¹ Mwe bashosi bene wani na badata mu nyu vilize kongwete ngibala imbele lyenu. ² Ili bakuva kwa ganula nalibo ndeto yiki Ebrania,bana hulika anya deta. ³ Nili mundu wi Kiyahudi nga butwa Tarso kaya ki kilkia ndinga le lwa mwa kano kaya mwa magulu ga Gamalieli,na nigiliziwa migako ya data,kuku shigisha nana ba mundu wi Jitihadi imwa Mungu ngako nenu muli zene. ⁴ Nana libuza bandu mwino njila,nu kubaniga nana bashweka nuku babika mwinyumba yukushwekela bashwekwa,bashosi na bakazi. ⁵ Ngamugigi mukulu naye akembala na bashasha bulu bunga,boshi balya nga ngilila zarango zabo,ku batwala mwa yabo bene wetu nana genda i Damaski kudeta yabo baliyo mupaka i Yerusalemu nabo bashwe sirwe ku gila bali buziwe. ⁶ Lyo nali bala mile kuhikila i Damaski bishazi bya kabigingwe liguma lyoke lwenge kulyoka kunguba lwa na julika mbande zoshi. ⁷ Nana hidima hashi nanuvaizu lya bwila Sauli Sauli katuma wandibuza? ⁸ Nana shuza wenande nahamwetu anambwila nye Yesu wi Nazareti nyu gwete ugalibuza. ⁹ Nayabo bali kuguma nanye yuno ba bakabana yulo lwenge ti bataku kayilyozu yuye uka deta na nyehe. ¹⁰ Nana deta nigire kute nahamwetu?nahamwetu ana mbwira imanga ugende i Damaski niyo uga wilwa byoshi byo urumenene kugila. ¹¹ Nilinga banda wini hanyanya lyu lwenge luka julika mwa masu nana twalwa mwamaboko gayabo twali tweshi nana hika i Damaski. ¹² Mundu muguma Anania mulonde lwa kukushimba migako ukabalwa bwija na Bayahudi boshi abaliyo. ¹³ Ananyijila ana bela habutambilya ni ana bwila mwenewani Sauli ubone nana muzibulila masugani hahohaho. ¹⁴ Anadeta Mungu wabadeta akula ndola wehe ushashe kumanya bulo zebwage kubona uye urukuli nuku vaizu lilyo sile mwa kanwa kage. ¹⁵ Kulya ugaba subura wage mwa bandu boshi mwa yibyo uka bona nayibyo ukuka. ¹⁶ Katuma wa legelela?imanga uvuvubikwe ushukwe maerigabe ubuze izina lyage. ¹⁷ Ilingaba mila na galuka i Yerusalemu lyo ngaba ngwete nga huna mwimu lyongaba ngwete nga uruku hola mutima. ¹⁸ Nana mubana naye anabwila duba ulyoke i Yerusalemu kulya batagemela kungibala mwi myazi yani. ¹⁹ Nani nana deta nahamwetu Bamanyile yabo ko nyehe nalike bashweka mwa kasukuru balya balikwemezile nuku bashulika mukati lishengelo zoshi. ²⁰ Nu mukagwa Sitefano subura wani wabe lyoguka bulagwa nyehe nani nyalike kwimanga hasi nalike kwemela nukubuka milondo ya yabo bakamuniga. ²¹ Naye anamwila,genda kwabe kwakulya nyehe ngakutumagende hale yabanabilongo. ²² Banyamuviliza hazinda yikyo kinwa banyashonya magu gabo,banadeta mumulyose uno mwi kihugo kulya atumeneni kulama. ²³ Lyobalikolike banda kalulu nukukabulila milondo yabo nukukabulila lutumutumu mukyahanya. ²⁴ Ulya mukulu anya hamera,adetwe mwindalyindeko nukudetako abiziwe myazi yage kukushulikwa mukaba lyo amanya kilibangamutelela kalulu ngakukuno. ²⁵ Kili lyobakamalila kumushweka kumugazi Paulo anamuwili uye mukulu walikwimazile hasi lyu luzi,ka! kulikwija kushulika mundu uli mu Rumi naye atashuba akatwilwa lubaja? ²⁶ Ulya mukulu lyo akuva,anyagenda anyabengelekeza,ulya mukulu,mukudeta waloza kugila biki?kulya uno mundu ali mu Rumi. ²⁷ Ulya mukumbata anyiya anyamubuza mbwila,uno Murumi anyadetako kube. ²⁸ Muku kuno kwi bindu bingi Paulo anadeta nani nili Murumi urukubutwa. ²⁹ Yabobali kwi yengerekezize ku mwibuza bana genda bana musiga nuye mukulu naye anoboha lyakamanya kwali Murumi nganako ashwesiri. ³⁰ Lwakabili lwage lyo akasima ku manya ukuli bitumile anga shongelelwa na Bayahudi bakulu bana mushwekula bana wila baba shangalume ni ndekoyoshi bashanganane bana deta Paulo hashi bana mubika imbele lyabo.