¹ Yesu anashuza, anabawira kandi kwi migani nuku deta, ² Bwami bwi kunguba bushushenwe nu mwami muguma uka kungira mwana wage buya. ³ Anatuma bakozi bage kulalika bandu ku buya, ti batakasima kwija. ⁴ Anabatuma kandi bakozi bage kudeta, "Uwire balalikwako mira nengerekeza bubiri bwani ngavu zani, ni bindi binosire bira byashijwa, ni bindubyoshi byengere kere mwije yu buya. ⁵ Ti bandu banakekwishereka bani gendera, muguma ya mandalo gage yenene mugundi yu budandaza bwage. ⁶ N'abakasigala, banagwata yabo bakozi bage, banaba kolera bihalare nukubaniga. ⁷ Ti mwami anafa bute, analuguta yo bashangalume bage, banashereza yabo bitani nukushereza kaya kabo. ⁸ Kwayuk'anawira bakozi bage ko baya mira bwengerekera, ti balya bakalalikwa batali kumenene. ⁹ Mugende bera hamashanganiza lyi mitalimbwa, kazi bandu boshi mugabona mubalalike bije ku buya. ¹⁰ Bakozi bage banagenda yaho hamashanganiza, banabuza, bandu bosi bakashanga yaho, babi na bija, buya bwani jula bandu. ¹¹ Ti, lyo mwami, akingira kubona bageni, anabona yaho mundu muguma atembeti mulondo gu buya. ¹² Anabawira: Mwira wani, kute wingira hano, utanagweti mulondo gu buya? ndakyo kinwa kyoshi akadeta. ¹³ Mwami anawira, bakozi bage, mumushweke maboko na magulu nukumukabulira mwi kizizi ki mbunga, iyo mund'igaba kulira nukujiga reno. ¹⁴ Kulya yabo babuziwe bageni, t'abalondolwa bali banini. ¹⁵ Hanyuma balenguzi banagendagira luhango nga kute bangamusika mwi binwa byage. ¹⁶ Banatum'imwage bigizi wa babo kuguma na Baherode. Nuku deta, "Mwigiriza, tumanyire kowehe uli mundu wu kuli, unake kwigiriza njira ya Mungu mu kuli, utana kesalira mundu kulya utakelolekeza shusho (kandiri) Malanga nga bandu. `17Utuwirage, kute usalire? Ka byumenene kuheza Kaisari lugeshe ao nanga." ¹⁸ Ti Yesu anamanya bubi bwabo anabawira: Hanyanya lyi biki mugwete muga ngereka mwe balyalya? ¹⁹ Munyereshe lunjuma lulugeshe, banamudetera dinari? ²⁰ Anabawira, "Inoshusho na zino, nzarango ziri zandi?" ²¹ Banamuwira ko ziri za, "Kaisari." Naye anabawira lyure Kaisari ilya Kaisari ni bya Mungu biri bya Mungu. ²² Bishazi bakuva kuko, banasomerwa, banasiga ba mujanda banigender'imwabo. ²³ Yulo lusiku abasadu kay'abakedeta ko hatari kufuka, banij'imwage, banamubuza, ²⁴ Nukudeta, "Musa akadeta ko iri mundu angafa, naye atakasiga mwana, mwene wabo angayan'uye mukazi amusigire abana." ²⁵ Tutagwete benewetu balinda, mutazi anaganda anafa kulya atakasig'umwana, anasiga kukage hamwa mwene wabo. ²⁶ Kuko kuko wa kabiri, nuwa kashatu kiri boshi balinda. ²⁷ Buzinda bwa boshi, ulya mukazi anafa. ²⁸ Ahoo mukati ku kufuka, agaba mukande kwa bano balinda? Kulya boshi bakamuberana. ²⁹ Yesu anabashuza anabawira: Mugwete mahubi kulya mutama nyiri nsarango, kandiri buhashe bwa Mungu. ³⁰ Kulya mukati ku kufuka batakegonda kandiri kugondana, ti bagaba nga balembezi kunguba. ³¹ Kandi kwi binwa byu kufuka kw'abakafa mutakalolekeza mwi nzarango lyo mukawirwa na Mungu kudeta. ³² Nyehe nye Mungu wa Abrahamu na Mungu wa Isaka na Mungu wa Yakobo? Atali Mungu wa bafire ti Mungu wa baliho. ³³ Ni bishaz'iyo nduko ya band'ikuva, banasomerwa wenene kwa migirizo gage. ³⁴ Ti lyo, balenguzi bakuva k'ashwekatunwa twa ba Sadukayo banigushikania. ³⁵ Muguma wabo ali mutwiwi maaja anamubuza mukumugereka. ³⁶ Mwigiriza, mukati ki migako, mugako muki ugwikala mukulu? ³⁷ Anamuwira: Usime naha mwabe Mungu wabe, kwa magala gabe goshi, nuku mutima gwabe goshi nukubwenge bwabe boshi. ³⁸ Guno, go mugako mukulu kandi mutazi. ³⁹ N'ugwakabili kushushene naguno: Usime mwene wenu ngako wisimire wenene. ⁴⁰ Mukati kino migak'ibiri yegemere migako yoshi na balagu. ⁴¹ Iri bikaba balenguzi mira bigu shikania, Yesu anababuza. ⁴² Kudeta, "Musalire kule hanyanya lya rukiza? Yeh'ali mwana wande?" Banamushuza, "Mwana wa Daudi?" ⁴³ Anabawira: Aho, kutage Dsudi mukati ku mutima akabuze Nahano, kudi mukati. ⁴⁴ Nahano akawira Nahano wani ubudatale mu kuboko kwani ku lulyo halinde nibike bagoma bani iifo lyi shando zani? ⁴⁵ Haho Daudi anamubuza Nahano, yehe ali mwana wage kute? ⁴⁶ Ndaye kiri mundu muguma ndaye ukamubuza kinwa kandi.