¹ Yesu nya bigizibwa bage, iryakaba bakola hasi Yerusalemu, banya kenga mwa kaya ki Betefage, nyu mwa kaya ki Betaniya, hasi nyu mugazigwi Mizetusi Yesu anyatuma bigizibwa bage babiri mukati lya bigizibwa bage. ² Anya babwira, "Mungenda mwa kalira kaya kal'imbere lyenu. Mugabona mo mwana wi punda ushewisire. Ndaye mund'uzindi mushonera ko, uye punda, mu mushwekule, munya mundetere. ³ Nyiri mund'ambuza, Kituma biki mugwete mugamu shwekula? Munyamu shuze, ti: naha mwetu ali nyi gorwa lyage, aganyashubi mugalula duba. ⁴ Yabo bizibwa, banyagendi shanga uye mwana wi punda mu njira ashwesirw'imbuga ha luzi, banya mushwekula. ⁵ Bandu bali yaho banya babuza, "Biki bitumire mugwete mugashwekul'uye mwana wi punda?" ⁶ Banyashuza nga ko Yesu alimali shangwa ababwira. Kuko, banyaleka bamutwabe. ⁷ Ryobakahisa uye punda munda Yesu ali, banya mwaja ko mirondo yabo, Yesu azindi budatala ko. ⁸ Bandu bingi banyaja mirondo yabo mukati liyo nyira nya bandi banya ketwa mitali yu tuti. ⁹ Bandu baka shangw'imbere lya Yesu nya bali mushi mbir'inyuma, baligwete baga bandu kalulu nyu kumwimbira kukuno "Awi yinyi Mungu ahabw'itunda! kukuno ijire kwi zina lya Nahano, akugashanire!" ¹⁰ "Bwami bwa shekuluza wetu Daudi bugwete bugija! Mungu ake bugashanira!", "Mungu inamwe kulia ali hanyanya lya boshi." ¹¹ Yesu anyahik'i Yerusalemu nyu kwingirwe mundu l'ishengero, anyaleza lya masu mwi boshi bilimo. Nya kulya kalikola kabingingwe, anya lyoka yaho, anyagenda mwa kaya ki Betania kuguma nya bigizibwa bage ikumi nya babiri. ¹² Bukya ku mukyo, bagalyoki Betania, Yesu anyashalika. ¹³ Anya langiza kati ka ku mutimu, anyakegerera, alole iri angabona ko bitumbwe. Irya shegenera kwa yako kati, ashanga kutali kili kitumbwe kiguma yanyuma li biasi, kulya bitali bishazi bya yako kati ku mutini byu kutongeka. ¹⁴ Karya kati Yesu anyakabwira, "We kati! hatagir'umundu agashuli lya kwi bitumbire byabe!" Yibyo byo Yesu akadeta bigizibwa bage banya bwuva. ¹⁵ Iri Yesu ahika mwa kaya ki Yesusalemu, anyigira mu bubuli bw'ishengero. Anya shanga bandu bagwete bagadandaliza mo nya baligwete bagaba gulila. Anyashandaza utuhashe twabalikazi kaburania ifaranga kiri nyi bitumbi bya balike dandaza mahumba. ¹⁶ Kuko, kuko anyalahiriza bandu batalenge mIgizo yabo mukati li kiliba k'ishengero. ¹⁷ Anyababwira ti, "Bisarazirwe mwa mandiko meru kukuno, Nyumba yani igiji kebuzibwa ya mahuno mwa bandu bi milala yoshi. Ti mwehe, mwagihindula kabisho ka banyazi." ¹⁸ Bakulu ba bagingi nya bigiriza, bi maja iri buva kazi ko Yesu akadeta; banyaloz'injira yu ku mwita ti bali mwabohire kulya bishazi aligwete agigiriza bandu boshi baligwete baga somerwa. ¹⁹ Iri ka kaba kabigingwe, Yesu nya bigizibwa bage banya lyoka mwa yako kaya. ²⁰ Iri bukya sheshezi, Yesu nya bigizibwa bage banyalenga hwa kalya kati ku mutini, banyashanga koshi kuma kuhika kwi mizi. ²¹ Petro anyakangera kayi ko Yesu aka kadaka, anyamubwira, "E Rabi, lalaga! Karya kati ku Mutini kakuma loshi." ²² Yesu anyashuza, "Mwake bika ko Mungu bwenene! ²³ Nyamubir'ukuli, mundu angabwira guno mugazi ko kugendi kwikabula mwi nyaja, anyabe ali nyu bwemere ko bigaba, atanyabe nyi mbuzi-mbuzi mu mutima gwage, iri biga nyaba kuko. ²⁴ Nyamubwira ko kazi byo mugahun'imwa Mungu mwenene ko muga biha bwa. ²⁵ Ibishazi mwangala mwimazire mu kuhuna Mungu mu kaba nyi kinwa nya mirenu muguma, mute mukoga. kuko nyenu isho, wen'uli mwi mbingu aga mukoga ama kubigenu. ²⁶ [Kulya, iri mutanga kogona, nyenu, isho wenu'li mwi mbingu atangakikoga mabi genu.] ²⁷ Yesu nya bigizibwa, banya shubi kwingira mwa kaya ki Yerusalemu, iryakaba akola agalenda hw'ishengero, bakulu ba bangigi ba nyingira mo, bali kuguma nya bigiriza bi maja nya bashaja ba Bayahudi, kuko banya mubuza, ²⁸ "Bino ugwet'ugagira, ugwet'ugabigira ku buhashe buki? Nyand'uka kuhereza bo?" ²⁹ Yesu anyabashuza, "Nani, nyamubuza kinwa kiguma. Iri mwanganjuza, nani ngamu manyisa buhashe buki ugwete ngagira bino. ³⁰ Yohana akaryosa buhashe wu kuvubika kuryok'imwande? kunguba'iri mwa bandu? mumbuire!" ³¹ Balya bakulu banyabwirana, "Wi twangashuza ko bukalyoka mwi gulu,agatubuza, Biki! bikatumwa mutamwemera? ³² Iri twangashuza ko mwa bandu, biga tukayira!" (Bagadeta) Ko bo bali kubohire bandu. Kulya balikwemezire ko Yohana ali nabii w'ukuli. ³³ Kya nyatuma bagashuza, ti, "Tuta manyiri." Yesu nyaye, ti nani ubuhashe ba ngwete ngagira mo bibo ndanga mumanyisa bo."