¹ Iri Yesu akalyoka mwi nyumba ya Mungu, muguma mu bigizibwa bage anyamu bwira, "E Mwigiriza lolaga! Lulako lwa kahebuza, yulu! lola banangungubanga ba mawe agahuliko!" ² Yesu anyamushuza, "Ka mubwine, luno lubako lunene? ndalyo iwe ligasigala kwi rindi, goshi gaga hongo lerwa hashi." ³ Yesu alikoli budetere ku mugazi gwi Mizeituni, luhande lukulangiza nyumba ya Mungu. Petro, Yakobo, Yohane nya Andrea, hanya mwijira, banya mubuza, ⁴ "E waliha utubwire yibyo byoshi wadeta bigakoleka mangoki? nyi kyereso kihe kyeresize ko bikola wasi bibe?" ⁵ Kuko, Yesu anyatondera kubabwira kukuno, "Mulolekezi bwija, hatagire mundu yeshi ugamuteba. ⁶ Ti hagija bandu bingi kwizina lyani , bagiji nyake deta, Nye yulya Masiya! Yabo bandu bagateba bandu bingi. ⁷ Kwa yibyo bishazi, mugijike kuvwa myazi ya mazibo, nyu lunganga lago, kiri mwanguva yibyo muta hemuke! yibyo byoshi, byumenene bitangi te ba, ti biteresizi ko yugo mwiso gukola. ⁸ Kihugo kiguma kigagendi ter'ikindi, nyu bwami buguma nyabo bugagendi ter'ubundi, nyi bihugo bingi bigaterwa nyu mwena, nyi misisi nyayo igiji ke bilenga mo yibyo byoshi bigaba nga ndondera yu mukero. ⁹ "Kwa yibyo bishazi, mugijike kwilolekeza , mwenene kulya mugiji ketangwa mwi nama za bakulu. Munyake himbulwa mwi nyumba zi mishanganano muga nyi mangikwa imbere lya ba guvurunene hanyanya lyani, ny'imbere lya bami. Kuko lya muhasha ku mbanir'ushuda imbere lyabo. ¹⁰ Kuli kwija myazi y'ubukize ite kwigirizibwa mwa bandu mu mahanga goshi. ¹¹ Bishazi baga mugwata, banya muatwale mwa batwi bi maja, mutagende mugagerereza mbu kute tugagendi deta. Ti kwa yibyo bishazi lyo mugahebwa kazi ko muga deta mutali mwe muga deta ti mutima mweru go guga mudeta. ¹² Mundu irya ngitisa mwene wabo, ny'ishe wu mwana, anyitise umwana wage. Abana nyabo baga hindukira babusi babo hanya bitise. ¹³ Bandu boshi bagamushomba hanyanya l'izina lyani. Ti kok'iri mundu anga kazi hebera, alind'aga nya kuheza, agakira. ¹⁴ Kwa yibyo bishazi, muga bon'ibala lyu kushereza likoli kwimazire holitangi mazire (mundu mwa yibyo bishazi agasoma yibi binwa abimanyirire) haho, bandu bali i Buyahudi, bakatibitire mwi migazi. ¹⁵ Mundu iryangaba shomire kwi nyumba, atashonoke mbu ange ma kindu. ¹⁶ Myiry'angaba mu ndalo, atagalukire hwasig'ikoti lyage. ¹⁷ Mwa yizo siku, agaba yowe mwa bakazi bagashagwa, nya mazimi, nya bazere bagaba ba kigwete bagoza! ¹⁸ Muhune Mungu yibyo byoshi bitabe bishazi bi mvula! ¹⁹ Yizo siku zigaba zikayu bwenene. Malibuze mwene nya go, gatashubagi baho, ukulyokera kwi ibishazi Mungu aka bumbi ikihugo kuhika zene. Gatanya ki shubiba ho. ²⁰ Yizo siku nga Nahano atangazinihize ko, indaye mundu wanga kizire, ti koke akazi nihya ko hanyanya lya bandu ali mali shangwa, londola. ²¹ Mwa yibyo bishazi, iri mundu anga mubwira, "Lologe! ulya Masiya yuno hano" Handiri langize! yulira halira! mundu mwene nyuye muta mwemerere! ²² Haga lyokera bandu bagideta ko boba masiya, hagalyokera ba Nabii bu bushumi, yabo bagiji ke kweresanya ibyeresanya ibyereso lyo bateba aba londolwa ba Mungu nga byangaziga. ²³ Muvwage! ko nibyo lira nyashangwa nya mubwira byo! ²⁴ Ti mukati lya yizo siku, hanyuma lya yago malibu izuba ligabikwa mwi kizigi, nyu mwezi kutaga kaa. ²⁵ Nyi ndonde zigijike tereka! ibir'inyanya byoshi biga jungubana. ²⁶ Lyo bandu baga bon'umwana wu mundu agwet'agija mu lukungu, mukati ku bukalage, nya mu bulangashane bwingi. ²⁷ Agatuma bagandi bage, bagendi mwi mbande zoshi, gira bagende baza shambya, balondolwa bage, kulyo kera kwi mbeka yi nyanya. ²⁸ Mulolekez'u mugani hanyanya lya kati ku mutini bishazi matabi gagwete gaga mina, nyi byasi nyabyo, binyadohe, lyo muga manya ko kyanda kiri wasi. ²⁹ Konya kuko, mango mugabona yibyo byoshi, lyo mugamanya kwi bishazi bikola hasi bwenene. ³⁰ Nya mubwir'ukuli, kino kibusi kitaga hera, yibyo byoshi bitazi holeka. ³¹ Mbingu nyi kihugo bigahera, ti binwa byani byohe bitaga hera! ³² Ti ndaye mund'umanyire ylo lusiku nyi bishazi biki kiri balemberezi bake kota mwi mbingu, kiri mwana wage. Hanyuma lya data naho yu bimanyire. ³³ Kuko mutamanyiri lusiku lwa byo, mutagwejer'iro, mube masu! ³⁴ Yibyo, twanga byeresanya ku mugani gu mund'ukol'ugabalama, bishazi atazi genda nyasuga bika mukozi mu mukolwa gwage, anyabwire nyu mulazi wu luzo ko atagwejer'iro akeba masu. ³⁶ Kwi bishazi angija mbira, atashanga mira mwa hunira! ³⁷ Yibyo nyamubwira, nyabwira nya bandi boshi, ko mutangwejer'iro, muke ba masu!"