¹ LIlyo Yesu anawira mushambiro na bigizibwa bage. ² Kudeta: basarazi na balenguzi babudetere kwi ki kya Musa. ³ Kyo kituma binwa byoshi byo bagwete bagabawira mukole, mubikanie nuku bikola, ti mutakole kwi migani yi ngolezi zabo, kulya bakadeta naho ti batagakola byo badeta. ⁴ Egaa, bashwesire mizigo inyemire, nuku gitereka kwi bitugu bya bandu, ti bonene batangahuma kiri nu munwe gwabo. ⁵ Basimire kwigeremeza lyo bandu banabona, badite ishanga, kandi bagwete bagushula ubure bu twanzo twabo. ⁶ Geke basimire kimbere nwi kira bubiri, nukubudatala kwi kimbere mwana sinagogi. ⁷ Hano bahika habutuza bangasima kira mundu aka kwija balamusa, kandi kira mundu akebabuza Rabi, Rabi. ⁸ Ti mwehe, mutabuziwe Rabi, kulya muguma ali mwingiriza wenu, nene mweshi ali mwene wenu. ⁹ Kandiri, mutabuze mundu Data wetu wi kihugo muguma ye Data wetu ui kunguba. ¹⁰ Kandiri mutabuziwe mwigiriza wenu, naye ye Kristo. ¹¹ T'uly'uli mukulu mukati kati kenu yu gaba mukozi wenu. ¹² Yesh'ugishonya, agashonosiwa, na yeshi, ugishonosa agashonwa. ¹³ Ti buhany'i mwenu balenguzi na basarazi balyalya hanyanyilya yuko, mushwekere bandu. Bwami bwi kunguba, kulya mwehe mutingiliyo mwenene, kandili balya bagingira mutabalesiri bingire. ¹⁴ Buhany'i mwenu mwe basarazina balenguzi, balyalya, hanya lya yuko, mugwete mugalya nyumba za bakana kazi, nuku bahunira mahuno nalee, na kukuno mugalibuziwa malibuze gakayire wenene. ¹⁵ Buhany'i mwenu basarazi na balenguzi, balyalya, kwa kulya mugwete mugasoka kihugo ni nyaja kugira munfu muguma abe muhi ndusi, n'amali kolerwa, munamugire kuba mwana wi gehena bugira kabiri kuhima mwehe. ¹⁶ Buhany'i mwenu bimangizi bihofu abagwete bagadeta: Mund'ugwet'ugalahira mulahi mwi shengero, ko katali kandu. Ti koke mundu yeshi wu kulahira mulahi kwinoro (miringa). ¹⁷ Mwe byoto, ni bihofu, biki bingi hashambira noro mi shengero lya keshuka inoro? ¹⁸ Iri mundu, angamuwira kandi ka kulahira ku lutali katali kandu, t'iri mundu angahira kwa myengo iri hanyanya lyage, mir'ishweka ku kulahira mulahi. ¹⁹ Emwe bihofu, kulya biki biri binene kuhini imyengo, kandiri lutali lwa keshuk'imyengo? ²⁰ Kyo kitumaga, yeshi wu kulahira mulali ku lutali, alahire mulahi ku lutali, ni bwi bindu byoshi biri hanyanya lyage. ²¹ Yeshi wake lapa hakashingiro kingombe akelapa ki ngome byoshi biri hanyanya lyage. ²² Na yeshi uwa kelaaoa kwi kunguba, akelapa kwi kyu bwami bwa Mungu, na hanyanya byu budeterekwi likyo. ²³ Buhany'i mwenu basarazi na balenguzi, balyalya, kulya mugwete mugatanga kihandekikumi yi munana ni bizari, ni jira ti mwasiga i byumenene mwi migako. Kulibuza, mbonga, ni mbikirizi. Tikoke byumenene nweye kukola bino binwa buzila kusiga yibyo bindi. ²⁴ Imwenu mwe bimangizi bihofu, mugwete mugatwaza nu kumira ngamia. ²⁵ Buhany'imwenu mwe basarazina balenguzi, balyalya, kulya mugwete mugakyesa imbunga lya kahe kuku nwera, nukulira ko, ti mwinda mwijwire bunyazi, ni nyifijo nyibi. ²⁶ Wee mulenguzi kihofu, ute tangi kyesa mwinda lya kahe kuku nwera nuku kulira, hanyum'imugongo nayo ibuli ikya. ²⁷ Buhany'i mwenu basarazi na nabalenguzi, balyalya, kulya mushushene ni sanduku l'ishizirwe luhemba, nukuboneka bwija wenen'imbuga, ti mwinda mwijwire mavuha g'abakafa, nishusho yoshi yu bushasha. ²⁸ Kona kukuno, nenu geke mwinda mubonesire nga bukuli kwa malanga ga bandu, ti mwinda mwijwire bulyalya nu bubi. ²⁹ Buhany'i mwenu mwe basarazi na balenguzi, balyalya, kulya mugwete mugubaka ishinda za balagu, nukugahemba yizo shinda za bandu bukuli. ³⁰ Nukudeta: Iri wehe twa ngabere bishazi bya ba Data wetu, tutangagizire luhizi nalibo ku mukogwa balagu. ³¹ Kukuno mugwete mugitunda mwenene, ko muli bana ba balya aba kita balagu. ³² Mwijuzagye bigero bya bishe wenu. ³³ Muli njoka, kirongo kinjoka, kute mugashagano bulibuze mu muliro? ³⁴ Kyo kituma, mulole, nga mutumira balagu, na bwenge, nabasarazi, baguma mukati kabo mwana baniga bandi mwana banaganika, bandi mwana bashurika mwinde lyi ngombe zenu nini, mwana bahiva kaya kwa kaya. ³⁵ Kiri hanyanya lyenu hali muko gwa balya boshi mukita bazira buhubi ngu kabulagika hano hashi, kutondera muko gwa Abeli mundu w'ukuli, kuhika muko gwa Zakaria mugala Barakia ye muganigira mwi ngombe hashambira handu hashukwa na hakashingiro. ³⁶ Biri ukuli namuwira bino binwa byoshi bigahirimira hitwe lyi kirogo kyenu i kigija. ³⁷ "Eeh Yerusalemu, Yerusalemu, we wali ke balagu, nuku bashulika kwi birongo balya bakatumw'i mwabe. Kanga ngasima kugushikanya bana babe haguma, nga ku kulya ngoko i kefu gatira bana baliyo mu , ti mwehe mutakasima. ³⁸ Mulolage nyumba zenu zigasigala mahamba. ³⁹ Kulya namuwira mwehe kutondera kukuno mutaga kimbona, halinde lusiku mugadeta agashanirwe uly'ugija kwizina lya Nahano.