¹ Neumana mumwiman'wani neihira kwa muwiruko, kurebha nisindere nixunge ngakuno ebhula bhathe bhathe kwingye nakwara nebhinduka kwethenga mwa minubh'wani. ² Ongo anixubhitsa kweneena tsimbiritsa ndonlerw'eri ucharangero kwangobhi kurebha yarakasoma angashaa. ³ Kubhushi andoler'weri ithe yakashangi kano hewethuwe kwakashangi kakahika na kwekyo eshambala bhutsire towa. iriithaihika chubha tsibhiritsaro kubhushi yehika kubhushi shashu yehika ithithindire. ⁴ Sindera, muthima auinyaalika ithahethe kalamo mwiye, hewethuwe mundu washashu ebhaho kwa maene. ⁵ kubhushi mapfu mabhi manahohothera bhathabhana bha mixona kurebha athatsibhiraa hewethuwe anauxukya mbusha iwe ngakuno, sinda na lupfu , mathanga uutya. iyeye anathumathuma asanganda soshi kubhushi bhuwe yewene. ⁶ Nabhoshibyo bhithikwitse mishinga kubhushi bhuwe na miani ye shinyaquliura kwiye, luthuko kwiye ya ongerera yeithali bhitwe bhiwe mangoki? luthuko kwiye yaongerer bhuxoki bhunene mubhiwe? ⁷ Bhabhalindira kwawawe bhethowa kihulumuko? nabhabhakuthithimanya bhebhambuka? wetsibwa kubhushi bwuwe. ⁸ kubhushi wametsimba bhandubhangi mwaminwe, amisialitsa yabhangi yekutsimba muminwe kubhushi wameshesha ashiama nyingi kutsibhu ya bhandu, kandiki wamehatsa mwakihuo mwamitsi na bhandu bhaikere mo ⁹ Apfumwe mundu ya kwitsa bhuthea bwabhubhi mwanyumba iwe, nakwiro anganakwitsa luthu luwe kwamubhika mubhuholo hale na mabhoko mewe mabhubhi. ¹⁰ wameletha luhatso mwanyumba we kwewitha bhandu bhangi, kandi wamekola mabhala kwiwe wenawene. ¹¹ kubhushi arebhale rebhanda mulenge ithengera kwakitsitho, nasambao samithi se bhaxubhitsa. ¹² Apfumwe mundu ya himba mitsi kwashiama, nayaimanya mitsi mwa bhubhi. ¹³ ibhibhi bhitha bhithenga ira mwa Ongo shebhatharumbu kurebha bhandu bhakole mulimo ya muchanwa na sanganda sindi soshi bhameshibha bhutsira kinsdu? ¹⁴ kashangi kake akihuo kwe uchula bwenge bwakyaka kya Ongo ngakuno menchi yoyameuchula nyanchya. ¹⁵ Apfumwe mundu yanamuha mulikyabho mapfu mbwapfeo iwewe wauongerera ndero mbwapfeo ngewaxunga bhusha bwabho. ¹⁶ Wameuchula xoni kwirenya kyerere. Homa nawe bhatyobhatyo ubhe ngamundu yathechi achibwako kwekingula bhusha bwawe wewene. Luero lwa kubhoko wa malyo wa Ninakuwethu lwe kubhindukira nawe upokerero, kandi xoni nene yebha haluulu ya kyerere kyawe. ¹⁷ Kubhushi byarawakolaa kweshesha shiama na luhatso mwa lebhandoni byekuhwika ne kuhohotera kwasanyama sekuubhahya; kubhushi byo wakolaa mwa kihuo na moitsi ino nabhandu bhoshi bhabhaikere'mo. ¹⁸ Akiupfaturo kyowakwitsaa kikumalireki? na yaramesomboraro? na kishushanyi kweshanga mwiisa wabhubhesi ; kubhushi ameimirira mulimo wa mabhoko iwe , nyaongo yarathaneena. ¹⁹ Luthuko kwamundu yabwira kyamuthi mbusisimuka! neri kwebhale rolidanga neena, mbuenda! mbeni rangana wiisa? sinderaki, kubhushi kyamehwikwa kwa bhuthea na mumbubha, he mwakathi kewe kithakihumeka. ²⁰ Hewethuwe Ninakuwethu ali mwaramitso riwe rikomire; kihuo kyoshe kitsire bhuxondotsi bhuwe.