¹ Nye yuno nye muzabibu gukuli na Data ye muhizi. ² Itali lyoshi mwinda lyani ilitoga buta ngali lyosa ni tabi lyoshi ilya buta ngali shuka lyo libuta bwenene. ³ Mwene mira mwakya hanyanya lya kilya kinwa nga mubwira. ⁴ Mwote mwinda lyani na nani mwinda lyenu,nga kulya itabi litanga hashibuta lyonene litali lita osiri mwinda lya muzabibu kona kuko mutoosiri mwinda lyani. ⁵ Nyehe nye muzabibu ninu mwihe matabi uga bera mwinda lyani na nani mwinda lyage uye agabuta bwenene kulya buzira nyenda byo mwanga gira. ⁶ Mundu utagola mwinda lyani aga kabulwa imbuga ngi itabi nukuma bandu bake gasha mbia nukuga lunda hamulira gana singoke. ⁷ Muhe mukota mwinda lyani ni binwa byani bika bera mwinda lyenu muhune byo mwifijire byoshi nenu mwa bihawa. ⁸ Kuko Data aza tunda kulya mwabuta bwenene nenenu mugaba bigiziwa bani. ⁹ Ngako Data akazima nye nani mana musima muba yenye mubere mukusima kwani. ¹⁰ Iri mwanga gwata migako yani muga bera mukusima kwani ngako nga gwata migako ya Data nana bera mukusima kwage. ¹¹ Ni mubwizire yibyo lyo busime bwani bube mwinda lyenu nu busime bwenu bukwire. ¹² Mugako gwani goguno musimane ngako nga musima mwe. ¹³ Ndae ugwete busime buhimire buno mundu kutanga bugumana bwage hanyanya lya bira bage. ¹⁴ Muli bira bani iri mwanga kola byo nimu bwizire. ¹⁵ Ndakimbuzizi baja kulya muja atanga manya byo nawabo agwete kakola ti mwe nishi nguva mwira,kulya byoshi nguva imwa Data nake mubalira byo. ¹⁶ Atali mwe muka ndondola ti nyuka mulondola mwe nana mbika mugende mubutemahu na mahu genu gabere lyo kazi byo mugahuna Data kwizina lyani amuhe. ¹⁷ Bino ni mubwizire mwe musimane. ¹⁸ Kiri mbu kihugo kimushombe mwiji ko kika tangi njomba imbere lyuku mushomba. ¹⁹ Mukibage baha kihugo kyanga musimire ko muli bakye ti nye nga mulondola mwikihugo hanya lyakuko kihugo kimu shombire. ²⁰ Mukengere kilya kinwa nga mubwira ko muganda atali ye mukulu ku nahamwabo iri akaba baka ndalangiza nye nenu kona kuko ba muta langiza iri baka gwasa kinwa kyani nikyene baga kyemera. ²¹ Bino baga muko lera kwizina lyani kulya batamanyiri uka nduma. ²² Ndakijage badesa batanga bere ni byaha ti kukuno batagweti ko bangadeta kubyaha byabo. ²³ Uye uga njomba ashombire na Data. ²⁴ Ndaki ko lage miko lwa yo guni mundu atanga hashi kola ti baka tubona nye yuno twena Data bana tushomba. ²⁵ Lyo kilya kinwa kika sarangwa mwi Torati yabo kiko leka mbu baka nja mbera busha. ²⁶ Ti hano uye mutabazi ijayenga mutumira uga lyoki imwa Data ye mutima gukuli ugalyoko imwa Data yuga mbanira busibura. ²⁷ Nenu geke muga mbanira busibura kulya twali tweshi kubu tondera.