¹ Yesu ibya hanza kubasakwila ganda ya lwalaba, bantu bawelewe katakata ibya munyunga hehinage, ibya habada mu bwato, ibya shagalala,ibya biiyayakana mu lwalaba. nage kiihi boso balehina mulubasa lunyume, ganda ya lwalaba. ² Ibya basakwila mwanda miwelele mifano, ibya basakwila hangachi ya mafundisho gage : ³ Kushi muntu letuka ibya genda ku kuna mpendee. ⁴ Ibya hika na kalehikana hadimukuna bikuba, yingi yahona ganda ya shinda, toni ibya twaya, ibya badia butondo babikuba. ⁵ hingi yahona yamusegwa, kyekyapata mateke gakata, ibya yenena bukii, kwa kukosa matekwa kuleweda hashi. ⁶ Yuba diatuka, ibya ya shigila, na sababu ya kosa mishi ibya yayuma. ⁷ Hingi ya hona ya mibaa, nayo miba hameba bya yamena kukwita kashi watusha bikuba. ⁸ Hiingi kuhona kumatekwa galegele ibya yemena ibya yahongezeka, letusha bikuba ba bilegele, himuyonga makumi gasatu, himuyonga makumi mutuba, himuyonga miya yimuyonka. ⁹ Ibya kubasakwila, hinamakutwi ya gakuhusha, hahushe. ¹⁰ Yesu halengi bunka, boba balemunguka, hamugonga na boba, kumina miwili, bamuyuhusha kisoha. ¹¹ Hakubasakwila mwacha diwa kiindi kya bukulu kwa fidi, kwala leini bale sobolwa ya tushwe kumufano, ¹² Hina kusudi baletala matadilo bila humana buhusha kujabakuhisha bila kuyuka kabapate kubohogwe wa leubolekelela. ¹³ Abasakwila : kaa kasongo kamumusha bini tu tusonga ? ¹⁴ Kwakukuna kakuna mwanda. ¹⁵ bobaganda yashinda habakuna mwanda, habo bahusha, kwa sababu sumbu hakuyaibya hakaduka munda yabo. ¹⁶ Byobebwa bwamukunibwa mpende ya mukisingwa, naba bamuhusha mwanda ¹⁷ Lewa lakinie kaban mishi munda yabo batangala kiindi kinana tu, kwakumana manene au kunyamya, bahona. ¹⁸ Na bawelele bakula mpende hankachi ya miboba bamubilila mwanda, ¹⁹ Kumana shuruliya kibalo kudagamwika na bintu natomaha mitombo. ²⁰ Na bakonga boba bamubandiwa mpende mu matege galegele, hiboba hugirila mwanda, na kuditambula, na kutanda mitombo, himugonga makumi gasatu, himugonga makumi mutuba, himugonga miya himunyonga. ²¹ Ibia basakwila: Muyate kimuni kwakuta mushiyatanda? Kashikuta mushi ya kinara? ²² Kaku kintu kimufyama kishabulela kyooso kadi famishwa kimu yagala haasa. ²³ Mutale byabumi, bia mulehusha. ²⁴ Bamukutela: bio byodi mutela bantu bamukutela, bio byodi mutale bantu bamu kumuntelekela. ²⁵ Ina kintu bamukumutekela kiingi, shina kyo, bamuyakana na kiadi nakyo. ²⁶ Ibya aboya monka; ufalume wa Fidi, usawa na muntu lekuna, bidibwa byage mufuba. ²⁷ Abasakwila: na abuka bufuku na munyinya, bya adi kuna biamena bila kuyuka bimu tebwa; ²⁸ Matekya yamenesha mabishi, kisha masuke, hankachi ya masuke, pende byooso bimu yakana hankachi ya masuke. ²⁹ mutombo abwamonga, lukani lwage kalu kumafuno. ³⁰ Akusamba monka: bini mufalume kibalo kya Fidi, kami kasonga mumulangisha? ³¹ Mufano wa pende wa munyonya kiisha, kumena yamweka yinini kukila pende yimumena mumatekya; ³² kisha kukuna, yabanda yamweka yikata, kukomena pende yooso kisha yatusha michi yikata, tooni tu mumbingu twa shagala kufunku kya muchi. ³³ Kukidila tusonga bulewele, ikwabika mukuhusha. ³⁴ Kabale kusamba monka bila kasonga yooso; lekusamba ba gudi baage. ³⁵ Lufuku lolwa, kigolwa Yesu aboya: Tukile yingi nkanda. ³⁶ Ahayeba kwe kiyi, ibya kubatwala mu bwato wadi nabo; hankondo yage kulebungi bwato. ³⁷ Ikwa kabuka kinyimbidi kikata matambiya meema kayi twela hankaji ya bwato meema ya yula kala. ³⁸ Na age, adi musabale mu bwato iba bamubusha bamuyagwila: Mwalimu, byabumumi bia katumukufa? ³⁹ Ibya abuka, ibya adimbukila muhehe, ibya alunga kishiba kikata: ibya alumbukila muhehe ibia kutula. ⁴⁰ Ibia akubasakwila: nkini kale mule na moyo mbini kamushina imani? ⁴¹ Ibya bausha moyo, hanchi yabo gini muntu alumbukila, muhehe na kishiba kikata?