² Nguli na bhebi ike na bhanu kambalamba ya naka Abba kumu muka su pe na kumu Yezu- kilisitu. ³ Nanyamisi melesi na ka Abba mukame na makiame na nanu na kanu kuguli, ⁴ Kanasi egama yikame na kanu kuguli bhekpe. ⁵ Nawanisa legiagia na me abanava ka kekiakio, ponga bhiti mambola ya kiana sikande. ⁶ Nana yiba nomaga bho bhekpe bhika kamambola kame na bhanu mabelu manza abhulusi benza kula bhiti ika Yezu-Kilisitu. ⁷ Ando bhidiangolo bhe anamakia bho kula anu bhekpe, akula nodungi bhanu kame ka lembuka, ike na ekanda, ike na nguli pe bhinikia ya kekiakio, bhanu bhekpe banava mabelu manza sika yeme. ⁸ Akula a timo nande noba bhanu bhekpe na mabelu manza bekpe ka Yezu- Kilisitu. ⁹ Pe me nakonga ka egama yikame, lebani likanu adakia ka sopia hiba mpe tuma na kekpoli. ¹⁰ Kula makia mabulu manza, akula banike benza pe kinika bimiana na bhiti ika Yezu-Kilisito, 11 Tuma na buma ya bosembo ka Yezu- Kilisitu, nanguli mpe etomba na ka Abba ¹² Naba banayibe banikama, me kana ade agiana na enzamisa kula etomba hika lingomba. ¹³ Nade katekete bhekpe mpe pale bhekpe, molo bekpe ahibi bhe ahakula Yezu Kilisitu mo nanekanda naye, ¹⁴ Pe bhanemai ka kumu, nepingisaga kula lekanda liame bhana nengumisa polo kula anga kinika tia kekiakio . ¹⁵ Bhikina, abhidiangolo, bamotambwa Kilisitu na fudu mpe na makia ya nzekiana; nande bhikande bhamotambwa na emamelia bhenza. ¹⁶ Bube abagya na lebani,nayiba be nebisi akula kekyakyo. ¹⁷ Nande bikina,besegbi lembuka lanzekiana,anga kilisito akula limba ngbamana pe namakya tindika bikina na ka lunga ibana ekame. ¹⁸ Adaku na egeta? nehiba bhekpe, ike go kula yibana, ike go kula bhidiangolo, Kilisito kale ye na ebhengia ekedhe: Nana legiagia pe nika leka na legiagia gwa. ¹⁹ Akula naibi bhe epakasa leka na etombame, kula egamia nu pe engumisia yika Yezu Kilisitu. ²⁰ Akula, sikiame yagwe abhe kanave soni, kasi etane sika biti bhekpe, kilisitu ava lekumu kame kanzolo na engumisa polo, ika na go ikame, ika na kikwa tiame. ²¹ Akula Kilisitu ago ikame, pe kikwa a litomba liame. ²² Kasi ana litomba kula matekani mikame, akula nago na nzolo, kanahibe me nanga ekula me nabhiniki. ²³ Naboti ka mbalambaya ibale: Nana sikia hinda mpe ika na Kilisito, me amubwa mpe bhenza; ²⁴ Kasi akula anu abongi bhenza nagelie na kasopia nzolo ²⁵ Pe nana gwaga, nahibi bhe nagelia pe natiga na bhanu bekpe, akula egalamisa yanu pe legiagia lianu la bhinikia. ²⁶ Akula, egumba me kunu ka tekete, binika na kame mobwa ma tina akula etomba naka Yezu-Kilisitu. ²⁷ Kasi, mabelu me magwe aga ato soko ato na banu aka nde mo bhe ambekani na kekiakio tanza na Kilisito. Nande kana kande menanu, ikina kana dhe naiba bhe banamani polo ika amoti kasopia hibha imoti, abana kobana pala imoti na lembuka limoti kula kekiakio tanza ²⁸ Womosani banguna bikanu na tiasanu kinka na mabelu makede: me ika ewanisa kula habu binda naka kikwa, mpe lebisa akula wanisa bhana pongini pesi ya go, me ade ka Abba. ²⁹ Mo na kambalamba hika Abba, akula ogeliande bhanu, ewanisa na Kilisitu, kinika sikula binikia na ye, kasi na mbo akula ake. ³⁰ Na tamba longa le bananemeni natomba, pe banoka sikande bhe ana tomba.