¹ Mwe Galatia mutali nyu bwenge ind'uka muloga mwe Yesu Akabikwa gerere gere r'imbere lya masu gu kalibuzi. ² Ngola ngiga kinwa kiguma imwenu. ³ Kute kama kola byoto kukuno, mu nyuma lyu kutundera nyu mutima , mukola muga go komezwa mukati lya magala. ⁴ Mugwa sirwe nya malibuze mwene nagano busha? iriagaba buli busha imwenu. ⁵ Kuko yu ka muheza mutima goi biso meza, ka gizire yibyo kwi ngolezi yi migako, iri kuva bwemere? ⁶ Kulya Ibrahimu akemera Mungu amu gajir'ukuri. ⁷ Kuko mu ma nyage ko boshi bali nyu bwemere , bo bana ba Ibrahimu. ⁸ Nyu lusarangao lwa mira hutweresize ko Mungu akatugajira ukuri bwemere bwa bana birongo, lyo mwigiriza Ibrahimu mwazi mwija, mukati lyabe bana birongo boshi baga gashanirwa. ⁹ Kuko yabo bali nyu bwemere baka barikiwa kuguma nya Ibrahimu wali nyi mbikirize. ¹⁰ Kulia bashi bali nyi ngorezi yi migako bali ny' idaki kulia bisaraziwe , adasirwe utalamiri mu byosi bisarazirwe mw'ibugu li Torati. ¹¹ Biri gerere ku mundugajirwe ukuri nyi migako aga lama nyu bwemere. ¹² Nyi migako itakija ku bwemere,ti ugwete ugakola iyo migako, aga lama mwa yibyo. ¹³ Kristo aka tu kulula mw'idakili migako, kulia agakirwa idaki hanyanya lyetu. kulia bisarasirwe , adasirwe mundu yesh'umanisirwe kwa kati. ¹⁴ Kulia migashaniro ya Ibrahimu ihikire bana birongo mukati lya Yesu Kristo lyo tuba nya kalangulizi ku mutima kw'injire yu bwemere. ¹⁵ Ndesire nga mwana wu munda ki riangab'iragi lwu mwana wu mundu, iryang'ushul'ikinwa indaye wange kyongera. ¹⁶ Kuko bulangalire buka detwa mwa Ibrahimu nyu kwa bana bage . ata desiri kwa babusimbu bingi iri muguma mwa bana babe, koku deta Kristo. ¹⁷ Lyandesire lino, iragi lika gogomezwa nya Mungu, migako ika ryoka mwi miaka magana gane, hanyuma lita manyikeni, iri kuhindula bulangalire. ¹⁸ Kulia bindu byu kushula mugako nyu bulangalire , Ti Mungu akamubwira Abrahamu kwi njira yu bulangalire kuko Mungu akaheza Ibrahimu kwi njira yu bulangalire. ¹⁹ 19Migako byo biki? i kingi zibwa hanyanya lya mahubi nyunye mwana akhewa bulangalire , bikahangulwa kwa balemberezi nyu kuboko ku walitumirwe. ²⁰ Ti walitumirwe atali tumerwe ku muguma. ti mugali muguma Ka migako ita shusheni nu bulangalire bwa Mungu? ²¹ nanga, kwa kulia ngazene kuka bikwa migako ihashire , ukuli kwanga bone sire kwi migako. ²² Ti nzarango mira zashwesire zoshi ifori misi ya mabii, ku gira ko bemezi bahewe yubo bulangalire kw'imbirize ya Yesu Kristo ²³ Ti hanyuma likwija iyo mbiki lizi tuali bikilwe hifo li migako, tushwesile hoigalinda igija iyo mbikilize iga wikulwa. ²⁴ Kuko iyo migako abaye mwi mangizi kutudeta imwa Kristo. kugila tu boneka kubani mbikilizi. ²⁵ Ti kili mbkilizi ikija tutakili tuta kili hefo lya mwinua ngizi. ²⁶ kwa kulya mweshi mukola bana ba Mungu mwi njilo ya kalangalizi mukati kwa na wetu Yesu Kristo. ²⁷ Kwa kulya mweshi mwenu kashukwa mukatika Yesu Kristo mila mwamwa mbala Kristo. ²⁸ Ndakiye muyuda na muyunani nda kiye muja nutali muja hatakili mukozi mushosi nu mukozi ti mwe shimukola kuguma munda Kristo Yesu. ²⁹ Nili muli bandu ba Kristo mukola bumu butogwa Ibrahimu na bimikwa ngaku bulangalile.