¹ Basi, kukiri ahadi yerikime munkanti ne bwingo ( karamo ) kae, na tusubae, uma wiitu wasungwe nti marukwa. ² Mwisha ntiira, baate naabo twama hanwa emyasi ya hunda bùunda-bùumbo buri ibo. Rakini ekimwa kiicho cha hanwanga-bo nti chabesanga na mafaa kuribôo, mwisha nti chabesanga nirisimira kumunda naboo. ³ Mwisha baate-mbi twasimira, twaakimeiyo mu ngoa iinjo; kama buumbo webanga, kama buumbo bwasirenga âani mubusibuke bwani, bata kochi ikikime mu ngoa yani : ⁴ Mwisha wamebaa otù rwiinda asi ndebe-mbu, ôngo waruhukanga ootùu rwinga irinda, wasiya mirimo yae hiiti; ⁵ Ra hiimpi nahoo, weba, batakoshi ikime mungaa yani. ⁶ Basi, mwisha ekinwaankii kyamasiya kuba kuri beyaambi kasekime maumo, na biimbi ba hanwanga emwasi- nguu kare barukwanga ikime mwisha nti basi miranga, ⁷ Wabika-tuu matu marebe, weba munkati na Daudi kisha nimpe tambi buuno, runotu ; buri bwibangwa itukire karekare, runotu, kububa muurukira mwenge wae, kiro musunga emitima iinu . ⁸ Mwisha kuba yashwa wabuninkanga imowa, kiro nti webenga iimpi ootu. ⁹ Basi, kwama siya ootu rwinga ( sabato ) rwa beya ba ôngo. ¹⁰ Mwisha ùungu wakukime musikokoma wae buri buumbo ôngo warikanga ishuu mumurimo yae. ¹¹ Basi, tukiye kâara mwisha tikimi murikokoma andôa, mwisha kuba mweya uuti kiro wakime mumishumo ao nti uungu wiiasi. ¹² Mwisha kinwa cha ôngo siri kwiyo, natuu siri na kâara, na tuu rasua irenga upanga ushuranga bibati, na tuu richangi nii ikekera bitambu bye buingo bye mutima , ne bitambu ne mafuta arikima kumunda naye; na tena rasanguha isiba emyarikiri ne makundi ye mutima. ¹³ Wara kusira kiinki chamubere nti chabisama kubusondori naye, rakini bikai bibiti bisingwange azarani mu meeso yae iwe uri ne meeso iitu. ¹⁴ Basi, kuba turi ne mukakare mukiri uungu wakimenga mumbingu, yesu, mwâana wa ôngo, na tutinge nguru emaungano iituu. ¹⁵ Mwisha kusira mukakare mukiri uungu wamukoshi itinge ebwingo bwitu munkanti ne bikai bitu byeburombe, ina iwe waraji biwanga irengikana na bâate munkanti ne bikai bibiti, na nti wakoranga nsambi ( bibii ). ¹⁶ Basi, tukenseri kuri ekitumbi cherisasi mu kaara, mwisha tunikwe isosi, mwisha tuushehe chumo itusake muntambi yeri kongo.