¹ Ibugu lilya litazi nga kusarangira,Theofilo, mukati ku myazi ya magambo goshi a gaka tangilila kukola Yesu nyukwigiriza. ² Kuhika yulo lusiku akalengiziwa yabo akalondola mu mutima mweru. ³ Yabo akeresa bugumana bwage,mwi byereso bingi hanyanya lyu kulibuziwa kwage , kudeta ali mugumana anake bashoshokera siku makumi gane a nali ke deta bindu bilozire bwani bu binguba. ⁴ Kili bishazi ali keshanganana nalibo ana bawira batalyoka,Yerusalemu, ti balinde kilagane kya data, kulya mukuva nyazi yage mwani. ⁵ Kudeta Yohana aka muvubika nyuku mushuka mwa maji, ti mwehe mugashukwa nyu mutima mweru hanyuma lya zino siku nini. ⁶ Kuho, bishazi bakashanganana, bana mubaza, banadeta nawetu ,ha! mwabino bishazi lyo, uga galulila ba Israeli bwami? ⁷ Anya bawira, gutali mukolwa gwenu kumanya bishazi na mango yenene. ⁸ Ti mugahewa misi, hano mutima mweru ija hanyanya lyenu,nenu mugaba basubura bani mwi, Yerusalemu na mwi Buyahudi boshi, nyu mwi Samaria, kuhika buzinda bwi kihugo. ⁹ Amali deta yibyo, bishazi bali kelola, lukungu lwana mwangilila kulyoka mwa masu gabo. ¹⁰ Lilya bali ke lola nyuku kanya masu ikunguba,lilya ali ke kwigendera bandu babili banyimanga habutambi lyabo, bali kwembere mibondo myeru. ¹¹ Banya deta, mwe bandu bi Galilaya? kugenda igulu ikunguba, agaja ngako mwa mubono mu kutwalwa ikunguba. ¹² Mu nyuma bana galuka i Yerusalemu kulyoka mu mumana u gubuziwe gwi Mizeituni, u guli habutambi na Yerusalemu, nga lugezi lwa Sabato (lusiku lwa kasiku). ¹³ Bishazi bakahika banyingira mwi kyumba kyinyanya mulya Petro,ali kebera na Yohana na Yakobo, na Andrea,Filipo na Tomaso,Bartolomayo na Matayo, Yakobo wa Alfayo,na Simoni Zelote, na Yuda wa Yakobo. ¹⁴ Bano boshi bali ke bura mu mutima muguma mu kuhuna,kuguma na yabo bakazi, na Mriamu nina wa Yesu, na bene wabo. ¹⁵ Yizo siku Petro anyimanga mukati ka yabo benewabo(a gaka hika mazina igana na makumi gabili), anyadeta. ¹⁶ Benewetu bishuba kumenene nzarango zi kwire, kazi mwa kanwa ka Daudi,mwi myazi ya Yuda, ukalangula balya bakagwata Yesu. ¹⁷ Kulya ashuba gajirwa kuguma nya nyetu,anyabona kitolo kya guno mukolwa gwa Mungu. ¹⁸ Uno mundu akangula ndalo nyi luhembo lwi bushasha anya hirimira ibunda lyana bereka nya mala goshi gana lyoka. ¹⁹ Bandu boshi a bake bera, Yerusalemu banyu gumanya, kili iyo ndalo ika buziwa mwi ndeto yabo Akildama,ko kudeta ndalo yu muko. ²⁰ Kulya bisarazirwe mwibugu lya Zaburi, halya ake bera hatabe kandu,ili kandi hatabe mundu uga habera,nya gundi mundu ange handu hage amwimangire. ²¹ Kuko mwa yabo bandu bashi abalike tushimba bishazi nawetu Yesu alike kwingira nyukulyoko imwetu. ²² Kutondera lilya Yohana ali ke vuvubika bandu mwa meji,kuhika yulo lusiku akaangwa imwetu nyu kungenda higulu,bihunire muguma wabo abe musubura wukufuka kwage kuguma na netu. ²³ Banyabika babili,Ysufu,ubuziwe Barsaba,u waligwete izina lya kabili Yusto,na Matiya. ²⁴ Hanyuma banahuna, nyuku deta, wehe,nawetu,u wiji mitima ya bandu boshi werese inde mwa bano bombi ye walondola. ²⁵ Agwate buziki mwa guno mukolwa nya buno bu nduma bo Yuda akagosha,agende hamwage yenene. ²⁶ Banya beshera mbale,mbale yango yana hirimera Matiya, naye ana gajwa kuba kuguma nyi'ndumwa ikumi nya muguma.