¹ Hanyuma lya yaho nyanabona balembezi bane bimazire mu bande zine zi kihugo. baligwete mihusi ine yi kihugo, lyo hatakibe muhusi mu kihugo, mu kinyaja, nyi kwa kati. ² Nyanabona gundi mulembezi, uwali keterama luhande izuba lyakishoshokera, nyaye aligwete kalungu ka Mungu ka Mungu mugumana; anyatera mbira nene ya balya balembezi bane abakahewa buhashe bu kukola mabi mu kihugo nyi mu kinyaja, ³ anyadeta: Anyabawira mutakigire mabi mu kihugo, nyi mu kinyaja, nyi ku tuti, kuhikirira tubike tulungu malanga ga bakozi ba Mungu wetu. ⁴ Nyanyuvwa mugajo gwa balya baka bikwa kalungu, bihumbi igana na makumi gane na gane, bi milala yoshi ya bana bi Israel: ⁵ mulala gwa Yuda, elfu ikumi na zibili bakabikwa kalungu; mulala gwa Rubeni, elfu ikumi na zibili, mulala gwa Gadi, elfu ikumi na zibili; ⁶ mulaa gwa Asheri, elfu kumi na zibili; mulala gwa Naftali, elfu ikumi na zibili; mulala gwa Manase, elfu ikumi na zibili; ⁷ mulala gwa Simeoni, elfu ikumi na zibili; mulala gwa Lawi, elfu ikumi na zibili; mulala gwa Isakari, elfu ikumi na zibili; ⁸ mulala gwa Zabuloni, elfu ikumi na zibili; mulala gwa Yusufu, elfu ikumi na zibili; mulala gwa Benyamini, efu ikumi na zibili bakabikwa kalungu. ⁹ Hanyuma lya yaho, nyanakelolekeza, lilyo nyanabona, hali ndeko nene, yo mundu atangahashiri gaja, yi birongo byoshi, bi milala yoshi,nyi ndeto zoshi. Bali kwimazire imbere lyi kiti ki bwami ni kibuzi, bemberire mirondo myeru, nyi mabo agabuziwi michikichi mwa maboko gabo. ¹⁰ Kandi bali ke bilangira nyizu linene, nyu kudeta: Bukulule buli bwa nawetu Mungu ubudetere kwa yikyo kifumbi kyu bwami,nyuye mwana wi Kibuzi. ¹¹ Kandi balembezi boshi bali kwimazire imbere lya kilya kifumbi ki bwami nya balya bashaja nya balya bandu bane; banyali ke fukama kuhika malanga gabo nyi kwi kumba Mungu, ¹² nyu kudeta: Kube! Ku kuza, bulangashane,bwenge, mukongwa, itunda, buhashe, nyi mis, bibe imwa Mungu, myaka nyi myakula! Kube! ¹³ Kandi muguma wa bashaja anyanga kinwa anyambwira: balya bembezibwe mirondo myeru bo bande, nya kandi hahe balyoka? ¹⁴ Nyanamubwira: Nawetu, ukwiji. Kandi anyambwira: Bo balya bijire kulyoka mwa galya malibuze; bakashuka milondo yabo, nyu ku zeruhya mu muko gwa mwanabuzi. ¹⁵ Ko kyatuma bali imbere li kifumbi ki bwami bwa Mungu, nyu ku mu kolera bushigi nyi mushi mui shenero lyage. Ubudetere ku kifumbi ki bwami agubaka lubako hanyanya lyabo; ¹⁶ batakanyakishaliketondo, batakanyakyuve nyota geke, nyi zubz tondo litakanyakibakira ko, ni ndakyo kyuya kyoshi. ¹⁷ Kulya mwana buzi wa Mungu uli kwi kifumbi ki bwami yu giji balagira nyu ku batwala mwi shoko zi bijimbi bya meji ga kalamo, nya Mungu agiji hotola mirenge yabo yoshi mwa masu gabo.