¹ Kusakai bobe botoina la weli bobe, la lolanga la lonangolo la lotangano, ² ngalakai ke bana bakabotomo kanikani, la yeme i-balomi ba wewe ba bolimo, la ongoma kondakai ta louwo, ³ Kola wewe osilai olembela mbo Ngene ambe bolo. ⁴ Yokoi ambe ye, litale li liwawi likakusomo la baito, kola ongoma liochakolomo la lisimilomo felo iya Mungu; ⁵ la enu angene, kee batale ba liwawi, chuakai mbele e-bolimo, otombai bekumi, ta tunfga tofeano ba bolimo, i-similomo ambe Mungu la Yesu Kilisito. ⁶ Loka abeke ta tosiyo: Moila, lotota ta Siona litale li bochue ta liko, lichakolomu, laye ono atoimila yamo aitongba la soni ango iniyo. ⁷ Kola ongoma lokuku la molombe loka lino baimili. Loka, ongoma loka bibo bambe batoimila, litale lika kusomoko lisiemalisomo eosila omba buto atunga, la litale li bakoteli; ⁸ Batokpase ta okosa omila lioi, kola ongoma ndjo ika komango loka libo. ⁹ Loka enu ombei bofindi weke bokachakolomo, batondoli ba bokota, bofindi botanu, baito baito bakachakolomo loka babeise la weli ta ono akatenu loka lofoyenu ta wenda loka lo tataloa linde lieneni, ¹⁰ la felo okambai baito la kaanikani ombai baito baya Mungu, oikaoshakai ngandi, ta kanikani ofochai ngandi. ¹¹ Bosamomu, losenbole'enu, kee akendi la beenda eke ta nyele, kilakai yeme ibe i-bindo, yeme yamo itonanisa botema. ¹² Mbakai la beyaeli kati i-bapakano, la loaso lotomolaka bo kelao ombei baito babe, eke e-toenena bo bakuwa bino balo, batofa Mungu lokuku, ta basiyo beke etoyae oya moila bo. ¹³ Litisaka mbeko itotina i-baito, loka loya Ngene, kola bokota betotina ye ikasieta itotina ikaotomo la baito, kee bokota ono, ¹⁴ kola bekota bie bekikelike beke bakatomo linde loka lofa likuchi ta baito babe kola ongoma loka lo'omala bakuwa ba baito balo. ¹⁵ Loka lao yeme iya Mungu imbe bo eke etowenu bakuwa baengani, kelisakai baito batobekabeka la bee baiti la weli aii, ¹⁶ ombakai la loluwo ta loluwo ke bolio bo ndjaso ye yeiti ibe kola ongoma tombe betumwa beya Mungu. ¹⁷ Litisakai batotina; samakai banduku; bangakai Mungu; litisakai bokota. ¹⁸ Bokowa, litisakai banduku bino la lobango, lototina yeiti kobo bolo kola botanu bototina la tale i-bofoka. ¹⁹ Imbe la ngbengbele okanda botema ta biale bee bakaena eke embe Mungu ta baenyeli bino. ²⁰ La ongo, ini tala imbe iyolonga beuwisi bebe loka losha bachuanilo? La okaolonga lo chucho bemusi ta mbile otowa ye imbe ilo, imbe ngbengbele felo iya Mungu. ²¹ Kola yamo yoko okatomoi loka mbo Kilisito aka okaka wale loka lino, akatikele'esu ndole loka mbo totute bietelo, ²² ye aikakelaka bobe ango bomoi, lolanga ango lomoi ye iyoshamani ta bonoko winde taye aika osha i-wiba; akamolomo aikainoisaka, akaoka wale nde aika'enda buto, la aikawa buto bobe, la akatika ambe ono atosambisaka la wewe; ²⁴ ye ono akatola engene bobe wiso ta bindo binde ta isandu, loka mbo tongbe ta bobe touwe la liengani; la ndole ee bafoa binde ndjo toka uwisomo. ²⁵ La okambakai ke bekoko biee beikambaka ;aeselomi. Ndjo kanikani ombai beke bakabinowa ambe bokukila bochungi bo belimo bino.