¹ Bishazi lusiku lwi Pendekoste luka kwira bali boshi handu haguma. ² Hakija muhusi gwi kihuh u guka huluka kulyoka kunguba gwanaijuza nyumba yoshi kazi bali budetere mo. ³ Hanya bahulukira mulila u gwali nga lulima gwana babudatalila kila muguma wabo nyukwi belula. ⁴ Boshi banijuziwa mutima mweru,ngako mutima aka bahashisa kudeta. ⁵ Na mwa yilyo bishazi Bayahudi bali ke bera i Yerusalemu bandu bashukwe bandu bi kila kilango hifo lyi gulu. ⁶ Banyuva izu lyu lunganga mwa yugo mushambiro bali shengenene banya somerwa kulya kila muguma akabuva bagwete bagadeta mwi ndeto yage yenene. ⁷ Bashi banasomerwa bana wirana lola bana boshi a bagwete bagadeta ka batali bi Galilaya? ⁸ Kute kwaba twehe tuve kila mundu ndeto yetu yukubutanwa? ⁹ Barpati nya Bamedi nya Baelamu nya yabo bakebera iMesopotamia, Buyahudi nyi Kapadokia,Ponto nyi Asia. ¹⁰ I fringia nyi Pamfilia,Misri nyi bande zoshi zi Libia habutambira lyi Kirene, nya bageni bukulyoka Rumu,Bayahudi a bagwete baloza kwihindula. ¹¹ Bakrete nya Baarabu,twuva bano bagwete bagadeta mwi ndeto zetu ngolezi zi kitangaza za Mungu. ¹² Bashi bana somerwa,bani'ingirwa nyi nganingani,ko kudeta kute bino bindu? ¹³ Bandi banake hiririka, nyuku deta, balaluka nya mavu mahyahya. ¹⁴ Ti Petro anyimanga kuguma nya yabo ikumi nya muguma ana kanya izu lyage, anya bawira mwe bandu bi Buyahudi na nenu mweshi mwe mwake bera i Yerusalemu mu manye lino igambo nyukuviri za binwa byani. ¹⁵ Kutali yuko musalile, bano bandu batalalusiri, kulya zili saazi shatu zu mushi. ¹⁶ Ti lino igambo lyo lilyo likadetwa mwa kanwa ka mulagu Yoeli. ¹⁷ Zigaba siku zubuzinda,adela Mungu,nga bulagira bandu boshi mutima gwani,na bana benu na banyere benu. ¹⁸ Nya mwa yibyo bishazi nga bulagira bakezi bani Mutima gwani,nabo bagalaguba. ¹⁹ Nani ngeresa kisomeza i kunguba igulu nyi kitangaza mwi kihuzo hashi,muko nyu mulilo,nyu lubira lyu kyusi. ²⁰ Izuba ligasoka kuba kizizi,nyu mwezi kuba muko,imbele lya yulo lusiko lwa nawetu u luli luhamu nyu lukusomeza. ²¹ Nya igaba yeshi ugabuza izina lya nawetu aga kululwa. ²² Emwe bashosi bi Israeli,muvirize bino binwa,Yesu wi Nazareti,mundu uka eresewa imwenu na Mungu mwi bisomeza nyi bitangaza bilya Mungu aka gira mu kuboko kwage mukati kenu,ngako mwenene mu manyire. ²³ Uno mundu akatangwa mu lushungu lwa Mungu nyukulongekewa,nuku manya kwage kulyokera butazi,mwehe mwana mubika kwa kati kamahagi mwa maboko ga bandu babi,mwana mwita. ²⁴ Ti Mungu anya mufula,anya shwekula mugozi yu bululubu lufu,kulya bitakahashikana agwatwe nalo. ²⁵ Kulya Daudi akwizire myanzi yage nyamubona nahamwetu imbele yani sikuzoshi,kulya ali luande luku boko kwani kululyo,nda shagali. ²⁶ Mwa kuko mutima gwani gwana sima,lulimi lwani lwana sima,kandi moyo gwani gugabera mubu langalile. ²⁷ Kulya utagaseza mutima gwani ikuzimu mwa bafu, ili kandi utagatanga mushukwa wabe aboneko agasherera. ²⁸ Ukamanyisa njila zakalamu, nganyijuza busime mwamalanga gabe. ²⁹ Bashosi,bene wetu,mundeke,ndete buzila boba imbele lyenu myanzi ishe wenu mukulu,Daudi,ko akafa anyazikwa(kubishwa mwidaha),nyi ishinda lyage lili imwetu kilizene. ³⁰ Kuko kulya ali mulagu,anyi jiko Mungu akabika mulahu,ko mukati kayabo aga buta bimwi kibuno kyage kifumbi kyage kyubwine. ³¹ Yenene anya tangilila kubibona bino binwa,anyadeta mwazi gukufuka kwa Kristo,ko mutima gwage gutakasigwa ikuzimu,ili moyo gwage gutakabona kusherera. ³² Uye Yesu Mungu aka mufula,nane tutweshi tuli basubura bage. ³³ Kuko yehe,amalishana nyukubera mu kobako ku lulyo kwa Mungu nukwangilila imwa Data ikyo kilagane kwi mutima mweru,anabulaga kino kindu mugwete mugabona zene nyukwa. ³⁴ Kuly Daudi atakashona ikunguba;ti yenene adesire,nawetu awizire nahamwetu,ubele muluhande lukuboko kwani kululyo. ³⁵ Kuhika bishazi ngabika bagoma babe hifo lyamagulu gabe. ³⁶ Kuko buziki boshi bwi'Israeleli bamanye ukuliko Mungu agira uye Yesu yemukabika kwa katika mahagi abe nahamwetu nya Kristo. ³⁷ Lyo bakuva yibyo bana humwa mwi mitima yabo,banyawira Petro nyizindi ndumwa,benewetu tugire biki? ³⁸ Petro anya bawira, mwishobeke muvubikwe mushukwe kila muguma kwizina lyage Yesu Kristo,muhewe lukogo lwamahubi genu,nenu mugahewa kigabi kwu mutima mweru. ³⁹ Kulya kuno kilagane kili hanyanya lyenu,na bana benu,nya bandu boshi abali hale,nya hanyanya lya yabo baga buziwa na nawetu Mungu wetu bamu manye. ⁴⁰ Anya babalila mwi gindi myazi mingi wenene,muku baonya,nyuku deta,mwikulule nino mbuto itelesire. ⁴¹ Na yabo abaka angilila kinwa kyage bana vubikwa mwa meji nyuku shukwa;nya yulo lusiku bandu bani irikira ngabihumi bishatu. ⁴² Banyaba bagenderere mwi nyigirizo zindumwa,nyu buguma,nyuku vuna mukati,nyu kuhuna. ⁴³ Kila mundu boba bwana mwingila bisomeza nyibitangaza byana kolekana nyindumwa. ⁴⁴ Nya boshi abakaemera baali handu aguma,nyu kuba nabindu byoshi mu buguma. ⁴⁵ Balike guza biwanja byabo nyibindu byabo byo bali gwete,nyuku bigabira bandu boshi ngako kila onundu alihunire. ^{47 46} Nisiku zoshi mu mutima muguma nyu kuke kwingira mwishengero,nyu kuvuna mukati nyumba kwi nyumba,nyuku shambira biliwa byabo mu busime nyu mu mutima gerere. 47Nyuku igana Mungu,nyuku simisa bandu boshi.nawetu anya lili kila ishengero ila lusiku mwa yabo baka kululwa.