu n'emitini asang'ishembangewe: Nambu ohembo sambi bamushima. n'akiya byo busara n'ebituana by'emashwa n'abyariwa n'ebituana. ¹³ N'akuruch'emusona w' ematu y'ebabari, inku asang'usokerengi bo uvumba, mo ntambi asang'itondange mubikai by'emate ae, n'etukoi twae tw'iraura, n'iemisa eba mushima n'iniobya, Mukota ngw'ebange. ¹⁴ Busha n'anchi ky'asingwa namuninka karawa n'imuria mo bweru na n'ebere mo mutima wae. ¹⁵ Na n'amuninke mashw' ae y'emisa biba itukanko, n'eburambo bwa Akori buri rubi rwa mwenyihiro, nampo, w'asimbayo bur'ematw'esike bwae, na bur' iematu atayayowe ku Misiri. ¹⁶ Erotu ndo, Mukota weba, ukumbikirayo: Mok'eani n'utumbiriyo tu muhani wani. ¹⁷ N'atunjayo mo bunu bwae emina y'ebabari, kongo batatukurwi tu mo mina yabo. ¹⁸ N'erotu ndo, n'akiyayo nd'ani munkati nabo n'esenyama emashwa, emironge y' echanya, n'ambi ebikururukange moroto, n'anoa emurenge mo chuo, n'emwere n'ebita na s'eruhuchayo n'ebuhoro. ¹⁹ N'abesayo muchumba wabe ematu ati; n'abesayo muchumba wabe moreira. e momba, enchumo na mo bonso; ²⁰ N'abeseyo moky'abe mweira, n' ukusibayo Mukota. ²¹ Y'abeseyo erotu ruro, n'akusubiyeyo, Mukota ngw'eba, n'asubiyeyo echanga, na basubieyo e chuo. ²² E chuo ch'asubiey'ebuhi, ekirunga n'emafuta, na by'asakoyo Yezereheri. ²³ S'ekayo bushani mo chuo, na n'amusasiri, n'ebayo kuri mbi nti bani: Ongo mwey' ani na wasubiye yo : Ongo Ongw'ani