¹ Bino binwa ni mubwizire mungije gaya. ² Baga mugaba no ma Sinagogi bishazi bagijike salira mbuwa mu mwita agwete agi kumba Mungu. ³ Na yibyo babikola kulya bata manyiri Data iri nye yuno. ⁴ Ti ni mubwizire yi byo bishazi bika haka muko bikengere ko nga mubwira, naka mubwira butazi kulya nalikiri kuguma na mwe. ⁵ Ti kukuno nyehe nigendera imwa uka nduma tindae mumwe uwambuza ko hahe ngagya? ⁶ Ti kuko ni mubwizire Igongo lya mwijula mwi mitima yenu. ⁷ Ti nu mubwizire byukuli bumumenene nyehe ndwoke kulya ndalyosiri uye mutabazi atagizi imwenu ti iri nanga genda nga mutuma imwenu. ⁸ Naye hanu ija aga gokomeza kihugo ku miazi ya mabi nuukuli nu lubaja. ⁹ Ku mwazi gwa mabi kulya bata nye meziri. ¹⁰ Ku mwazi gu kuli kulya nigenderi imwa Data mutanaki mbona. ¹¹ Ku mwazi gukutwi maja kulya ulya mukulu wi kihugo mira alwiru lubaja. ¹² Kiri angaba niki gwete bingi mwubwira ti mutanga lungani bigwata kukuno. ¹³ Ti yeke ano ija uye mutima gu kuli yuga mulangula amubike hali ukuli koshi kulya ataga deta kuluhanga lwage yenene ti byoshi aguva agabi twisa ni bigija aga mubalira miyazi yabyo. ¹⁴ Yuga nyigana kulya aganga kubyani nuku mubalira miazi. ¹⁵ Nibyoshi Data agwete biri byani kituma na deta ko aganga mubyani nuku mubalira mwazi ¹⁶ Kukishazi kinini nenu mutaga mbona kandi kishazi kinini mwa mbona. ¹⁷ Bigiziwa baguma babo banake deta mbu kinwa kiki kino adeta mbu kishazi kinimwa mbona?nayikuo mbukulya na genda imwa Data? ¹⁸ Kinwa kiki kino adesire yikyo kishazi kinini?tuta manyiri bia desire. ¹⁹ Yesu ana manyako balozire mubuza ana babwira kukyo mugwete mwabuzania ko na deta kishazi kinini mwetaki mbona ni kandi kishazi kinini mwa mbona? ²⁰ Mwemere mwemere ni mubwizire mwehe mwalira nakushiba ti kuhugo kiga sima mwemugaba ni gongo ti igongo lyenu lya hinduka kuba magene. ²¹ Mukazi aga buta akegongomwa kulya bishazi byage byahika ti amanyi buta mwana ataki kikengera galya malibu kubusime buku butwa kwa mundu mukuhugo. ²² Kukuno mwe muli ni gongo ti nyenga mubona kandi ni mitima yenu igaba namagene na mage ni genu ndae uga gagalyosa. ²³ Nisiku yizo mutaga buza kinwa kyoshi mwemere mwemere ni mubuzire iri mwanga huna Data kandi koshi aga muha kwizina lyani. ²⁴ Kiri kukuno mulahuna kandu kwizina lyani muhune muga hawa busime bwenu bukwire. ²⁵ Yibyo ndesire kwi migani bishazi bijire byo ndaki mudesa kandi kumigani ti nga muha gerere gerere miazi ya Data. ²⁶ Na yulo lusiku mugahuna kwi zina lyani ti ndambwizire ko nga muhunira imwa Data. ²⁷ Kulya Data amusimire kulya mwe muka nzima nukemera konga lyoka imwa Data. ²⁸ Nga lyaki imwa Data nani ngija hakihugo kani nasiga kihugo na gendi imwa Data. ²⁹ Bigiziwa bana deta lolaga wa deta gerere utadesiri ku mugani goshi. ³⁰ Twamanyaga ko wiji byoshi utifijiri mbu mundu akubuze kuko twi meraga ku uka lyoka imwa Mungu. ³¹ Yesu ana bakula ka mwemeraga? ³² Lola bishazi bijire mira byanija lyo mugashabuka muguma muguma kwage muga naziga nyenene tindali nyenene kulya Data alikuguma nanye. ³³ Yebyo nimu bwizire lyo mubanu mutula mwinda lyani mukihugo muli malibu ti mwihe mutima nye nahima kihugo.