<<<<<<< HEAD
Bosio 5
=======
Yoane 5
>>>>>>> refs/heads/new
1
Ambúsa na dyaa, ibhiya na evfaya teemoi ya bhayuda, ka Yesu akena á Yelusalema.
2
Ngó, á yelusalema, tshékedhé na ékusé ya mekòkò, ébhá na ékúkò iyo ibhisianie na ki Ebalania, Bhetesaidha, ka tubhikuse ta ifu.
3
Iitshi la tubhikuse bhio á bhugi bwa bhushe bha ndutu bhubha bha lalé, bhushe bhá bhutiti, bhushe bha mabhunga, bhitukulu, bhaa bhubhisibhaka inedigania la malivfa;
4
Ngó ntambia tomoi ubhi dhula kúa évfumbu étopa á semélé na ékuko ka adigania malivfa; ka undjo utshubhie mushe wa pikilie ambusa na malivfa ine digania, ubhá m'bhike, igwali mbiése ndutu na muna ya nia.
5
Dyáá igbokiana mushe wa ndutu tomoi undjo ubhá na ndutu bhidjo makumi ta masasó na bhimo munane.
6
Yesu, áménà n'lalé, ka á djibha taa ubha na ndutu evfumbu ta eta, ansowa: Woonduwe ubhiki?
7
Mushe wa ndutu an'kpetania: Bhwáná, indjami na mushe úndjó wikulie á ékúko dyaa malivfa má digi iyo, ka, dyaa étoti, ikéna, woomo mushe idhulua á pele námi.
8
Téma, Yesu an'sowa, geiyà ndaló yai ka luvfá.
9
Dyo káá mushé undjo ábhiká; ágéyà ndaló yèsè, ka á lúvfá.
10
Ibha bhusi bha sabhato. Bhayuda kotiyo bhansowa undjo ubha m'bhiké: i bhuisi bha sabhato; subhá ai na lúúsa livfevfá ndaló yai.
11
A'bhá kpetania: úndjo wibhikisia, wisowa: geiya ndaló yai ka luvfá.
12
Bhá miyà: mushe aao neni úndjo ánésowa: géiya ndalo yai, ka luvfa?
13
Ngé úndjo ubhika sadjibhésé táá ibhá néni; ngo Yesu ubha sa limúa á etulumito, eyo ébhá á egula éyò.
14
Tangia dyáá, Yesu an'kpoká á yavfulu ya Mbali, ka ansowa: éna, óbhá m'bhiké, sikii táái djambi ka amó, na iondua taa enékoné kianilé ka amo éma ya kpingbi.
15
mushe undjo á kénà, ka á kókólia anga Bhayuda táá ibhá Yesu undjo un'bhikisia.
16
Na étó Bhayuda bha mika Yesu na bhubhi, mungusa ubhú kákia bhima bhio kúna bhusi bha sabhatò.
17
Nge Yesu ábhákpétània: Titá úkakie ukunékia mpaka bhusi bhuno: émi dyokútò ya kia.
18
Nisowa lá dyitò, Bhayuda bhá vfungala ka amó iné múlúsià, mbésé ku táá ni isika sabhato, nge niné bhisia Mbali taa u-idjidjé, ká nidjinékia taa úendjini na Mbali.
19
Yesu á vfia kaamó, ká á bhasowa: angili, angili yanésowa nuwe, móna andjekiésé idjé mukúlu aao, úkiesé ku eyó úénie anga Tita; ká étopá éyo titá úkiiè, mona dyokuto úkiie na muna ku émoi.
20
Ngo Tita ú múndu móna ka vfanisie mikambo madhéné iyéta éno, ambusa taa mugwali na isangala.
21
Ngó, tókù Tita woomusie bhogúsià ka na ibhowa ibhika, idyokútò móna wooúwè ibhika angá úndjò úmundúwè.
22
Tia andji sambhisièsè mushé, ngo wooúwa isambisia ángá mónà,
23
Ambusa táá bhatopá bha m'bibi mónà tókú bhu m'bibá Tita. Úndjò andjé m'bibièsè mónà andjé! bibièsè Tita úndjo ún'túmà.
24
Angili, angili yanésowà núwé, úndjò wookié livfia lámi, ká úndjò ún'djeki úndjò wi túmá, ú na, ibhikà la masi matopá ká andje isambisia nièsè, nge éétá á ligwa ná iibhikà.
25
Angili, angili yanésowa núwe, sáá yá kiànà, ká ya kiana léli dyáá bha ogusia bha okie dyoi dyá móna Mbali; ká bháá bhá liókiè bhá bhikie.
26
Ngo, toku Tita u nalibhika kubhanene, na dyokuto uowa anga mona libhika lese ku bhanene.
27
Ka umuwa lokulu la bhutumba, mungusa u mona wa mushe.
28
Ombese nuwe isangala na eyo; ngo wakati wa ouwa dyaa bhatopa bhaa bhá asemele na madja ko bhaoki dyoi lese, ka bha vfundue bhio.
29
Bhaa bhukia mono ekima bha umuwa na ibhika, nge bhaa bhukia mono ebhibhi bha umu bhio na isambisana.
30
Indje kii ami ema te emoi emi ku bha nene: iyekana na eyo yaoka, ya sambisia;ka isambisia lami li endjini, mungusa indje vfungaliami iyonda lami ku bha nen, nge iyonda la undjo wi ituma.
31
Ani i émi undjo éné samboli kubha néné, isambola lami lindjese likima.
32
Ina womo undjo u samboli isowa lami, ka edjibhie taa isambola liyo a kia na isowa lami lilikima.
33
Nuwe nuni tuma anga Yoani, ka idjé u sambola angili.
34
Angami indjese anga mushe ta ya odhu bhusamboli, nge yavfia ino, ambusa ta nubhiki.
35
Yoani libhia lobela lutshuané ka lu énikane, ké nu onda mono nusea saa temoi nam'pena wésé.
36
Emi, ena bhusamboli ta dhene bhu été bha Yoani, ngo mekambo miyo titá wa indua wi akisia, mekambo miyo é kiié, misambolie angami taa i Titá undjo wi ituma.
37
Ká Tita undjo wiituma isambola kubha néné. Nú oke anú dyoi lese ta buwa, nu éné ta bhosio bhésé,
38
ka livfia lésé lindje gwaliese anganu, mungusa nundje djelianu undjo manga un'tuma.
39
Nuvfungalie makpalua, mungusa nú wazié a makpalua máa i ibhika la masi ku matopa: i makpalua máá ma isambolie.
40
Ká nundje ondúanu i idja angami ta nu odhu ibhika!
41
Obibo lami lundje idjiésé anga bhushe.
42
Nge édjibhi taa nundjanú na bhu ondusia anga Mbali.
43
Ya éká na linya lá Titá, ka nú idjelianu; ani wa ómó iidjà na linya lésé kubhanéné, nu úndjelie.
44
Namna yania núdjelie, núwe bháa nú udhue lobibo lanu anga bhamo na bhamo, ká mbésé nuwe ivfungala lobibo lúo lú idji anga Mbali kalesi?
45
Nuwazai yanu táá emi énesitakinue apele na tita; úndjo únesitaki nuwé, i músa, úndjo nú kapalia.
46
Ngo ani nubhi idjelia Musa, amba nu idjelia dyokuto, mungusa ukpalua ikulu lami.
47
Nge ani nudjelie anu makpalua mese, namuna yania nudjelie mavfia mami?