¹ Yesu, wasimanya e meso ae, wasunga e batumba babikange e behe babo mu kuu(sanduku) ye ribike byo. ² Wasunga tu mushumbakari wa musene, nae wariamo bichere bibi. ³ Wemba, nabushisha muriira, ungu mushumbakari iwaria bingi iburenga banu bibati. ⁴ Mwisha mbi bibati bamaria e ehe mu kuu ya ôngo bamaria amo chunda cha behe mumbi birina bo, mwisha mushumbakari nguu muwenge wae wamaninkana byae bibiti, kesha birinae. ⁵ Beya bingi bakesa bambange mwisha e numba ya ôngo, umbu ya kuimbwa na makoi akoma na behe, Yesu wemba, ⁶ Emutungi aseyayo, ibi bibiti bisungange banu, bwatakusiayo ikoi iyuu ne rikoi rase kakurwayo. ⁷ Bamushisha, mukota, e binwa bino basebeseyo runuutu, na rwasesusayo buni muntambi e binwa mbi murisonda isungwa(iya). ⁸ Yesu wemba, musunge anga itimirwa, mwisha bingi baseyayo muriina rani, waseemba, ani uno, e matu eya, anga irukira bo. ⁹ Asekia murukira turingiri twe bita ibaana, anga ikwa booba mwisha rakoma e binwa mbi bisunwe kasa raroso, mwisha ende kisine ratakuya mu rima. ¹⁰ Abu wemba, chuo chase kwana na chuo, na wame wasekwana na wame. ¹¹ Asebundukeyo karingiri kakiri mu chuo, ne rwaka, ne mangee asembese ukunanku, na asubahirwa na kiterere kikiri chatu kwiyo(mumbingu). ¹² Na mubusondori we binwa bibiti mbi, basebutinge ne ibunubya, ni iburiya banu kubusondori ne masinagoki na ntimuminwa na irierwa kubusondori ne bame na bakakare be sambungu,mwisha ne rina rani. ¹³ Mwisha asebeseyo turirano yeirisiya rinu. ¹⁴ Na murie byo mumitima inu na anga kushishashisha mu binwa ibi bya meta, ¹⁵ Mwisha ani nasebuninka buunu ne wenge na e bashumba binu bata kuemba kikai na ibubanganya tu. ¹⁶ Nambi ba bubuta basebuninkana, basike binu, ne banakinu, ne bira binu, na bampe tu nabo basebushura. ¹⁷ Na muse tinirwa ne beya bibati, mwisha ne rina rani. ¹⁸ Ne ruteo rwa anga ne ruma. ¹⁹ Muri kwimina kwenu nguru, museramya e mitima inu. ²⁰ Na musekia mumasunga ku Yerusaremu kwa matimbwa ne bita musimbanga mbu eribishwa rakuro riiya ririkwihi. ²¹ Mukairirenga ibi bari munkati ne ku Yudea mubekerenga mu santata, nambi bari munkati na ku Yerusaremu nabo batuke. ²² Mwisha e matu ano matu abubisha mwisha mbi bwarierwanga mu mitiro bisungwe. ²³ Mwisha, kiro kurimbi bakure nambi barishange e bana mambere e bibi e rutundo, mwisha asebundukeyo bishisharo mu chuo, na abebundukeyo boonso mu beya bimbo. ²⁴ Nabo basekeyo murisuwa re mapanga(ebita), basetingirwa ne riminwa munkati ne beya bibati(chuo) ne bashumba ne matungo e bashumba nti biya barikuro. ²⁵ Na kusabaya kiterere munkati ne mwishi ne mweri, ne sakenkeni, na munkati ne chuo kwasebeseyo munubo we beya, na karingito, mwisha e nyasa na mibimbi byasetakayo. ²⁶ Ne beya baseninkeyo ne booba, na ikairire e binwa byasungwa nu chuo, mwisha e maya e kwiyo(mumbingu) aseche chyayo. ²⁷ Ne rutu nando basesungayo e mwana we beya wasehitayo munkati ne rutundo ne maa hima ne chaka chikiri. ²⁸ Mumatu e binwa byo bisondange isubwa, mukae kwiyo, musimanye e mintwe inu, mwisha e karamo kinu keya(kasonda iya). ²⁹ Washisha bo mushumo, musunge e muti ne miti riti. ³⁰ Ematungu atowao, musesunga naisimba mbu e matu eriko ne rikayo iya arikimbi ne riya. ³¹ Na banu, muntambi nchi yasesunga banu e binwa bya nabeseko musibiriranga mbu e wame we mumbingu wiya buri kwihi. ³² Muriira namushisha bani, e kiranga kino chata kweta bumbo e binwa mbi beberwanga nantinesi byeta. ³³ E mbingu ne chuo byaseeta, ina e binwa byani yatakwetayo. ³⁴ Murisunge banu bisine, mumitima inu yatatingi ikochiwa ne buroho ne burevi, ne minubo ye buingo bumbu, erutu rundo rwateiyo kuri banu buri iyafa ra kakunda. ³⁵ Mwisha kumba waseyayo aba sirwa nabo bibati mbi barika ambasirwa ne mbaso ye chuo kincho. ³⁶ Mukereshe ne rihema mu kira ntambi, mwisha mushee e maa erikocha ibeka e binwa bibiti mbi bwaseiyayo, ne risimanayo mumakako e mwana we beya. ³⁷ Muntambi e mumwishi wahananga kumunda ne numba ya ôngo, na muntambi ye mutu wenda keshera mu rouu ndu rwa bikirwa ku Zeituni( rwe ku mizeituni). ³⁸ Ne beya bimba, itukire mukoma koma nguru, kumunda ne numba ya ôngo muri murukirire.