¹ Bishazi Petro nya Yohana balike deta nya Yakobo bandu,bagingi nyi shangalume wishengero nya Basandukayo bana bahulukira. ² Banyali nyigongo bwenene kulya bigiriza bandu nyu kubanyisa kufuka kwa bandu mukati ka Yesu. ³ Banya bagwata,nyuku babika mu busheke kuhika kumukyo,kulya byali bishazi bya kabigingwe. ⁴ Ti bingi mwa balya bakuva gulya mwazi bakemera,na mugajo gwa bashosi gwali nga bihumbi bitano. ⁵ Kumukyo,bakulu nya bashaja nya yabo bake saranga banashanganana i Yerusalemu. ⁶ Nya Ana mugingi mukulu,nya Kayafa geke,nya Yohana nya Iskanda,nya boshi kazi bali bi mwikilongo kya mugingi mukulu. ⁷ Banya bika Petro nya Yohana mukati nyuku babuza: mwi misi ya nande nyu kwizina lya nande mwagira bino? ⁸ Kuko Petro,alikwijwire mutima mweru,ana bawira,mwe bakulu ba bandu nya bashaja bi Israeli. ⁹ Nga twanga buzwa zene mwazi gwi gambo lija,lyo agililwa uye mundu mugazi,ngako akiziwa. ¹⁰ Mweshi nya bandu boshi mumanye bi Israeli ko kwi zina lya Yesu Kristo wi nagreti,nye mwehe muka mubika kwa kati ka mahagi,Mungu anya mufula mukati ka bafwire,kwa yilyo izina uno mundu imazire mugumana imbele lyenu. ¹¹ Yehe lyo yilyo iwe mwe bubasi mukenge,lilyo lya bikwa libe iwe lihamu lyubutambi. ¹² Hatanyali bukulule mugundi yeshi-yeshi ,kulya hatali lindi izina hifo likunguba lyo bakahewa bana ba bandu i lyanga tukulula. ¹³ Kuko mukubona bu ndwali bwa Petro nya Yohana,nyuku bamanya ko bali bandu batagweti bwenge bali byoto,bana somerwa,nuku manya ko bali kuguma nya Yesu. ¹⁴ Nyuku bona uye mundu uka kizwa imazire kuguma nalibo,banagasha byuku deta. ¹⁵ Bana bawira ba lyoke mwa yikyo kigandaro kyabo,bana gira lushungu bonene ku bonene. ¹⁶ Nyukudeta,tubagirire biki bana bandu?kulya bimanyikene nya bandu boshi abake bela i Yerusalemu ko kisomezai kya boneke,ba bakigira,nyetu tutanga kilahira. ¹⁷ Ti kino kinwa lyo kita genderere mwa bandu,tu-boboye bata deta nu mundu yeshi mwa lino izina. ¹⁸ Bana ba buza,bana ba gaka,bataki dete nyuku igiriza kwi zina lya Yesu. ¹⁹ Petre nya Yohana bana bashuza,bana bawira,ka kuli ukuli imbele lya Mungu kumuviliza mwehe,tutuvilize Mungu,mutwe lubaja mwenene. ²⁰ Kulya twehe tutanga leka kudeta bilya tukabona nyukuva. ²¹ Nabo bamali kusa kubobahya kandi bana bashwekula,kulya bakagosha njila yuku balibuza,hanyanya lya bandu,kulya bandu boshi bali ke kwigana Mungu kwa bilya bika kolekana. ²² Kulya mujuja gwage uye mundu ukakolelwa yikyo kisomeza kyuku kizwa gwali talusire myaka makumi gani. ²³ Hanyanya lyuku,shwekulwa,banyagenda imwa bandu babo,banawira nyazi nya magambo goshi ngako bawirwa nya bagingi bakulu nya bashaja. ²⁴ Nyabo bamali kuva,bana telela Mungu mbila zabo mu mutima muguma,banadeta nahamwetu,wehe we Mungu,wu kagira kunguba nyi kihugo nyi nyaja nyi bindu byoshi ibi muli. ²⁵ Nabe ukadeta mu mutima mweru mwa kanwa kishe wetu Daudi,mukazi wabe,hanya lyibiki bana bilongo bagira lube! nya bandu basalila binwa busha? ²⁶ Bami bi mwikihugo mira bilongeka,nya bakulu bagira lushungu kuguna hanya lya nawetu na hanyanya lya Kristo wage. ²⁷ Kulya kuli ukuli,Herode kuguma na Petro kuguma na bana bilongo nya bandu bi Israeli,bigushikanya mwa kano kaya hanyanya lya mukozi wabe mushukwa Yesu,uye ukabika mavuta. ²⁸ Lyo bagire byoshi bilya kuboka kwabe nyu bishungu lwabe luka himbikwa kalyoka butazi bishoshoke. ²⁹ Nya kukuno,nahamwetu,ulole kute bagwete baga twobohya,utu hashise,utuheze misi yuku deta kinwa kyabe. ³⁰ Ugolole kuboko kwabe ukize,bisomeza nyi bitangaza bikoleke mwizina lya mukozi wabe mushukwa Yesu. ³¹ Bishazi bali mali huna Mungu,yaho mwa yubo buziki hana shagala,boshi banijula mutima mweru,bana deta kinwa kya Mungu nyi misi yubundwali. ³² Nya yabo bandu bingi a baka'emera bali nyu mutima muguma ndaye wali ke deta ko kindu kyoshi agwete bili bulugu byage yenene,ti baligwete bindu ku buguma. ³³ Nyi ndumwa zana gira busu bura bukufuka kwa nawetu Yesu kwi misi mingi,nyu lukogo lwingi lwanaba hanyanya lyabo boshi. ³⁴ Hatakanyaba mundu muguma mukati kabo waligwete nyifijo,kulya bandu boshi baligwete ma ndalo nya manyumba banya biguza,banya deta kishingo kya yibyo bindu baka guza. ³⁵ Bana kibika mwa magulugi ndumwa,kila mundu bana mugabila ngako njifijo zage zali. ³⁶ Nya Yusufu,uwali ke buziwa nyi ndumwa Barnaba,(ko kudeta,mwana wukuhohya)malawi shoka yage ali mundu wi Kipro. ³⁷ Aligwete ndalo anya gi guza,anadeta njuma,anazibika mwa magulu gi ndumwa.