¹ Abadi wa tondo wa Yeso kristo w'ona Zambi. ² Lo kene kak'andikama lo Isaya, Ombutshu: Enda, lambotoma le tondo keye otomwami wami, l'ohomba ndjolongosola mboka; ³ One ele doyi la kanga laawana lo shenga: da nongosola mboka k'Owandji, nyolongosole lotomu lande. ⁴ Joani aki lo shenga, da ndjo Batizana, ko aka sambisha lote wa nyu ndjatshumuya dikambo da tshika koolo. ⁵ Wedja tshee wala Judeo l'ase Yerosalema wa katshu suke lande; la to tubu pekato, waka Batizama lande lo Ndjale ke JOrdane. ⁶ Joani aki la dihondo da wadji da Ponda, l'okawa wofoni la lokoho la nyama lo tshimbi lo kende lande. Wa kalekaka Akata l'owe wa l'okonda. ⁷ Aka sambisha, ate: Aleko lo ndjaye l'okongo wami, one lo ndeki kudu ka l'adiko da tshee, laso lemi kema l'akoka wa minyama kana elekola ekodi w'elato wande. ⁸ Lemi, laka nyo Batiza l'ashi; koko nde ako nyo Batiza la kudu ke nyuma k'ololo. ⁹ Lo saa keko, Yeso akaye ma le Nazarete le Galileya, ko aka yo Batizama le Joani lo Jordane. ¹⁰ Lo saa keka ndatombe l'ashi, ak'eni olongo diho, ko nyuma kaka holo lende oko Fudu k'enga. ¹¹ ko doyi da ka holo ma l'olongo ateketa ate: Wee kele onami la ngandji , leye kaka madje ngandji kami tshee. ¹² ko saa keko nyuma keka sukana Yeso o tsha lo shenga. ¹³ Lene aka ndetsha shii akumi aneyi, pimama la Shetani. eki nde la wa nyama ya l'okonda, la w'andjelo w'olama. ¹⁴ O ma lo Joani tshungo, Yeso aka tshu tsha la Galileya, asambisha oteketa wa Zambi. ¹⁵ akate: Etena kambokoka, ndo Dolelo da Zambi da mbosukana. nyo tubu ndo nyetawo losango l'ololo. ¹⁶ Oko waka ndateetaka l'omamu wa ndjale ka la Galileya, ak'eni Simona l'Andele, onango la Simona waka tekaka oteyi lo Ndjale lote weki ekenya. ¹⁷ Yeso aka watee: Nyo ndjele, ko lakonyete ekenya we tandak'ato. ¹⁸ Ko saa keko, waka tshike eteyi wewo, ko wakoyele. ¹⁹ Laakawatshu yema etale, wakeni Jakobo, ona Zebede, la Joani, looto lande, vo weki lokina lo wato waka longosolaka eteyi wawo. ²⁰ Ko saa keko awelee; ko vo wakatshike shewo Zebede lo wato la ehombo wande wolemu ko wok'eyele. ²¹ Wakatashokaka la Kapernaumu. ko loshi la Sabbato, Yeso akooto tondo lo Sinagogi, aka fundisha. ²² Waka wengenga lo mafundisho wande, oko kanga l'owandi ndo keema oko w'Endele. ²³ Akatanema lo Sinagogi kewo oto omotshi l'odenge ndo akawanaka: ²⁴ Naa kele lasa sho laye, Yeso y'ose Nazarete? Okaye le ndjotoshisha. Lambeya eleye: We kele Okilami wa Zambi. ²⁵ Yeso ak'ohangwee, ate: Lembohala ndo tomba le oto one. ²⁶ Ndo odenge wa koolo aka tombe le oko oto. ²⁷ vo tshee waka kashimo, polo ndo wakamona vate: Dikamba dakona ne? One kele yoho ya sasa! Anbotee edenge, ko wamboka. ²⁸ Ndo kondjala edja ko woke wande wakenama lo ngelo tshee yosukani Galileya. ²⁹ Lootombelo wa lo Sinagogi, waka tatshokaka la Yakobo la Joani lo loodu la Simona ndo l'Andele. ³⁰ Nyangende la wadi la Simona aka shama; ko loso akate Yeso lote wande. ³¹ Aka sukana lende, akokimee lo lonya akawemada engaa kekokimo. ko odimoto mbatumikee. ³² wataki wa dikolo, oma lo yani yamboshila, waka wela ase hemo l'akange w'Ednge. ³³ Ngele tshee kekawoke wakahomana l'atonde ke mulango wande. ³⁴ aka konoya efula wele la hemo, aka tshanya Edenge wa koolo, koko k'orusiya Edenge da teketa, dikambo waka weyaka. ³⁵ O tsha lo pendju, saa ke lekoko dihidi, akemala, akatombe o tsha lo shenga, lene akanatolomba. ³⁶ Simona la nongo waki lande waka tate la moona; ³⁷ ko, saa kaka wotani, waka wotee: Waleko lo koyanga. ³⁸ Ak'adjibu ate: totshu fashi kikina, polo lo ngelo yele sukesuke kele tosambisha leko; l'oteko keka matombe. ³⁹ Ko akatshu to sambisha lo Sinagogi, ndo lo Galileya tshee, ko aka tshanya Wendji. ⁴⁰ Kanga sodi kemotshi akaye lende; ko, ndjoka adwee, aka wotee la doyi d'oketshi: naka we nangaka we kokaka mbedami. ⁴¹ Yeso, akalole la ngandji, ko sembola lonya, akokemee, ko nde aka te: lemi nangaka, onga pepe. ⁴² Ko komonga edja sodi keka tombe, ko nde ak'edama. ⁴³ Yeso akotome ko saa keko, la nanga kana holangi la kudu, ⁴⁴ Ko aka wotee: lembohala toteke oto; koko toyaenya le Wakohani, ko tolambole lote w'edelo keye lo kene kakandika Mose, da keso ayale oshuuda. ⁴⁵ koko oko oto akayatshwee totangaza diko dikambo, le hangohango tshee, dikambo d'aha Yeso ndj'oto lo ngelo ato wawena. akemala l'andja, lo fashi ya shenga,ko ndo ato wa fashi la fashi wakokomeeka.