¹ Lioi liya Mungu likayaka ambe Hoseya, wana aya Beli, ta mbile eya Ujiya, la Yonatana, la Ezakala, la Hijikiya, bokota bo Yuda, la ta mbile eya Yeluboama, isenge iya Yoasa, bokota bo Isalaele. ² Mala ee felo mbo Mungu abeke la Hoseya, Mungu akabeka la Hoseya: Kaaka, osaka botaali a bolefe la bana beke akabotaka bo ta likuwa li bolefe; lokambo wenda bo'omba la bolefe likama, baotika Mungu! ³ Kola ongoma, aka'ka okaosa Gomeli, boseka boya Dibilaimi; akaosha lieme la akabota wana botolome. ⁴ Ongoma Mungu akabeka linde: Foyaka ye lina liko Yijelele; lokambo ta mbile ekikelike, loka lotoesa bemusi be tale ta mbele eya Yehu loka lo ngelo iutami ambe Isalaele, lotota liko ta bokota bo mbele inde. ⁵ Ta lisiyo liamo, lotoukoisa lokembe lo lokoko ta katikati ii fongo yele iya Yijelele. ⁶ Atoila lieme lisiya, ongoma ye kobota wana aboseka. Kola ongoma Mungu akabeka la Hoseya: Fayaka ye lina likumo Lo-luhama; lokambo la ngandi ta mbele eya Isalaele, loimbo mesila ango iniyo. ⁷ Ango ongoma lotosuluwisa ta bofoka boya Mungu, ye Mungu ibo, Kolaongoma loimbouwisa lamba la lokembe lo lokolo, lamba la bopanga, lamba ta bitumba, lamba la bakamela, lamba la nama iokale iko mbalata. ⁸ Efoyaka ye Lo-Luhama ta lilomi; akaila lieme, kwani akabota wana botolome asiya. ⁹ Kolaongoma Mungu akabeka mbo: Fayaka ye lina liko Lo-Ami; lokambo oitii baito bange, la loitii Mungu ino. ¹⁰ Lokambo botchwiya bo bana ba Isalaele botomba kee botchanga bo libande lifi, ango amoi aimbo luwa ipkelo lamba lotango; ango ekaobekilowe libo mbo: Oiti baito bange! Batobeka libo mbo: Isenge iya Mungu a Liwawi! ¹¹ Bana ba Yuda la bana ba Isalaele batosondjamana, kwani bakatomoisa boemaeli, bokatomowa ta wenda; lokambo lisiyo liya Yijelele litomba lifi.