¹ Naaranga haani, naarika hambasiro e Katara, naakeresha, nisunge biseshisha Mukota, na bisesubiya ani, kuruma na bwasihanya ani. ² Mukota wshisha kinwa, n'ieba: Tiranya e butahwa: Randa mbo mu butara kongo benda basisirisange byo mukira ntambi. ³ Busha butahwa mbu bwamariwa mu ntambi wayo busondingiisira na butashukishukiyo; bwa masiya, murindiri bo; busha bwaseete, bwasungw' ho. ⁴ Sunga bwisungae mumutima wae, nti wahunda; Iina mbi bakoonda baariki mu nsimiro. ⁵ Itukana naabyo, e murefi mweya wa manko, mubumebume, usira irika mu mwae e kw' isane kwae kw' e nsinda, usira mutima buri wa maakwa, usherereshange bea basusane nae, Ukumanyange beya bati kumushi nae. ⁶ Kusirang' u wamususimu byae; beebi: Waronduwa ngu wariya nti byae. Waronduwa ngu w'itarike muriya wa miinda. ⁷ Bise emiinda batakuhieri 'nsisu? E bashumba baabe bata sumuki? Na ukubese kiyo chabo. ⁸ Busha urishokora beya biingi. Batimbi boswanga mu mushokoro bakushokori na oongo. Busha uritanga nchama ya beya, uronjanga nchama ya beya, uronjanga butaritari mu chuo, musa mbungu naambi barikanga mu to. ⁹ Waronduwa ngu usonjange bikai nti byae mumwae. Kongo e burike bwae bwasungwa na beya. Murikinyihire byema. ¹⁰ Ongo uronjee umba yabe byema, muibishabisha beya biingi; na kwikiere bubi. ¹¹ Busha erikoi rarisha changa mu kususuu n'e sa mpau see mambiyo saa musako. ¹² Boonso kuringuumbange ubungu na nchama; baronjange mbungu nkiri mu bubi. ¹³ Sunga kuba Mukota we bichiri wakindanya byo, e beya ntibakora na maa, beya bataruhiyo tu. ¹⁴ Busha e chuo chaarisa mwisiba itata bukome bwa Mukota buri ndiba sa nyansa ya risa mecha. ¹⁵ Waronduwa ng'uomo change munachae mau, kongo wasunga e munkaanga wae wamakindi itamira. ¹⁶ Ushee nkene siingi irenga ukitata. Imori o na oongo wisibe oongwisine. E rusana rwa Mukota rwa kukurike ukutinge ro, n'e nkene sabe sabesa siing' ireng' eritatwa rabe. ¹⁷ Bushe e butaritari bwabe kuri Rebanoni bwaakukurukire; n'erishiriya e sa nyamba bya kushishai, busha e riritarabe nchama sa beya ; n'ikiya mweema mu chuo; bubi mu sa mbuungu na mu umbi bari muto. ¹⁸ Yakukore nki e Kamoi kabaswa kongo kabaswa murenga? Yakukorenki Kamoi kiesa iina kahanange manko, kongo e murenga wa ko wasimira ko, na woosi bironjange e kamoi karumbi? ¹⁹ Waronduwangu weebange na muti: Simana. Mu ikoi ritangeeba; Simana. Uumuninka mwomba? Sunga burisere byo noro na fesa. Iina kumunda nae kusira mutima wiisubukia. ²⁰ Mukota urikire mu rirameso rae. Echuo kiti kikobe kubusondori nae.