¹ Paulo mukozi wa Yesu Kristo ukabuziwa mwingili wali kukwigiliza mwazi Mungu. ² Ko Mungu ali bahere yikyo kilagane mukanwa kaba lagu bage mwinzarango juke. ³ Yemwana wage ukabutwa ukabutua mumulalagwa Daudi kwa magala. ⁴ Nukugo komezwa ku buhashe kuba mwana wa Mungu ngaku mutima mweru ku bubufuke bwabakafa Yesu Kristo naha mwetu. ⁵ Kulya hanyanya lyange tuko hewa lukogo twana buziwa kugila banabilongo boshi bahashe kubotelele mwinjila yi mbikilizi hanya lizina lyage. ⁶ Kwa kulya hanyanya lya mwehe mukola balondo luaba Yesu Kristo. ⁷ Kuboshi bali Rumi abasimilwe na Mungu. abaka buziwa kuba bashu kwa lukongo lube imwe nu numutula kulya ka imwa Data Mungu ni mwa nahamwetu Yesu Kristo. ⁸ Butondela nigana Mungu wani Mukatika Yesu Kristo hanyanya uyenu hanyanya lyenu kulyambiliki ziyenu igwet'iga balwa kibaja kyoshi. ⁹ Ngwete ngikumba mu mutima gwani kukubalamwazi gumwana wage. Ali subura wani ngako ngwete nga bakwi la buzila kuluha. ¹⁰ Siku zoshi muma hunogani ngola ngahuna nije imwenu nda legelele ili Mungu anga sima kugende leza lugendo lwani. ¹¹ Kwa kulya nzimile wenene kumubona nimu heze kigabi kyu mutima lyo mugilwa ndwali. ¹² Kukuko tuholezane nyehena mweyuye kila mundu kwi kumbikilizi ya milage yenuni yani. ¹³ Tibene wani ndasimiri mutamanye ,myazi ngako wenene ngasima kuhiki mwenu nana hangalikwa kilikukuno lyonibona mahu imwenu nenugeke ngako nigagwete munda bana bilongo. ¹⁴ Nawiwa na Wayunani nabata li bayunani bene bwenge na batagweti bwege. ¹⁵ Konakuko kulu hande wani nyehe niyenge lekezize kwigili za mwazi kilini mwenu mwe muli Rumi. ¹⁶ Kwa kulya nda nguvilua mwazi gwa nawetu shoni kulya buli buhashe bwa Mungu ubudile bukulule kukila ugokomeli Muyahudi. butondo na Bayunani geke. ¹⁷ Kwa kulya ukuli kwa Mungu kugende lele mwinda lyage. mukati ki mbikilizi nimbikelizi ngako bika sarangwa mundu wukuli agalama mu kuli kwi mbikilizi. ¹⁸ Kwa kulya malibuze ga Mungu gaga wikulwa kulyoka Mungu ba hanyanya lyu butengu boshi nububi ga banana bandu. Abaketegeka ukuli kwa mabi. ¹⁹ Kwa kulya bya Mungu ibi manji kene bikola mwinda lyabo kwa kulya Mungu akaba wikulila. ²⁰ Kwa kulya byage ibita bane sili kulyokela kufumbwa kwi kihugo bya bonekana mukumanyi kana kwimi kolwa yage bo buhashe bwage bwi mya kula bu Mungu bwage alikiba na kasitaza. ²¹ Kulya lya bakamanya Mungu bataka mwitunda ngaye Mungu ili kumuhe za mukongwa tibakaleleka mwa mabigabo na mitima yabo yikikiga yanabikwa kizizi. ²² Nukwibala koba botelele bakiteba. ²³ Banahindula bulangashane bwa Mungu. Utagweti kushe ula kumugani kwi shusho ya bana bandu ugwete kushelela nibitu nyonyi nibi nyama ni bizimu byoshi. ²⁴ Hanyanya lya lyuko Mungu akabajanda hanyanya li nyifijo zabo za magala gabo bashimbe bushasha kulikila kuhogo litunda magala gabo. ²⁵ Kulya bakafindula ikuli kua Mungu. kuba bashumi bani kumba kibubwa nukukihe zitunda kuhima nukukihe zitunda kuhima ukabumba uwake kwiganwa mya kula na myakula. ²⁶ Haho Mungu ana basige bashi mbilele nyifijo zambo zishoni kili bakazi bana hindula ngolezi zikikiga kuzitalii kikiga. ²⁷ Basosi nabo kuko kuko aka janda ngolezi zu mukazi wi gikiga banasima kwifija. basosi anake gila ibitabu manani bana lyulwa mwi mitima yabo luhembo luku batela, mitima yabo itume kukuli. ²⁸ Nilibakala hila kubana Mungu mwi nzalilo zabo Mungu aka bajanda bashimbe bwenge bwabo butume neni bagile ibita bumene. ²⁹ Bijuile bulyalya bwa kila shushu bubi nyifijo na mabi bijuile ndambala nu bwitani nu kugayana nu kugayisana bandu bumutima mu binu kugambana. ³⁰ Bashumi abashombile Mungu bitani babi bandu bikwitunda bandu buku behe lana mabi bata keziliba busi babo. ³¹ Bijiwenene buli buzegu kuli bwa mwangu kukuba byobagwete bagakola bumenene lufu bakozile yibyo tya tali kuko naho tibemele zenye na byo bagwete bagakola. ³² Bo bakemanya bwenene kutwiwa lubaja nya Mungu, mbu abagira yibyo bumenene lufu, bagwete bakola yibyo ti bitali byonene nahom ti bakekuvanwa nya yabo bakebigira.