¹ Isalaele, inowaka ambe Mungu, Ise ino, lokambo osiukowai loka lo litchwanelo libo. ² Ilakai baoi bino, la inowakai ambe Mungu, bekakai linde mbo: Mesilaka batchwanelo biso, la osaka yeke ilo! Kani totoesa touma to benoko bibo. ³ Asuliya aimboseise'su ale, toimbo kendela ale nama iko mbalata; toimbo beka ale mbo: Mungu iso! Katikati ee bakuwa ba bao biso, lotika lo ise atoosha ngandi ambe ye. ⁴ Lotouwisa botema bofoka wibo, lotosama bo likama; loka mbo lisomi liange liokesa bo esika. ⁵ Lotomba ambe Isalaele kee ii mbula-mbula ikikelike ilutchomu, ototomoisa batunda kee isandu ii Sosana, atoana bili kee isandu ii Lebamone. ⁶ Bataa binde betomeyana, bolo winde botomba bofono bomoi la isandu ii Elaya, liesa linde kee isandu ii Lebamona. ⁷ Ototomowai la longalo se ii liombe linde, otokondai la bolo kee bakoke ta mbile ee mbula; batotomoisa batunda kee ii miwiti; liesa libo litomba kee baana ba isandu ii Lebamona. ⁸ Efalaime bofono bo bolendela botoma ingi felo yange lisiya? Ei lotoinoisa baoi ba limutoli la likukomu, touma tchwao tofowa ambei. ⁹ Ye ono ambe la weli atoluwa mbeko yeke, ye ono ambe la lienyeli aluwi yo. Lokambo ndole eya Mungu embe fololo la baito baengani batongenda lamo. Kola ongoma beke bakaobunga batoukowa onga!