¹ Bafika nkanda ya lwalaba nago lubasaa la galileya. ² Yesu aletukila mu bwato, malahimuyonga muntu letula na fashi ya kigolwa, imabafu babihee, lekumbakana nage. ³ alinamashagalelo mukachi ya mibumbu; kahaa muntu abisaa kumufunga nago minyororo. ⁴ Kwasababu lefungwa mafuku gawele le pingu na minyororo; age aliseka minyororo, ibya ateena pingu le muntu lemukomena. ⁵ Kila lufukuu bufuku na munyinya, kumibumbu na ngulu, legomba lubana kuchiseka kwa mabwe. ⁶ Hamunaana Yesu kulehee, ibyashuka lubilo, ibyamushikika, ⁷ Ledila kwagiiyu ibyaboya, kuguni mwanda koobe na gani Yesu, mwana wa fidi lehaagulu ? nakulapishaa kwa fidi, kumbahagasha. ⁸ Kwasababu Yesu hakubasakwila bafu babiya mukatuke kuhanzile tanku muntu hoowa hagulu kiiyi kikata kya ngulube ! ⁹ Yesu ka muyuhusha shinadyobe ninani ? halunga shina diami ni muhehe kwa sababu tubawelewe. ¹⁰ Ibya mulende kesha bibi kashi kutuma (kuyeba) kulehena kibalo. (hasa ya kibalo). ¹¹ hehi ya muntenta kule kihi kibatu kya ngulube kilekila. ¹² Nagu muhehe ibya haasha, ututwale ku ngulube yiyi. binatubatwele. ¹³ Yesu ibya babila ruhusa, hayo muhehe ubihe watuka, ibya batwele ngulube, natuka mugulu muko kiika ngulube, muhelufu hibibi, ibya hamana lwalaba. ¹⁴ Bakubamba ibya bashuka, basakwila lubahaso la shambani, bantu ibya baya kubahana kuletukila gini. ¹⁵ Balefika hampala Yesu, bamona muntu yewa laadi nabafu, hashagalala, hafala ngubo, habata lukani sa hage na kiiyi, balechima. ¹⁶ Balemana yoowa, bakubasakwila bahange mwanda yulemubata, hewa na muhehe, na habari ya ngulube. ¹⁷ Ibya banga kumulendekela Yesu, tuka alolubasaha. ¹⁸ Yesu, halebande mu heya halekuwana muhehe kamuhasa sana luhusa, kwakushagalala hamuhonga. ¹⁹ Yesu kya hamuhita, ibya musakwila genda mu chibo yobe, kufuko nyenu, kabasakwile habari mianda yoso ya mukulu lekutwela, kwa gisi humpuhulumiye. ²⁰ Ibya tahuluka ibya banga kubasakwila gekaboli mwanda yoso letebwa na Yesu bantu boso balebayuka. ²¹ Yesu munda bwato legaluka monka nkanda ya kabidi, kookwa nkanda bantu bakumbakana hehi nage. ²² ibyakuwaya giingi mukulu ya bibaanda yakino alemumana lehona ku mikoolo yaage. ²³ Le muhasha kwa nguvu : mwana wame munana ki mwisho walubaasa huyumuteele maboko kusudi hamane byabumi. ²⁴ Yesu lekwenda nage. kiiyi kya bantu kyamulonda kwalubilo. ²⁵ Kulega kana mukashi letukilwa na mukubwa mpakamba miaka kumi na yibidi. ²⁶ Lemana kintu kumbo ya banganga, leshimisha bintu byage byooso, kalemana kibula kumukyomka. ²⁷ Lehusha balikusamba mianda ya Yesu. lekuya hankachi ya kiyi kyabantu, lekuma kilamba yage. ²⁸ Kwasababu leboyanga, hutu nakuma ngubu yaage nimushookwa. ²⁹ Kwagoogo wakati mukuba hule seke Yesu lehusha munda mwage muhokoso yatwika. ³⁰ Yesu ibyayuusha; ninahakakukuma ? ³¹ Bamulonda ibyabahinga : kiyiki bantu bawelele ikyolimuyuusha nani hankuma ? ³² Bakatala ngotu yage kwakuyuka ni nani imukwata. ³³ Muntu na moya kutenta, ibiaya ibyakusumbula mumi goolo yage amusakwila byooso. ³⁴ Lakini Yesu ibya akumusakwila : geenda kayakani kuuwe koshookwe. ³⁵ Halekusamba moonka, kuatwika mukulu wa bibaanda ibyakusamba : katumbi koobe kalekufakala kwa hini : kukoosha mwalimu ? ³⁶ Lakini Yesu, kushikwa kulonda mianda yage, ibyasakwila mukulu wa bibaanda : huchinanga amini mulume wabalume. ³⁷ Bibyahela naku muntu wa kumushindikila go Petelo, Yakobo, Yoana gudi ya Yakobo. ³⁸ Balefika kushibo ya mukulu ya bibaanda Yesu ne mana kiiyi kwa bantu bamulila huhudila wagiyulikatu. ³⁹ Ibya atwela ibyabasakwila : wakani kankutetanga, wakini mwadila mwadila mwadila mwaana kamufwe kumusabalela. ⁴⁰ Hankusuleela, hakubatusha booso hamaya ibyabatulasha bana na yubali, booso batuele kumuana. ⁴¹ Amukwata ku mamboko ibiakusamba : Talitha koumi, maana yage : mwana wa mukashi lyamana, ibyanji kushimula; lena miaka kumi na yibidi. ibyabayuuka. ⁴³ Yesu ibyasakwila bamulonda muntu kayukaanga ku mwaanda : akubasakwila mumwabidi mwaane ibeebya.