¹ Nakumira mbere lya Mungu ni mbere lya Kristo Yesu, ulya ugalibuze abaguma (abakiri numuka) n'abafire kuku bishuka kwage n'ukubwami bwage. ² Igiriza kinwa, wiyengere keze kwi kishazi kyumene, nu kwi kishaji kitumeni, kanuka, kumesa, shungulaku kubulembu boshi nu kuigiza. ³ Kulya hagija kishazi bandu bagalahira migirizo ga kalamu, ti ku kushimba njira zabo bonene, bagagira boshiri byuku bigiriza kwi nyifijo zabo bonene. ⁴ Nabo bagigaba(kwitenga) baleke kwa bindu byukuli, bagahindukila mihizo yu bushumi. ⁵ Ti wehe, ube nu lugero kwi bindu byoshi, Emera kulibula, kola mukolwa gu bwigirizabu mwazi mwija, kolesa mukolwa gwabe go bakakulondolera. ⁶ Kulya, nyehe ngashigwa, ni kishazi kyu kufa kwani kyegerera. ⁷ Ngalwisa ndambala nyija lugendo lwani nalusa, ngalanga mbikiriza yini. ⁸ Hanyuna lya yibyo, nubikirwe kimani kyu kuri, kyo nahano mutwiwi maja wu kuli agamba yulo lusiku, atali nyenye naho, ti na bandu boshi nabalya bakasima kushona kwage kunguba. ⁹ Timoteo, ishangana kwiji mwani duba. ¹⁰ Kulya Dema akangiga, akasima kihungo kino kya zene, ana balamira kugendi i Tesalonike, kuske, anagend'i Galatia, Tito miragenda Dalmatia. ¹¹ Luka yenene ye tulinaliyehano. Wangu Marko, mwije naliye kulya anyumene wenene. ¹² Tikiko namutwala i Efeso. ¹³ Lilya ikoti nasiga i Karpo iyomund'i Troa, hanowija ulidetena galya mabungu, wenene bilya byuluhu. ¹⁴ Iskanda mutuzi wimiringa, Akangilira mabi wenene, nahamwetu agamulyula kushi mbana ni mikolwa yage. ¹⁵ Nabe, wikengenge nabiye, kulya akalahira binwa byetu. ¹⁶ Mw'ideta lyani litazi, ndaye mundu yeshi waliluhandi lwani, boshi bakanjago, nahumabatagajirwe bubi kwa yihyo ¹⁷ Ti, nawetu akumanga kuguma na nyehe, anambikamisi, lyo mu mukolwa gwani yugo mwazi gubalwe ku halinde banyabirongo naba temeziri bwe yugo mwazi, nani, nanakululwa mu kanwaka kanunga. ¹⁸ Nawetu agangulula na kira kanwa habi, agana ndaga halindi ningire mwayubo bwami bwi kunguba. bulanganshane buli mwage imyaka ni myakula kubu yuko. ¹⁹ Undamukize Priska na Akila, na balya bimwa Onisiforo. ²⁰ Erasto akabera Korinto. Trofimo ngamusiga iyomunda milebo atahashiri. ²¹ wihangane wije kwi hya mbeho. Eubulo akalamusa na Pude, na Lino, Klaudia n'abanyiji boshi geke. ²² Nawetu abe kuguma nu Mutima gwabe. lukogo lwa nahano lube kuguma mweshi.