¹ Bhukia ikanu na Klisto awanopingisaga na mabe? Lebhani liake awanopa lembuka lã polopolo? Abhenegomaga palimoti na tegbangbatake? Bhana na lebhani pe bhanagia bhenza kanu sobhe ? ² Nande,anakongoa nakanu,bhe bhana nepe le giagia akula ika na bhanu palimoti ,lebhani limoti,kelilimbi timoti,Makia imoti. ³ Kabhanagi bhele na makia gbayanaga soko naguaga,Kasi nalembuka lã ekisa bhe bhonomene bha danu sika bhe bhanomagi na kigolo. ⁴ Bhe Molo na molo,kabhanike bhele na kuma kanu kaligo,ukani na makia naka bhikina ⁵ Wikani si na lembukale Yezu ikande nanu, ⁶ manemo,abeni sika Nkunzi,kale Wanda sika giagu te ateto bhe wakopie pala bhe wike sika Nkunzi, ⁷ kasi emosande siye mangina,nako ava nzolo sika moloa matekani,nadeake sika bhao;nako ipa sika Molo amoti mbambaya, ⁸ ekisande siye mangina,ekisa kina naka kthukthua,kina na ka kthukthua te nakugulia kuruse! ⁹ Mabelumia nimo gosibho Nkunzi amobisandake na kigolo,pe kanopande Lina le aga bhamiana bhekpe, ¹⁰ Nande kalinala Yezu Mali ma bhao bhekpe agumbikanalaka ko kigolo,kugulia mbondo pe kugulia mbondo. ¹¹ pe lesaso bhekpe abengialaka bhe Yezu Klisto a Nkumu,na legiagia lika abake mo Abbasu. ¹² Nande,bhanikama,sika abhinikiagi na ekisa,giani matekani nagia mabelu pe na wakana,kanika bhe yakula bhenena miso mame,Kasi bhenz;a gwa aga sika kale me kamugi ¹³ Akula Nkunzi nio anopa lebhani pe nagia,sika lembukalame abha. ¹⁴ Giani bha mabelu bhekpe kanika na yimaga kanika na gwaga, ¹⁵ Nande Kana bhinika na me malibhoto me ateto bhe bhanetombokelia,bhama Nkunzi bhe kalebhu na me malibhoto ka dumba bhao bhe bhepakasaninde pe na sikia mosolo me bhoyibi Omenani bhape sika lebhoke la kiegu, ¹⁶ bhagi kekiakio ta egoisa bhetambua kabiti ika Klisto,kanika bhe nakunduki lembango bhokpa pe nagia matekani bhokpa. ¹⁷ Kike bholoto nagia matekani akula gia me malibhoto akula bhukia yako, tana legiagia si palimoti nabhanu.. ¹⁸ Bhanu go sib bho , tike na bhanu na le giagia go sibho nayeme. ¹⁹ A nebengeliaga kame kalembuka nako ka Nkumu Yezu nanotoka nako ka Timoteyo,bhe nike na yimbi akula oka mabelu manu ²⁰ Akula kale Molo amoti mo makiasu ambekanagi na ye,akula va na kasu kalembuka mabelu manu: ²¹ Bhekpe,Nande,bhakesa sime bhanga,kanika me mika Yezu Klisto. ²² Bhanayibi bhe bhamo kengiandeto,Nande tepandeto na ka matekani ma kekiakio palimoti name,sika miniki bhu na abake. ²³ Ananga bhe Namoteki dheliye kambekisagande mena mabelu mame ka palaye neki mena; ²⁴ pe nasi na kasopia lebhani le Nananu na ka Yezu bhe yeme go sibho anenda nde gala. ²⁵ Namakiako bhe nayeme menake mo Epafroide,mo takobhanagi naye bha biti bhekpe,mo bhana motekandeake na bha meki atende bhe anesalise ²⁶ Akula angande bhe adaku anomonde,pe ikande na Makiani mubua kugulia me bhinikande bhe amokakaya. ²⁷ Ikande na tegoni,Nande,pe kebina na kthukthua;Kasi Nkunzi amopingisa ake,kanika bhe siakulake,gosibho na yeme,Nande bhe kanika bhele nalunga kugulia lunga. ²⁸ Namotekande na lekabhu bhekpe,Nande bhe bhinike na legiagia na menake,bhe yeme go sibho kanikebhele na lunga. ²⁹ Mokpomiaganiake na le giagia kasopia Yezu na le Bhani bhekpe,pe Mokpomiaganiake mbotia bhao bhe. ³⁰ Ayakula matekani mika Yezu nio ikande mena kebina na kthukthua,na nde wanisande egoisake naka kthukthua dheli ye kabbhikande mena kakadhimba matekani me bhangua Yakulame.