¹ Oholawo da ndjala leese ka asambodi weenongo ndo le amboleedi, da nenya , ndjala kokele leetshaa wadimena, ² Aha menyola oto, ndjala kii,kitshakitsha lokewo, ndjala memaakana kefula otsha lee ato. ³ Ne da ndosho taakiko malakikina dinginya, ekosefu wa adabo, waka shisho,lolohombo la woho tshee wookomia la engenongeno, sena kotshee ndo lo tama,kokamaka da petshama ndo sho petsha wa motshi la akina. ⁴ Koko saa keetshi ololo wa zambi ombitshi waso ndo ngandji kende loote wato kembotomba seke, ⁵ Akatotshungola, aha loote weelolo wakatatsheka,koko longandji kende mbetshia lo obatizo wa lo lolonga ndo looyoyo wanyuma koosanto, ⁶ Wakanda kotshanya leeso lefula oma lee Yeso Kristo ombitshi waso ⁷ Da tambo teketamee la ketshi kende ,tambo koma, lodikongelo, taleko amotshi was loseno la poo. ⁸ Oso oteketa waleko mete, ndo lemi na ngaka dawe shikike akambo wako, kele wane wakeetawo zambi , wayasha da tshee ethaa weelolo. kene kele olo ndo ohomba lee ato. ⁹ Koko nyewo ebishi wele oko aladi, mongo, esani, ata weendana loolembe, ne da waleko ko wohomba ndo anyanya. ¹⁰ Nya suke laye, oma la dewoyelo da tondo ndo da hende,one lela datanelo, ¹¹ Oko weyaso, one oto losoku aleko lookolo, ndo aleko lotshee pekato, landja hukumu ndamee. ¹² Saa komokotoma le Artemase kana le Tishike, koye esadi da weendjelami le Nikopolise,ne da leko komoteetsha shi yadjowa. ¹³ Gala laakoka dawekimanyiya lokendo la Zenase, owandji woolembe, ndo Apolo lowoho wahawoyohomba daango. ¹⁴ 14 Pombamaka ndo wane wele waso mbeka da tsheka etshaa wadimena dakimanyiya leehomba wesadi esadi da hawoyoyala ko hawoto elowa. ¹⁵ Wane tshee wele lami wambokemula, oteemwi wane watolanga lodeetawo. ketshi ke yale lanyu tshee