¹ Pauro, ntumwa ya Yesu Kirisitu mor' isasa ra Ongo, na munakitu Timoteo mor' irameso ra Ongo eriri ku Korinto na kw' ebhashuururwa bhati bhari ku Akaya kuti. ² Muninkwe 'nchumo n' ebhuhoro etuka kuri Ongo Tita witu n' ekuri Nyerekuritu yesu Kirisitu. ³ Wakasanirwe Ongo Tita wa Nyerekuritu Yesu Kirisitu, Tita w' ebhonso na Ongo w' er' ibhongabhonga. ⁴ Ng' utubhongabhongange mo minubho yitu iti, kongo eribhongwabhongwa riri n' itu kuri Ongo, tukoch' ibhongabonga ebhari mo minubho! ⁵ Bhushwa , imbu bhuriser' eminubho ya Kirisitu kumunda n' itu,imbo er' ibhongabhongwa n'itu rarisa kuri Kirisitu. ⁶ Kubha tunubhange, nti bhushwa n' er' ibhongwabhongwa r' inu n' enchukaro y' inu; twamabhesa tubhongwabhongwange nti bhushwa n' er' ibhongwabhongwa r' inu, ngi r' isungirwange mo murindiro wer' isimana mo minubho iya iya Yakoba mo bhate. ⁷ N' emwenyihiro witu kuri banu wasimika, bhushwa tusi 'mbu kubha bhanu muri na muhango mo minubho nti bhanu mukwengi na muhango mor' ibhongwabhongwa. ⁸ Tutangahuna ebhusiya nti nti bhanu musi, bhanakitu, mo minubho yatwehienga mo Asia, imbu bwanubhiwanga bhate rarenga iteyan' emaa itu, iya moero nti tusira tu mwenyihiro w' eribhesa n' ebhuingo. ⁹ Na twasunga bhuri oku r' witu, kongo twabhesa na mitikotiko y'e mwenyihiro kuri bhate bhesine, eina eriya o kumunda na Ongo ng' ufurang' ebhakwi, ¹⁰ Iwe ng' waturamyanga na ng'watukuto mw' oku rwa bhususe mbo ekuriwe iwe turi na mwenyihiro 'mbu waseturamyayo tu. ¹¹ Bhanu besine mutusaki n'e mahema inu, kongo enchumo yashee bhate kuri bhingi, ibhesi mu bhingi inse y' itukokome. ¹² Bhushwa echaronj' ebwime bwitu nty' ekariho k' emuhake witu, ebwetinge bhate mo chuo, na nguru ekuri bhanu, hima n' eshuururwa n' ikoma hamakako na Ongo, nti mu bwenge bhwa mubhi, eina hima n' enchumo ya Ongo. ¹³ Nti twabhutiranyie kimpe kikai irenga nchi kisisirisange bhanu, na bhanu bhesine musi cho. Na nisi mbu mukusibhirira cho iya hende. ¹⁴ Imbu bwamasibha bhanu chunda mbu bhate bhusime bwinu, bhumbo hotu mukubhesayo bwitu mor' otu rwa Nyerekuritu Yesu. ¹⁵ Kumunda na ndo isheana, atuka nsondang' ienda kasa kuri bhanu, kongo mushee nchumo met abhi. ¹⁶ Nabhesanga nsondang' ieta kokwinu mor' ienda 'ni ku Makedonia, kuruma ekuruka etuka ku Makedonia iya ko kwinu na mumuntindikengi ku Yudea. ¹⁷ Mbe nti mor' isonda mbo , akosa rasangukaha? ari ense isondekanyange ani, inse yatukana na mubhi, iya moero kubhese erisia n'etina kuri ani? ¹⁸ Na rakonda 'shu Ongo w' eira, ekinwa charebwire bhate kisira erisia n' etina. ¹⁹ Bhushwa Musike wa Ongo, Yesu Kirisitu, ing' waturwanga n' itu munkati n' inu kuri ani, kuri Silvino, n' ekuri Timoteo nty' abhesanga erisia n' etina, eina e kuri we kuri ho erisia; ²⁰ Bhushwa, mu 'mbi byakae esendani sa Ongo, ekuri we ngi kwarisie to; ngy' asingwa hotu e bhibhesi mbo kuri we, ch'ebwa n' itu mo bwime bwa Ongo. ²¹ Nawe ng' watukumanya hima n' inu kumunda na Kirisitu, na ng' waretutir' erungo, ngi Ongo, ²² Iwe hotu ng' wareturia mo nsimiko na wariya mo mitima yitu ekikima ch' Emutima. ²³ Nakubha, natinge Ongo mo kariho mo mutima 'ni, mweburanga ngy'akusingwa ntendi tu ku Korinto. ²⁴ Nti bhushwa n' ironj' emitima yinu mo bhukobhe mor' esimira r' inu eina twasake mosangoa sinu,bhushwa musimana mor' esimira.