¹ Kulya bandu bingi bakabika maboko gabo kugira nyu lukenge iyo myazi ikakoleka ho tushambira, ² nga ko baka tubwira balya bali ba subura abakabibona, nya bakozi ba yikyo kinwa kulyokera butazi. ³ Nani, nyabona kwakine, hanyuma lyu kulondekereza ukuli hanyanya lya bino bindu kutondera ubutondero bwa libyo, nikusarangire byo nga ku bishimbulira, mukengwa Teofile, ⁴ lyu manyirira ukuli kwa migirizo kazi gukahewa. ⁵ Bishazi bya Herode,mwami wi yudea,hali mugingi muguma u wali ke buziwa Zakaria, wu luzi lwa Abia, mukage ali muguma wa banyere ba Haruni, anyali buziwe Elizabeti. ⁶ Bombi babili bali bandu bu'kuli imbere lya Mungu,nyu kwi kenga buzira kasitaza mwi migako yana wetu . ⁷ Batali gwete umwana kulya Elizabeti ali mugumba,banyali kola bombi bashaja. ⁸ Bikaba bishazi agwetetagagira mukahua gwage gu bugingi nga ko lwali ulusiku lwage lukukala, kwingira mwi shengero. ⁹ nga ko migako yu bugingi iri mu kufuhiriza mavuta gu uvumba. ¹⁰ Nyi ndeko ya bandu bali imbuga bagwete bagikumba, bali mwa mahuno, bishazi buku fuhereza mabuta gongo gi uvumba. ¹¹ Anyashoshokelwa nyu muganda wa nawetu, imazire mu lulyo lu lungetenge lyu kufuherezezako. ¹² Lyo Zakaria akamubona anagongomwa,anyaboha. ¹³ Ti, ulya munganda anyamubwira, utabohe, Zakaria kulya, mahuno gabe guvina kandi mukago Elisabeti agakulutira mwana mushosi. Ni zina lyage agabuzibwa Yohana. ¹⁴ Nyabe ngaba nyu busime nyuku shambala, nya banda bingi bagasima banyanya lyu kubutwa kwage. ¹⁵ Kulya agaba mukula imbere lya nawetu. Atagizi kenwa mavu,iri kandi kandi byoshi lyu ku lalusa,agaba yuziwe m Mutima Mweru anyakiri mwi zimi lya nina. ¹⁶ Agiji deta bana b'israeli bingi imbere lya Nawetu, Mungu wabo. ¹⁷ Agiji shomola imbere lya Mungu nyu mutima nyi misi ya Eliya, lyo badeta mitima ya babusi imbere lya bana nya batengu mu bwene bwa alya bukuli, lyo bengerekezeza Nawetu bandu abumenene. ¹⁸ Zakaria anabira muganda, Biki ibigaba kamanyiso? Kulya niri mushaja nya mukanye akola nyi myaka yu bushaja. ¹⁹ Munganda anyashuza, "Nye Gabriel, nyakekwimanga imbere lya Mungu. Ndumirwe gu bwire, nyu ku kubwira guno mwazi mwija. ²⁰ Lolekezagya, ugaba kavuma, utaganyiji deta kuhikwira bino bindu bikoleke, kulya utemera binwa byani, ibakoleka ku bishazi byage. ²¹ Lolekezagya, bandu bali ke lindira Zakaria, banyasomerwa nyu ku kereza kwage mwi shengero. ²² Lyakahuluka, ali kavuma nyu kwabirwa kubadesa, banyabona ko abona bwigure(hali byeresibwa) mwi shengero anyagenderera kubadesa bga kavuma. ²³ Lyo siku zage zingolezi zarira anyashibanya ashubir'imwage. ²⁴ Butakya butira, mukage Elisabeti anyahek'izimi, anyibisha myezi tano anyadeta. ²⁵ Lo lukogo angolera nawetu mwa zino siku andolekeza andyoshi shoni imbere lya bandu. ²⁶ Mwezi gwa kalindatu muganda Gabriel anya tumwa nya Mungu mwa kaya ki Galilaya, akabuziwi Nazareti, ²⁷ Imbere lya munyere utashulagi shulehwa wi nyumba ya Daudi ubizibwe Yusufu. Izima lyuye munyere alibuziwe Mariamu. ²⁸ Muganda anyingir'imwage anyadeta, "Nakulamusa, wu kahewa lukogo, Nawetu ali kuguma nya weyuye. ²⁹ Mukosomerwa nyu ku somerwa nya yikyo kinwa, anyibuza nguno musingo uguli nga kute. ³⁰ Muganda anyamubwira, "Utabohe, Mariamu, kulya wabona lukogo imwa Mungu. ³¹ Lolekezagya, ugahekizimi, kandi ugabuta mwana, ugiji muhez'izina lya Yesu. ³² Agijiba mkulu kandi agiji beziwa mwana wulya ul'inyanya bwenene, nya nawetu Mungu agiji muheza bifumbi lya Daudi, ishe. ³³ Agiji kwimira nyumba ye Yakobo myakula, nyu bwime bwage butagujiba nyu buzinda." ³⁴ Mariamu anyabwira muganda, "Kute yibyo byokoleka, kulya ndijirwi mushosi?" ³⁵ Muganda anyamushuza, "Mtima mweru agija hanyanya lyabe, nyi misi nyu buhashe buye uli inyanya bugakuwika nyi kizuzu lyage. kyo kyatuma mwana mushuke ugabutwa imwabe agabuzibwa mwame wa Mungu. ³⁶ Kandi, lola, mwene wenu Elizabeti nyahe alizimi lyu mwana mushosi mu bushaja bwage, nya guno mwezi guli gwa kalindatu imwage ye walibuziwe mugumba. ³⁷ Kulya ndakyo kinwa ikita heshekeni imwa Mungu. ³⁸ Mariamu anyadeta, lolekeza nye nyiri mukozi wa nawetu, kube kuko imwani nga ko wadeta. Lilyo lilyo uye muganda anyigendera. ³⁹ Ko kuko, yibyo bishazi Mariamu anyagenda duba duba bande zi bihugo bo migazi, mwa kaya kaguma ki Yuda. ⁴⁰ Anyigira mwi nyumba ya Zakaria anyalamusa Elizabeti. ⁴¹ Bikaba bishazi Elizabeti akuvwa yugo musingo gwa Ibrahimu, hyana kyali mwinda kyanashangaza yuno mwi zimi(bunda) lyage, Elizabeti anyuzibwa mutima mweru. ⁴² Anya deta kwizu lingi, nyu kutwisa mbu ugashanirwe weyuye hashambira bakazi, nyaye mubuta wi lunda lyabe agashanirwe. ⁴³ Kute bya mbikira kute kino kinwa lyo nina wa nawani anyijire nye? ⁴⁴ Kulya lizu lyu kukerera kwabe lyo lingira mwa matwiri gani, mwana wa kalenga anibalala(juguma) nyu busime mwinda lyani (mwi mbinda lyani). ⁴⁵ Agashamire uy'ukumera, kulya ligakoleka bya ka wirwa nya nawetu. ⁴⁶ Mariamu anyadeta,"Mutima gwani gwigana nawetu. ⁴⁷ Nyu mutima gwani gwaba nya magene hanyanya ya Mungu mukuluzi wani. ⁴⁸ Kulya abona kudekerera kwa mukozi wage ko nya kuko, lolekeza, kulyokera zene, mibulo yoshi igiji ke mbuza ukagashanirwa. ⁴⁹ Kulya, wi misi angolera bindu binene, ni zina lyage lili lishuke. ⁵⁰ Ni mbonga zage zakelama mubuto nyu mubuto kwa balya bakemwikumba. ⁵¹ Agira misi ku kuboko kwage ashaba blya abengwete bukangate mu nzaliro zi mitima yabo. ⁵² Ahirimya lakulu mu bifumbi byabo byu bwami, nya balya bu ku dekerera abateramiza. ⁵³ Bishali akabi gusa mija, nya bagale akalahirwa maboko busha. ⁵⁴ Akatabala Israeli mukozi wage. ⁵⁵ Nga ku kabwira bishe wetu, Ibrahimu nyu mabuto gwage kuhikira myakula. ⁵⁶ Mariamu anyabera nyaliye nga miez'ishatu, hanyuma anyashulanya(galuka) kugend'imwage. ⁵⁷ Bikaba bishazi byu kubuta kwage Elisabeti bya kwira anyabuta mwana mutabana. ⁵⁸ Bikalanwa bage nyi balya bi kondo lyage banyuvirwa mbonga zage, banyasima, nya magene haguma nyaliye. ⁵⁹ Lwanyaba lusiku lwa munane hanjiji kembula mwana, banyalozi muha izina lishe lya Zakaria. ⁶⁰ Nina anyashuza nyu kudeta. "nanga, kutali kuko, ti, Yohana abuzibwe." ⁶¹ Banyamu bwira, ndaye mundu mwikondo lyabe ubuziwe kuko. ⁶² Banyakemi, ishe lyo banyama ka nga mu kuza. ⁶³ Anyifija ahewe i kibao, anyasaranga mbu, izina lyage ye Yohana benyasomerwa boshi. ⁶⁴ Haho hao kanwa kage hanyashwekulwanyu lulimi lwage geke, anyatondera ku kuza Mungu. ⁶⁵ Banyingirwa nyi kyoba boshi abali ke kota hasi nyalibo, nya yibyo binddu byanyalabwa mwi kihugo kyoshi kyi migazi nyi minani yu bu Yahudi. ⁶⁶ Nya boshi bakabyuvwa banyakebibika mu mitima yabo, nyu kudeta uno mwana agabali mwana muki? kuly kuboko kwa Nawetu kushuba kuguma nyalihe. ⁶⁷ Nya Zakaria ishe anyi juzibwa mutima mweru, anya lagula, nyu kudeta. ⁶⁸ Iganwe Nawetu, Mungu wi Israeli, kulya ijira bandu bage, nyu ku hoshekulisa. ⁶⁹ Atwimangiza nguliro yu bukuluzi mu luzi lwa Daudi, mukozi wage. ⁷⁰ Nga kwa deta kulyokera mira kwa kanwa ka mulagu wago mushuke. ⁷¹ Tukululwe nya bagoma betu nya mwamaboko gako boshi abatushombire. ⁷² Lyo abonera mboga bishe wetu, nyu kukengera kiragane kyage kishuke. ⁷³ Kiri angaba akarapira Ibrahimu, ishe wetu. ⁷⁴ Kwa gatutahala twe tukululwe mwa maboko ga bagoma betu, nyu ku ki mwikumba bugira kyoba, ⁷⁵ Mu bushuke nyu kuli imbere lyage siku zoshi. ⁷⁶ Nabe, mwana, ugabuzibwa mulagu, ul'inyanya, kulya ugikangi mbere li langa lya Nawetu, lyu mukungira njira zage. ⁷⁷ Umanyise bandu bage bukulule, mukati lyu ku kogwa mabi gabo. ⁷⁸ Kwi njira zi mbanga za Mungu wetu, munalizo byenge ikilyosire inyanya kyatukihira, ⁷⁹ Kulomeseza balya abali mu kizizi ni kizuzu kyu lufu, nyu ku gendesa magulu getu mwi njira yu mutula. ⁸⁰ Uye mwana anyangederera, kukola nyu kula nyi misi mu mutima. Anya bera mwi mbinga(nderengenya) kuhika bishazi bya kiyeresa ya ba Israeli.