¹ Mahemo a Bakuki, mutahwa. ² Eh Mukota, na marukira myasi yabe, natinkirwa na booba Furira e murimo wabe mu kiranga kino. Eh Mukota. Mukiranga kino eba e mwasi wabe. Iina mukisibu chambe, ang'iobya byakonda. ³ Ongo wasaire ku Temani, Byashururukara byasaire mu rou rwa Parani. Bwami bwae bwabumbe e mbingu, n'eritatwa rae rarisiya e chuo. ⁴ Buri minsungu ya chaaka yatuka mur'ikasa rae; imkukuri e maa aee. ⁵ Karooya kari kubusondori naee, n'e karooya kama bususe. ⁶ Wasima, na muriiso wereka e ngerero yee rooto, wakae, na wattimanisha e byuo; E sangu sachika n'eruti, e tu kkikitwa kare twahita; e sanse sakare sahingwa kubusondori nae. ⁷ Nasunga na boonso e tukukuma twa kukushani, n'etukukumatw' e chuo chaku Midiani turubarubange. ⁸ Mukota wasubuke e sa ndusi? Musa ndusi ngi mwasekuruke e kisibuu chabe? Mu nyansa ngi mwasungwa e busubuke bwabe, Kongo bati batariye e sa farasi sabe, mutumiyo twerisinga na? ⁹ Butaati bwabe buri hambuka; Eriherwa rasungwa mu bunwa byabe... ubenganga e rooto na ndusi. ¹⁰ E sanguu sa kusunganga sa titimane; mibimbi ya mecha yeeta, murenge we kwerunga warukirwa, watarisha e mine yae kwiyo. ¹¹ Mwishi n'e mweri byasimana hima, muchaka che minsungu yabe wenda murisansa reritumo rabe. ¹² Utamba mu chuo mu bubi, unyata e bea mu kisibu chabe. ¹³ Usaa mwikobora bea babe, Uora numba sa babisha, ukakura yo n' eruti. ¹⁴ Ukera e mintwe ye baami babo mu, bakanyaha buri mwiki mwini becha, wakurwa mwikokoma, mwimina e basenee. ¹⁵ Unyanta e nyansa n'e sa mbunda sabe, ooto rwa ndusi ngiri. ¹⁶ Narukiranga. N'e busa bwani bwa rubaruba. Mu murenge o, mitutu yani yatitmane, Makuwa ani a botabota, n' e maru akongobotana: Nakoba murinde utu rwa boonso; utundu mubi wanyanta beya. ¹⁷ Busha e muti utatuchi bito. ndotondo, n'e musabibu utachei byuuma; mashwa atatuchi biyoo, e sa mburi sitashei heri rishie, na kutasungwiyo tu iimba ra nkambu mu ntara. ¹⁸ Iina naamoere Mukota naa moa kwa Ongo we karamo kani. ¹⁹ Mukota, Ongo nge maa ani; wabindura bisando byani buri bya Nkurungu na wantarisha kwiyo. Mubakakare bee basimbi, hima n' e tunsambi.