¹ Ade bhitia etonaga ika Bayuda,Yezu inda ka Yeluzalema kateketa monoka ngama kekpli ta lubha ana kibhoko tia kibhuku imoti le bhalekagi Obrei bet zata bhaho ba malali ² ,Bhikande balala kateketa bhaho ba maziba,bhaho bhe ³ Magolo mabhu abhunuki nabhe bhekpe bika bhabhondiaga lubha ebande. ⁴ Dheliye ikande anzelu muka Abba ikande Akia kawele ika banda wele:Kike lubha ebanda,molo kengie kambola ika bholo to na malali tayo ago. ⁵ Ikande molo omoti amo kakaya bhanga kibhoko tisalo na egi mwambe. ⁶ Yezu amomenake abhoga swa ayibhi bhekpe ageli na malali kpele amomugya wabha wago? ⁷ Mola malali abhulisa:Kumu kaleme na molo mo ane nguma na kalubha dheliye wele ebhanda,kike nenda yeme amoti mukina egini kambola: ⁸ Yezu amo yengia wama,va kolagba yako nako winda. ⁹ Sikande,wagoni dheliya ava kalagba ikake nako inda:Wunu ikande bhitia etonaga: ¹⁰ Wunu Bhayuda bhangande molo mo ago:Etane bhitia etonaga ate wave kalagba yako. ¹¹ Abhulisa molo mo anekanisi angande va kalagba yako pe winda. ¹² Bamo mugia:Mota oyongi bhe wave kalagba yako winde? ¹³ Tikande molo mo ago kamoyibhisi yakula Yezu kamonani gwa yakula bhaho bha bhobwa kapalayo: ¹⁴ Kumbisa Yezu amomeni Katepelo amomongia ke; sikande amobhengeliake,kana wagia mabhelu manye kinika mabhelu me aga manye ogwilia. ¹⁵ Molo yo ade oyongia Bhayuda molo mo anegonisi ni Yezu . ¹⁶ Winiyo Bhayuda bhade makia yalibhoto naka Yezu,yakula agime bhitia etonaga. ¹⁷ Sikande Yezu anga nakabhu Abake agiagi matekani kina etone yeme kina etane nagia matekani. ¹⁸ Yakula kekiakio ta Bhayuda Bhakesa bhamomo, yakula atukisi mobheko mwa bhitia etonaga sikande aleka linala Abba mo amaki sika ye kamakia Na K'Abba. ¹⁹ Kumbisa Yezu anga amobhengeliake bhanu miniki ye omoti Kate gia giagu,agyagi si matekani me enagi Abba agiagi:Yeme minikia Na via sibho. ²⁰ Yakula Abba amowanisa miniki matekani me ye agiagi ako amowanisa matekani me.