1 Nabwire kwe, ani ngu naminwa kumunda na Nyerekuritu, mwendi bhuri mbu bwakomenw' er' ebhikirwa rakiererwa bhanu. 2 Mukwehicha nakwi hoheya n' er' indirire, musimikana e bhima n'e bhampe hima na nchime. 3 Mwesumya mwiranga e bhunakima bw'e mutima ietere ebhuhoro. 4 Kuri mubhi uma na mutima uma bhuri hotu bwabhikirwa bhanu mu mwenyihiro w' er' ebhikirwa rinu. 5 Kuri Nyerekuritu uma, esimira rima, irubhikwa rima, 6 Ongo uma na ishe we bhati, ung' uri ekwiyo n' e biti, munkati n' ebhiti, na kumunda n'e bhiti. 7 Iina, mu kinsi uma mu bhaate wareninkwa nchumo etukana n' engerero y'e muhango wa Kirisitu. 8 Ngyasingwa chebwa; Moritaya rae, watindikianga mbi abhesenga bhatingirwa na wanink' ebhea mihango. 9 Na, ng'iebha 'nki: Watayanga; kubha nti ngwahitanga hotu mo bhutaka bwa kumbo n' er' oto? 10 Ungu wahitanga nge uwo tu watayanga kwiyo n' e mbingu siti, kongo warisia ebhikai bhiti. 11 Na waninka bhima bhuri ntumwa, na bhampe bhuri bhatahwa, bhampe bhuri bhaturi bha mwasi wakonda, bhampe bhuri bharangi na bhahani. 12 Mwisumy' ebhashuururwa mo murimo mor' ikoresh' emihango mw' esumy' emubhi wa Kirisitu. 13 N' ebwakii twakocha e bhunakima mor' esimira na mo riteerera musike wa Ongo, bhuri mweya, waronjiwa mu ngerero ya bhususe 'mbu bwakomenwa, bwa Kirisitu. 14 Kongo tutabhesi tu bhaana, bh'irembera n' itindikiwa na kinsi eyuhu ra mwenjo mu manko a bheya, mo mpuse yabho mu 'nse y' isheeresha. 15 Iina twamatinge ereira mo nchime, nti twoshuka mo bhiti kuri e mukakare Kirisitu. 16 Mu we, n' etukana n' er' etingyane rae, ng'e mubhi uti watingyane n' ironja kikai kima chasuma, chashee maa 'ngi akomenwa kinsi kitambo na byumbana mo nchime. 17 Sunga kwe by' ebha ani n'ebhiraangy' ani kumunda na Nyerekuritu: mutumukocha tu ienda bhuri nti bhasimira, ngi bhendanga itukana n' emwetunduriko w' emwanikire wabho. 18 Bhari na bwenge bhuri mo mwerimya bharikore ne karamo ka Ongo, bhushw' er' efundi 'sibhirira riri kumunda nabho, na bhushwa erisuma r'e mitima yabho. 19 Mor' er' iminya bho kinsi mbusha bheriya mweruka kwesimanire, kongo bhakora kinsi bhubhi bwarandakana na karawa. 20 Eina bhanu, nti bhubho ngi bw' onswanga bhanu Kirisitu. 21 Amabhesa nti mur' imorukira n' itukana n' er' eira ririkumunda na Yesu, kuri we ngi kwonswanga bhanu mukw' inyaka. 22 Ikae bwabhesenga bhanu kare, mo mwea wa kare ing' wabhiha mo karawa 'nki kahusange. 23 Mw' ibhesa bhashasha mo mutima we bwenge bwinu, 24 N' iambara emweya mushaasha, ngu waronjiwa etukana na Ongo mw' eira na mor' eshuururwa 'ndi ribhutang' er' eira. 25 Ngyasingwa, mutin' emanko , na kisi uma mu bhaanu webhe mw' etukana n'eira kuri mine, bhushwa bhate bhanakima ebhima mu bhampe. 26 Mumasubhuka kiro muronja bhubhi e mwishi utabhingitingi n' ongo kiri mo bhusubhuke bwabhe. 27 N' angi ninka mushumbu ntambi. 28 Kinsi 'ngu wabhesenga ushumange kiro washuma tu eina wakore byahunda mo mine yae, kongo washee byasekia waninka ungu uri mu murao. 29 Kitatuki mo bhunu bwinu kinwa chema, eina, mumakocha, bhinwa byahunda, bhisaki mwikumanya n' ekiere nchumo mumbi bharerukira byo. 30 Ang' ironja bhonso mo mutima wakonda wa Ongo, ietere o mureriarwa nsimiko mo rotu rw' er' ekururirwa. 31 kinsi bwae bwa mutima kinsi bhusubhuke, kinsi mungo, kinsi changa, kinsi nkambao na kinsi bhususe buti bwa bhubhi, bhutorukirwingi munkati n';inu. 32 Mubhesi bhongo kinsi mweya kuri mine, ibhonganyana, musasirane, bwakianga Ongo wabhusasira kumunda na Kirisitu.