^{3 1} Paulo ana bahenekela bandu bulu bunga,anadeta bene wani nyehe kwi nziliro zikyele wenene nilamile mbele lya Mungu mupaka kukuno. ² Mugigi mukulu Anania anawila yabo bali kwimazile hasilyage bamushulika kanwa kage. Paulo ana wila Mungu agakushulika wehe,kisikakishizi lwe luhembo wehe ubwedetele kundibuza ngako migako nabe wahangula ni bandwe imyumali migako. ⁴ Yabo bali kwimazire hasi banyadeta ka!wa muoluka mugingi mukulu wa Mungu? ⁵ Paulo anyadeta ndamanya bene wetu,ndamanya ko yehe ali mugingi mukulu kulya bisalazirwe utamudetere mabi mukulu wabandu babe. ⁶ Paulo lyo akamanya ko luhande luguma bali basadukayo nuluhande lwakabiri bali Bafarisayo,anya shonyizu lyage mwiyo ndeko,benewetu nyehe nde Mufarisayo mwana wa Farisayo nyehe nyalibuziwa hanyanya ya kalongalizi ko kufulwa kwa bakafa. ⁷ Lyo akamaliza kudeta yibyo hali kuhimanahakatirya Mafarisayo naba Sadukayo ndeko yana hambona. ⁸ Kulya Masadukayo gadeta ko ndago malibu ili kandi ba malaika nu mutima ti ba Farisayo bemezire byoshi. ⁹ Hanyaba lunganga lwingi,bandisi bingi buluhande lwa Bafarisayo banyi manga bana gamba nukudeta tuta wini woubi boshi mukati ryuno mundu ti iri angaba mutima iri kandi malaika adesire naye baribiki? ¹⁰ Irongwe likulu lyo likalyokera ulya mukulu anyoboha Paulo atashulikwe,anahamu luhumagira bashangalume bamwandagaze nukumulyosa kwi misi mwamaboko gabo nuku mudeta mwinda linyumba ya bashangalume. ¹¹ Yubo bushigi nahamwetu animanga hasi naliye anyadeta ube numutima mukulu kulya ngako ukambala myazi yani i Yerusalemu byakuhuna kumbalageke bumi nayo. ¹² Lyo bukakya Bayahudi banagiru buvanwe bani shweka kwi milaha kudeta batagalya,bataganwa halinde banige Paulo. ¹³ Na balya bakalapirana kuko bakataluka bandu makumi gane. ¹⁴ Nabo banagenda ya bakulu ba basiri kani na bagekulu,banyadeta miratwishweka kwi kirapo tutalabe kandu halinde tunige paulo. ¹⁵ Ti nenu kuguma na bashaja bindeko mu muwira mukulu wabashangalume amudete imbere lyenu nu kweresa ko mubozize kumanya imyazi yage bya bwenene netu twiyengerekezize kumumiga ata negerera. ¹⁶ Mwizo wa Paulo anyuva iyo myazi yukulyokeri mwabo anagenda nu kwingira mwi ndeko nuku muwira Paulo iyo muyazi. ¹⁷ Paulo anyabuza mugingi wage muguma anyadeta wange uno mukanyimba umudete imwa mukulu kulya agweti kinwa kyukumuwira. ¹⁸ Ti ene mwanga anamutwala imuye mukulu anamuwira Paulo ulya mushwekwa ambuza enesina ngudetere uno mukanyimba kulya agweti kinwa kyuku kuwira. ¹⁹ Ulya mukulu anamugwa kukuboko anyibelula liye uluhande anya mubuza kwi mbisho ugwe ti kinwa kiki ulozize kumbwira? ^{21 20} Anyadeta Bayahudi buvanwa kukuna umudete Paulo hashi shezi umubikimbere lindeko biboneke ko balozize kumanyi myazi yage bwenene. Ti wehe utemere kulya bandu batalusire makumi gane bamu merera,bishweka kumirahi batalye ili kandi batanwe halindirire bamunige,nabo mira buyengerekeza kukulindirira ikiragane imwabe. ^{24 22} Ti uye mukulu anya mujanda uye mukanyimba agende nukumuwira utwire mundu yeshi ko wambwira ino myazi. ²³ Ana buza bagingi babiri anadeta mwengerekeze ba shangalume magana gabiri kuyenda i Kaisaria naba shangalume abashonire i farasi makumi galinda na bagwete matumo magana gabiri mwi biwambulu bishatu byushigi. Anya bawira,kwengerekeza inyama zimushonye Paulo nuku mugwata bwija nuku mutwala imwa Feliki mukulu. ²⁵ Anya sananga ulwandiko kwene kuno. ²⁶ Claudia Lusia mukulu witunda musingo! ²⁷ Uno mundu agwatwa na bayahudi banyaba hasi lyuku muniga ko nyagenda kuguma ni ndeko yabashangalume nyama mukiza lyongahewa myazi ko yehe ali mu Rumi. ²⁸ Nani mukuloza kumanya yikyo kinwa bamusita kira nyana mwandagaza nyana mubika imbere li ndeko. ²⁹ Nyanabona ko asitakwa hanyanya libinwa bi migako yabo tyata kasitakirwa kinwa kindi kyoshi iki menene kunigwa iri kandi kushwekwa. ³⁰ Kiri lyo ngahewa myazi kudetako Bahuda bakagiri kumbiribi hanyanya runo munda nyana mugendana i mwabe nyana bawirabalya baka musitaka badete imyazi yage imbere ryabe yu musingo. ³¹ Ti balya bashangalume banamwanga Paulongako bakawirwa bona mugendana mupaka i antipatiri musingo. ³² Bukyo sheshezi bana janda yabo bali shonile Parasi bagende kugumana liye nabo banagaluka mwindeko. ³³ Nayabo ili bakahiki Kaisaria nukuheza mukulu yizo nzarango banya bika Paulo imbere lyage. ³⁴ Naye iri akusoma ana babuza uno mundu ali uluhandae luhe?iri akawirwa kwali mundu wi kilikia. ³⁵ Anya deta ngakuviriza wehe hano bahika balya baka kushongerera anahangula alongwe mwe nyumba