¹ Paulo ukabuziwa mwigiliziwa wa Yesu Kristo kukusima kwa Mungu na Sthene mwene wetu. ² Mwishengelo lya ilili Korinto balya bakashukwa mukatika Kristo Yesu,abakobuzi wa babe bashukwa kuguma na boshi bagwete baga buza izina lya naha mwetu Yesu Kristo handu hoshi, naha mwabo na naha mwetu. ³ Lukogo nu mutula gubi imwenu kulyo kaimwa Mungu Data wetu ni mwa naha mwetu Yesu Kristo. ⁴ Nadeta mukongwa imwa Mungu mukahewa mukatika Kristo Yesu. ⁵ Kwa kulya mukila kandu mukagala mukati kage,mukati kibinwa byoshi nu bwenge boshi. ⁶ Ngako kwi kwa Kristo kuka gendelela hanya lyenu. ⁷ Mutaka goshe lwa niviga bi kyoshi kyoshi mwikuke langalila kwelesiwa wa kwa naha mwetu Yesu Kristo. ⁸ Yuga mwegendeleza buzinda boshi lyo mulekigaywa yulo lusiku lwa na wetu Yesu Kristo. ⁹ Mungu wetu ali urukuli yemu kabuziwa nya liye,mwingile mwi buguma bu mwana wage Yesu Kristo naha mwetu. ¹⁰ Ti bwene wani na mu hoha mukatiki zina lya naha mwetu Yesu Kristo,kugila mweshi mu detele kugumia. ¹¹ Kwakulya bene wani mila na wilua myazi yenu na yabo ba mwinyu mba Kloe kudetako imwenu ili kusho mbana. ¹² Ti byo bwine bibino,kudetako kila mundu wi mwenu kudetako nyehe nili wa Paulo,nani nili wa Kefa nani nili wa Kristo. ¹³ Ka! Kristo mili gabo?ka!Paulo aka libuziwa hanya lyenu?ili kute mukashu kwa kwizina lya Paulo? ¹⁴ Nigana Mungu kubona ndakashuka mundu imwenu,ti Krispo na Gayo. ¹⁵ Mundu akaleki kwiji deta kanga mushuka kwizina lyani. ¹⁶ Kandi ngashuka bandu ba mwenyu mba ya Stefano,hanyuma lya yabo ndamanyili ili nga shuka gundi mundu yeshi yeshi. ¹⁷ Kulya Kristo atakanduma nishuke ,ti nigilize mwazi mwija ti atali kuku botelela kwibinwa,kati ka mahagi ka Kristo kaleki kwijishelela. ¹⁸ Kulya mwazi ngwa kati kamahagi kana wetu mwaba telesile batakegu gwasa ti imwetu twetue mezile ilimisi ya Mungu. ¹⁹ Kulya bisarazirwe,ngasheleza ku botelela kwa ba botelele.nu bwenge bwa benge ngazitahila. ²⁰ Ali hahe uye ubotelele? ali hahe musarazi?ali hahe wakedeta nyi fijo zamila ka Mungu ata kagila bwenge bwi kibaja kuba bu wija? ²¹ Kulya kubenge bwa Mungu,kibaja kita kamanya Mungu kubwenge bwage. ²² Mungu akasima kuku lula abemezile kuku hubagiza kwabo kwa yugo mwazi gukabalwa. ²³ Ti twehetugete tugigiliza Kristo ukali buziwa imwa Baya hudi bulibute ni mwa Baya hudi kuli ku hubagiza. ²⁴ Ti imwabo babuziwa Baya hudi imwa Bayunani ali Kristo misiya Mungu nu bwenge bwa Mungu. ²⁵ Hanyanya lyu bu hwija bwa Mungu bugwete bwenge bwenge bwingi kiehi ma bwa bandu nubugazi bwa Mungu bugwete misi ku hima bwa bana ba bandu. ²⁶ Kulya bene wani mulolekeze ko mwika buziwa kulya atali bingi bitegelezi zekimagala batali bingi bagwete misi batali bingi bagwete bwami mwabaka buziwa. ²⁷ Ti Mungu akalondola bindu bihwija bikihigo abonye shoni bana bwenge kandi Mungu akalondola bindu bigazi bikihugo kugila abonye shoni ibigwetimisi. ²⁸ Kandi Mungu akalondola bindu bitagajilwi bikihugo ni bikenegwa naam,bindu ibi taliho kugila asole ibiliho. ²⁹ Ugwete magala yeshi atiji kwi tunda imbele lya Mungu. ³⁰ Ti imwage mwehe mwabona kuba imbele lya Yesu Kristo,ukagilwa imwetu munabwengeubulyokene imwa Mungu ,nu ukuli,n'ubushukwa,n'ukukulu lwa. ³¹ Gila,ngakuka kukasarangwa,ulya ugwete ugabona bugale abone bugale hanyanya lya Mungu.