¹ Bishazi akigula kalungu ka kalinda, kunguba yanaba ukuhulika kwi bishazi biri nga kihande ki kishazi kiguma. ² Kandi nyanabona balembezi balinda abali imbare lya Mungu, banyahewa mishekera irinda ³ Nya kandi gundi mulembezi anyija, anyabera ku lungetenge, agwete kihatwa ki noro; banyamuha mavuta mingi galya gu baya bwija, lya gatanga, kuguma nya mahuno ga bashuke boshi, ku lungetenge lui noro ululi imbere li kifumbi ki bwami. ⁴ Kyusu kyanaterama, nya mahuno ga bashuke, mwa maboko ga balembezi imbere lya Mungu. ⁵ Kandi mulembezi anyanga yikyo kihatwa, anyakijuza mulil gu lungetenge, anyakabulila mu kihugo. Hanyuvikanwa mazu mu kihugo, mikungulo, milazo nyi misisi. ⁶ Kandi balembezi balinda abaligwete ilya mishekera irinda banyiyengerekeza ku gi lasa. ⁷ Mutazi anyalasa. Hanyaba lugungu nyi muliro gushambire nyu muko, ibikakabulwa mu kihugo; nyi bihande bishatu bi kihugo byanaaka, nyi bihande bishatu bi tuti byanagulumira, nyi byasi byoshi bibishi byana gwata ngulumira geke. ⁸ Mulemberezi wa kabili anyalasa mushekera. Kandu nga mugazi munene ugukagulumira nyu muliro gwanyikabula mu kinyaja; nyi bihande bishatu bi kinyaja byanyahinduka muko, ⁹ nyi bihande bishatu yi ibikabumbwa biri mu kinyaja ibyali nya kalamo byanyafa, nyi bihande bishatu bi bwato byanasherera, ¹⁰ Mulemberezi wa kashatu anyalasa mushekera. Ikunguba yanyatibuka lutonde lunene nga ngulumira; lwanatibukira mu bihande bishatu bi nyiji nyi shoko zi nyiji. ¹¹ Izina lya yulo lutonde lyo pakanga, muliso gu bululu; nyi bihande bishatu bi meji byanyaba bululu, nya bandu bingi banyafwa nya meji, kulya gali kola bululu. ¹² Mulemberezi wa kane anyalasa mushekera. Kandi bihande bishatu bizuba byanyashulikwa, nyi bishatu bi mwezi, nyi bishatu bi ndonde, lyo yibyo bihande bishatu biba kizizi, lyo mushi nago gutera bihande bishatu byi kyenge kyage, nyu bushigi kuko geke. ¹³ Nyanakelangiza, nyanyuvwa nunda agwete agabalala mu kati li kunguba, nyu kudeta nyizu linene: Mufahugo,mufahugo,mufahugo mu bali mu kihugo, hanyanya li zindi mbila zi mishekera za bandi balemberezi bashatu abagakilasa!