¹ Naomi ambaka la booto boya bolome inde. Ambaka buto a lifoka, ta bofindi boya Ɛlimeleke, lina linde Boaja. ² Luta buto a Mowaba akabeka la Naomi ani: Tikaka mbo loke ta elanga loka lobine touma mbisa iya ono lotoosha ngbengbele. Akabinoisela ye mbo: Kaaka, wana ange. ³ Akaaka, la akabina touma ta elanga mbisa ii bateni; la lobeko lokatomowa ani mbo akamba la botuku ta elanga loya Boasa, ta bofindi boya Ɛlimeleke. ⁴ Tene, Boasa akakoma ofowa ta Beteleme, la akabeka la bateni mbo: Mungu ambe lino! La bakabinoisela ye mbo: Mungu aotcheloko'we! ⁵ Kola ongoma Boasa akabeka la kapita ee bateni mbo: Ono wana botaali ambe aya ndai? ⁶ Kapita ee bateni akabinoisela ye ani: Imbe wana botaali bo Mowaba, ono akaya la Naomi ta boki bo Mowaba. ⁷ Akabeka mbo: Lo'olengila lao mbo lobine la lotene eseke lomoi la bateni ta tchwambo mbisa ii beke batotena. Kola ongoma akakoma la akakela koakola la nongo tee kota kani likolase likaya, ndoena kotchwa liena ta mbele. ⁸ Boasa akabeka la Luta mbo: Okaaka, wana ange, ndoka okabina ta elanga lo buto asiya; oifoaka eke, la tikalaka tinatina la baseka bange. ⁹ Baiso bao bambe ta elanga le batobuna, la kaaka mbisa ibo. Lo'osila obeka la liemba liange litolome mbo bai-undokowe. Okaomba la lema lo baye, kaaka ta ebengu, la mwaka beke baye batolome bakatoka. ¹⁰ Kola ongoma Luta akakusama ta bombo winde la akasuluwa'se ta nyele, akabeka ani: Loiyengani ango felo ii baiso bao loka oenyelisei, eke embei boenda? ¹¹ Boasa akabinoiselaye mbo: Baosila obeisei itotina ye okawa ambe boilana ao koakola kota lingba liya bolome inde, la ani ekatiko'we ise ao la inango ao la boki wao bo libotomu, loka looka ta baito be oika luwaka ango bo felo. ¹² Tikaka mbo Mungu abinoiselowe ta ye okakela, la lilipomu lioa limbe litotina ambe Mungu, Mungu a Isalaele,ta sekala ii bapapu beke okaya oyaisama. ¹³ La akabeka linde ani: Ô! Tikaka mbo looshe ngbengele ta baiso bao, ngene ange! Loka o'ofei bofoka, la o'obeka ta botema boya bokowa wao botaali. La ani ei, loiti ango, kee amoi ta bekowa biao bataali. ¹⁴ Ta mbile ee bieka, Boasa akabeka la Luta ani: Yooko tina lange, lakaa boila, la kusaka ekende lomoi ta.......... Akangalase tina la babuni. Bakafa ye.............. akala la akakuma solo, la akaisa iniyo yeke itikalaka. ¹⁵ Akaemala loka lobuna. Boasa akaesa ishosha ta bekowa batolome binde mbo: Abuneke aleko ta tchwambo, ndokelai ye itoo, ¹⁶ la otofayai loka linde tchwambo to bakoke, yeke ombotikakai ye abune, la tinga obekela ye. ¹⁷ Akabuna ta elanga tii ko likolase, la akakutcha yeke abunaka. La imbaka lamba ɛfaemoi ee bofonga. ¹⁸ Akatola yo, la akabinowa ta boki, la boilana inde akaena ani embaka ye atobuna. Akatomoisa aleko iniyoinde ii bieka, la akafa linde. ¹⁹ Boilana inde akabeka linde ani: Ɛkabunowe la boni endei? La okele endei? Autchelomoko ono akaomala lao! La Luta akabeisa boilana inde akele likuwa liamo ambe ndai: Botolome ono lokawaka likuwa la boni, ambe ye lina linde mbo Boasa. ²⁰ Naomi akabeka la boilana indembo: Autchelomo la Mungu, ono atookela ngandi loka lo baito ba liwawi kee ani ekelaka ye ta beke bakangba! Botolome oko ambe amoi ta bofindi wiso, amoi ta banduku biso. ²¹ Luta buto a Mowaba akataliya ani: Abeke lange aleko mbo: Tikalaka eseke lomoi la bekowa biange batolome, tii kota ani embosilisaka bo lobuno lototina. ²² La Naomi akabeka la Luta, boali a wana inde ani: Imbe bolo, wana age, loka otomowe la baseka binde, la mbo baiyoshokowe ta elanga losiya. ²³ Akatikala la baseka baya Boasa, loka lo'obuna, tii kota tunga ee lobuno mbeku ii bofonga la lobunolo.............. La akangala la boilana inde.