¹ Petelo, botomomu boya Yesu Kilisito, ta baito basia, ba meyani ta Poto, ta Galatia, ta Kandokia, la ta Asia, la ta Betania. ² Bee bakaosomo la kanda eoluwa mbeko felo ambe Mungu Afa, la litanusomu li bolimo, eoka bombe la lilitesi, bambe ta litomu la ngelo iya Yesu Kilisito: ngbngbele la kimia imbe lino imbule! ³ Ouchela Mungu, Afa aya Ngene Yesu kilisito, ono, ta ngandi iya Mungu,b esu toteke botema, ta lofufuko loya Yesu Kilisito kati i-bangba, ⁴ ta botiko we bombe boiti la kanyaka, la loseiso, la yeiti iyo binowa, yeke lo seoliowe ta lobola, ⁵ ambo we, la bofoka boya Mungu, otochungomo la limeli loka toto uwisomo mbile etunga! ⁶ La yeke itokela liomali liao, imbee kanikani, loka ombe la bowa ta mbile ekikelike la ndembe kanda la kanda, ⁷ ta tunga lao elipimomu li limeli liao, ibolo bolikama ke olo bo baye, (weke kanikani bo'opimomo la imbe), bombe la lioshi li okumisa Mungu, la tala la lokuku, mbile Yesu Kilisito atoenena, ⁸ ono akalange'enu kondoenena, la ono okaimilaë ani oiyeniye, otombai la liomali liaiti la tunga la tala, ⁹ loka ombei la likueli ta bawawi bino loka lo loketi li limeli liao. ¹⁰ Batondoli, bee batondolaka la loundo ngengele ene etikaleleke'nu, batowa ta limili lioko litina li liluki libo la li lobeisomo libo, ¹¹ basami loiyolo ndjaso i-felo la tokesa chue tombaka la Bolimo bo Kilisito we bombaka ambebo, la loluko la felo bemusi be Kilisito la tala ye bambo tutaka. ¹² Bambaka likolo loka yeitimba ango loka libo angene, la lkoa lino, bee bambaka baani bayo ndjaso, yeke bakeise'nu kanikani yeke onangolakai ta Bolimo Botanu ofawa ta bose, la ta yeke bekei tomo baomalaka la limoili libo. ¹³ Loka lo yamo, kandakai boliki ta baenyeli bino, ta loumbakelo, ono ambe la lienyeli loka lo ngbengbele, etokomele'enu oko embo enenaka Yesu Kilisito. ¹⁴ Kee bana ba lilitisi, oimilakai mbo bo ngaaneli wino botute bongaeli bo felo. ¹⁵ La, loka ono akatoe ambe botanu ta boyaeli, ani iyandikomu: ¹⁶ Mbakai botanu, loka ei lombe botanu. ¹⁷ La okaotai kee Afa ono atosambisaka ta kanda e-bakuwa ba kila buto, ndoena lioki li buto ango amoi, kendakai la bowa ta mbile ee libungi lino, ¹⁸ luwakai mbo yaiti la biongo bieke bi bebaka, la ta bakute ao la wolo, yeke ooshakai ta baenyeli abe ba louwo bee betikolomo la baise bino, ¹⁹ la ta ngelo itanu iya Kilisito, kee i-bokoko we boiti la elema la litono ango, ²⁰ bakelomo felo i-loandjo bo wenda, la aenisomo ta tunga i-mbile, loka lino, ²¹ owe la ndai ombei la lienyeli ambe Mungu, ono ato fufukisa ba ngbei la ye akafae talaa, ta kanda mbo limeli liao laloenyelelo lao longale likolo liya Mungu. ²² Eka soolomo betma bino ta lobago lo wewe loka lo'osha losamo lo bofoka lo wewe, samanakai likama bamoi ta basia, ta botema bototina, ²³ loka ooshei liuwi, lieti ta lobeku lo kanyaka, la lombeku loimbo kanyokomo, ta lioi li liwawi la iyombakelomu la Mungu. ²⁴ Loka boniyo betotina bombe kee tosasandu, la talaa inde kee felele itosasandu. Liwa likasioma, la felele kokpase; ²⁵ La lioi liya Ngene ngala layalaya. La lio lioi imbe lio babekeleke'enu ta liekesi.