¹ Mumanyire ko siku nzinda habijiba bishazi bibi. ² Kulya bandu bagij'iba bikwisima bonene biraa bi faranga, bukwitundulika, batengu, badusi, batengu ba bahusi babo, batakedeta mukongwa, abati bashuke. ³ Abatasimire bi mwabo, abatalozizi mutula bashongerezi abatangweti lugero, bakati, abatasimiri mija. ⁴ Bitani ( bukushongelera butani ) babi bii, bu kwitundilika, abasimire mabii kuhina kusima Mungu. ⁵ Bishusho yu beshuke iri kandi yu bwemezi, ti bukulahira musi yage, yabo nabo wimanye nalibo ( ubalyoke mo ). ⁶ Kulya ho bashambira hali bandu abagenda mwi nyumba za bandu, nyu ku gwata mbira balya bakozi byoto ba mabii (byaha), abakegenda genda nyu muhusi gwi nyifijo zibelekene, ⁷ Bakekwigwa isiku zoshi, ti batakehikirira kumanya ukuli gerere. ⁸ Nga ko yane na Yambre bakahigisanya nya Musa, ko nya kuko, bano bagwete bagalahira ukuli, bali bandu abakasherere bwenge bwabo, bakabahirwa ku bindu bi bwemere. ⁹ Ti kake batagagenderera bwenene, kulya boto bwabo bugigulwa imbere lya boshi, nga ho boto bwa yabo nyabo bukatumbuhura imbere lya bandu. ¹⁰ Ti we, ukoshimbulira migirizo gani, nyi shusho yani, nyi nzahiro zani, nyi bwemere, nyu kundekelera( kutuza). ¹¹ Nyu kusima, nyu mboterezi, kandi nya malibuze nyi mikunda mbwembwo yani, i bindu bikambikira i Antiokia, mu Ikonio, mu Listra, malibuze goshi goshi, ngo mga boterera mo, nyanye nyawetu, akangulula mwaliga. ¹² Ewe, nyabalya boshi abasimire kalamu kashuke mukati lya Kristo bali buzibwa. ¹³ Ti bandu babii nya balye bitebo, bagagendera, nyu kushukira kuba babii, bake teba nyu ku genderera ku tebwa. ¹⁴ Ti we, ulame mu bindu ukigi zibwa nyu ku komerezibwa, kulya wiji bande ukiga imwabo. ¹⁵ Kandi kutondera bwamuke ukamanya nzarango njuke, go zanga kuh'itunda kuhikirira uhewe bukuluzi mubwemere ubuli nukati lya Kristo Yesu. ¹⁶ Lasarango loshi, ulu gwete muka gwa Mungu, lumenene ku migirizo, nyu kushungula bandu Hanyanya lya mahubi gabo, nyu kuberesa njira nyija, nyu ku hagolola mu kuli. ¹⁷ Lyo mundu wa Mungu asimike, nyu kwenera lya kola kira kindu kija.