¹ Mahemo ya ndoleretsi Habhakuki: ² Thatha Ninakuwethu, nameunviritsa amwats'awe nani nameubhaha. Hulihulli yamirim'wawe mwakathi ka mongera, mwakathi kamongera, laatsa amyats'we ³ Ongo ashahika kwethengera themani, iyeye yakomire kwethenga, kwanvli ya parani , kyerere kiqwe kyamehwika mbingu, na kihuo kiuchula munyaalalo uwe. ⁴ Mwaminwe iwe mwabaa ngoletsao ngakuno muchanwa, mwa mwalubhapfu luwe mwabhaa masinga ngakuna yaikoletsa ngakuno kyerere, naho bhubhishwa abhukochi bhuwe. ⁵ Kikoni kixondola bhuxondonzi bhuwe, na mwabhishando mupfumbuka bhisese bya muchanwa. ⁶ Aumana kwethithimany' akihuo; asindera arungumanya' asanganga. Nasanvuli sakwamira sithowa, na ndatha soshi sishandabhala heshi, naluendo luwe lwabhaa ngakuno bhiro byakwa mira. ⁷ Nixunga abhithara bya byabhakushi nibhiri mwa minubho, na bhuhima bwamidiani nabhuinyaalala ⁸ Ninakuwethu abhaa na mihona kwalwichi? mbeni bhutsibhuke bwawe bwabhaa bhutsibhu kwalwichi neri bwithi bwathi bwawe haluu ya mwanyanchya, wameuruka kwandaobwa sawe na mithukali sehima na bharai bhawe? ⁹ Aresinga rawe rithahete hara, wamehira muhetho kwa mwamb' yawe kwebherenga kihuo kwa namenchi. ¹⁰ Asanvuli sikuhunga siubhaha na mipfumba ya menchi itsuksa na mikukumiro ya nyanchya ibhalaka ihanika mabhoko mewe yo luulu. ¹¹ Alishi na mwetsi siumana harasiri mwakathi kamilashano yakyaka kyawe nakibhungula bhuxondotsi ya repfumu rawe ralikoletsa. ¹² Wametsungula mwakihuo kwa bhutsibhuke kandi wamelyatha asanganda. ¹³ Uhuluka hambua kubhushi bwareufula bhandu bhawe , kubhushi bwareufula muxombolwawe. Uhumba mutwe wa bhabhi ubhika ndangiro kwehikira lubhatsi. ¹⁴ Wameokya mutwe wabharai bhabho kwa resinga rabho bhonabhene kubhushi shabhahika ngakuno muyaa kwethushashangany' enyetwe, muono wabho wabhaa ngamundu yamalilitsa muchene hahabhishamire. ¹⁵ Luendo lwawe haluulu ya nyanchya kwandaobwa sawe, nakwetsukira kwamenci manene. ¹⁶ Niupfa, namwingye nithithimana! mithuthu yani ithithimanya kwamuleng'oyo sambapfu siingira mapfuha sani nithithimana kutsibhu haraniri kwerindira akirwekyo kya minubho kihike kwabhandu bhabhathunubya. ¹⁷ Kithi kya muzabhibhu kirikithapferire kandi iri ithabhuthire bhipfuma kubhushi bwa muzabhibhu; kandi akithi kya muzeituni ithaiushuka kubhushi bwarexwa roritha riuxukya bhilyo na mipfuo ya sanga yamexwerekerera ikyekye kyonehendekola. ¹⁸ Kashangi, nemoerera mu Ninakuwethu. Nebha nalumoo kubhushi bwa Ongo yaniufulaa. ¹⁹ Ninakuwethu Ongo ye maala mani akwitsa bhishando byani ngakuno bya kulungu anikwitsa nisheerere bhuxondotsi hahakwirire hamwani yoluulu _ kwekulikira bhinwa byalwimbo, yoipfuira mwalikimbi lyani.