¹ Ti , nyadeta ko mubishazi byoshi mumwika, kila angaba mwana, atagweti mbelulukanwa nyu muja, kili angaba nahano wi byoshi. ² Ti, ali hifo lya a bamwimangire , kili bishazi i bika bikwa mira nya Data. ³ Nya nyetu,bishazi twali baana, twali ke kolesewa mwi bitali mbelulukanwe nyi bindi byu butazi byu mikihigo. ⁴ Ti, ili bishazi bikahika , Mungu anya tuma mwana wage ukabutwa nyu mukazi, anya butwa hifo lyi migako. ⁵ Lyo akulule balya boshi a bali hifo lyi migoko, lyo tube bana. ⁶ Nya kuko mukola bana, Mungu akatuma mutima yetu , uwake lila,Aba, ko kudeta,Data. ⁷ Ili byo bibyo, we yuye, utakili kandi muja ti ukola mwana, kuko ukola mwimikwa wa Mungu. ⁸ Ti mwa yibyo bishazi kulya mutaka manya Mungu, mukabalya a batali mu butondero mizimu. ⁹ Kukuno mira mwa manya Mungu , ili kandi bwenene mukola manyikene nya Mungu , hanynya lya biki kugalukira kandi nyigirizo zu bitazi i zitali nyija agateneziri, go musimire mukolele kandi? ¹⁰ Mwake janda mikolwa mwi siku nyi myezi nyi bishozi nyi myaka. ¹¹ Nyoboha kukuna nya kola hanyanya lyenu. ¹² Bene wetu, nya mu hoha mube nga nili nga mwehe. noako mwangililo i'lili libi. ¹³ Ti koke mumanjire ko nga mwigiliza mwazi mwija butazi hanyanya lya magala kulemba. ¹⁴ Nyu mugereko u guka bapata kushimbana nya magala gani mutika gwenega ili kandi ku gu lahira, ti mukanyangilila nga malaika wa Mungu, nga Yesu Kristo ¹⁵ Kuli hahe , kulya , kwi buza uli nyi naama?nya mugokomeze ko ,nga byanga hashikana mukulwe masu genu mu mbeze nyehe. ¹⁶ Ewe , ngola mugoma wenu kulya nya muwira i bili byu kuli? ¹⁷ Yabo basimire ba mulyose,Ti bitali bi njila nyija, Ti basimire ba mushekere imbuga, lyo muba sime nyi kyuya. ¹⁸ Kuli kwija kubabonera kyuya mukati ki kinwa kija siku zoshi, ti bitabe bishazi tuli nyehe kuguma nya mwehe naho. ¹⁹ Bana mwe ngwete nga bonera bululu buku buta kandi ngako Kristo anga bumbwa mwinda lyenu. ²⁰ Nzimire nyibe habutambi lyenu nyuku sola izu lyani kulya nyabona nganyinganyi hanyanya lyenu. ²¹ Mu mbwirage mwe mwake sima mube hifo lyi migako,Ewe! mutake kuva migako? ²² Kulya bisarazirwe ko, Ibrahimu ali gwete bana ba bili muguma i mwa muja , nya gundi i mwa mukage. ²³ Ti koke uye wu muja , akabitwa mwa magala, uye wa mukage ali wi bulangalile. ²⁴ V 24Bino bindu byake detwa mwi migano , kulya yabo bo bali nga bilangane bi bili, nguma kulyoka mumana Sinia,libusire buja uli hajiri. ²⁵ Kulya hajiri ali nga mumana Sinia u guli iyo i Arabuni, gu shushire Yerusalemu wa zene, kulya akozire kuguma nya bana. ²⁶ Ti Yerusalemu yi gulu kohe lali kaya a kata tubusire mwi buja. ²⁷ Kulya bisarazirwe, ushambale we mugumba, utere izu, ulile, wu'tagwete bululu buku buta kulya bana bage ukasigwa yenene bali bingi kutaluka buye u gwete mushosi. ²⁸ Kuko, bene wetu nga Isaka twehe tuli bana bi mbulangalile. ²⁹ Ti koke,ngako uye uka butwa kwa magala aka migira bugazi uye uka butwa kwi mutima ko binalizene ³⁰ Kute nyarango zi desire? u hire muja nu mwana wage , kulya mwana wu muja ataga i mikwa kuguma nyu mwana utaka butwa mw' buja. ³¹ Ko kuko bene wetu, twehe tutali baana bu muja, ti tuli baana buye maye utali muja.