¹ Pauro, ntumwa, nti mw' isasa ra bhea, na ra mwea, eina kuri Yesu Kirisitu na Ongo Tita, ng' wamufuranga mo bhakwi. ² Na bhanakitu bhati bhari hima n' ani, mo marameso a ku Garatia. ³ Enchumo n' ebhuhoro bhibhesi n' inu etuka kuri Ongo Tita na Nyerekuritu Yesu Kirisitu, ⁴ Ng' wesibhuranga wesine mo bhibhi bitu, mw' etunyaa mukino kiranga ch' ema, etukana n' erisasa ra ongo na Tita witu. ⁵ Kuriwe kubhesi eritatwa mo bhiranga n' ebhiranga bhibhesi mbo! ⁶ Nashishara nti mu mubhunduka tete mbo kuri ng' warebhubhikira mo nchumo ya Kirisitu, mw' ienda mu umpe mwasi wakonda. ⁷ Kusira umpe mwasi wakonda , eina kuri bhea ngi bhabhuriribhanyange, nangi bhahunange ebhisha emwasi wakonda wa Kirisitu. ⁸ Eina, amabhesa bhate bhesine, amabhesa ngashani ya mo mbingu wamatura umpe mwasi wakonda wasiana nangu wabhuturenga bhate, waherawe. ⁹ Twamebha cho erisondori, na n'ebha tu cho entamb' ino: amabhesa umpe wabhuture mwasi wakonda wasiana nang' wareninkwa bhanu, waherawe! ¹⁰ Eo kwe, nironjei bhea ekihunange bho ngi chanikiry' ani, ari cha Ongo? Mbe nti nisonde ikokomesh' ebhea? N' amabhesa nti nisonde ikokomesh' ebhea, nti nty' ani tu mukori wa Kirisitu. ¹¹ N'ibwirengi, bhanakitu, emwasi wakonda w' erirwanga bhanu n' ani nti wa mwea. ¹² Bhushwa nti nangirirangao ar' ininkwao na mwea, eina mw' isheiwa na Yesu kirisitu. ¹³ Abhesanga bhanu musi e micho yani karekare mo 'mpa y' ebhayahudi, bhuni bwanubyang' ani nguru n' eriany' erirameso ra Ongo. ¹⁴ Ne abhesenga bhuri ani kubhusondori nguru mo' mpa y' ebhayahudi irenga bh'e myak' ani n' ebher' oanda rw'itu, nti n'irianyiwange n' erishima nguru esantungo sa bhatita. ¹⁵ Eina, warekia wasasa ing' wandondoranga itukire mo bhura bwa koyo, na ng' wambikira mo nchumw'ae. ¹⁶ Mw'inchea musiky' ae, kongo naturao munkati n' e nti basimira, kuruma, nti ntangasonda ihano kuri mwea. ¹⁷ Na nti ntangataya ku Yerusaremu kuri mbibabhesenga ntumwa eraroso kury' ani, eina n' enda ku Arabia. Kuruma nakuruke ku Damasiki. ¹⁸ Kuruma na myak' ishatu, nataya ku Yerusaremu mw' ienda kasibana na Kefa narika matu ikumu n'asanu mo mwae. ¹⁹ Eina n'tasungi anga n' empe ntumwa, irenga Yakobo, musiky' abo Nyerekuritu. ²⁰ M'umbi byabhutiranyie ani, hamakako na Ongo, n'tangatima anga na kakeke. ²¹ Kuruma nampo n'enda ku Suria na ku Kilikia. ²² Nakubha, nti ntinisibhirwe mo marameso a ku Yudea ingy' arikire kuri Kirisitu. ²³ Bhabhesanga bhorukirange ho mbu ingu wabhesanga utunubyang' eraroso iy' oturang' ematw' ano er' isimira abhesanga r' ihangireng' iwe nguru. ²⁴ Na nti bhatatange Ongo bhushwa n' ani.