¹ Nguba to manzekiani awade wane kanu kaligo? awade ka sikianu ye ando ko bhana tonga bhekpe kasopa nzolanu. ² Bhana bha va giagu tikina kasi kabhanate vaya, wando bhana kebina kula omo bhaho. Banando nasikia gyagu,kasi kabhanate naya,wando bhanagia kpee pe kale bhanu pala imoti ye bhanabha kula kale bhanu bhanegamia naka Abba. ³ Tango mo bhanakonga,kabanagwagi kula ngulianu:Giagute bhana kogagi,bhana bhagi kula giagiamisa nzolanu. ⁴ Bhanu bhaho ba leseka!Bhanaibito ika nemaka mokali ando ika monguna muka Abba? molo mo aba bhike nemaka mokali ave bisa ye mokaka monguna muka Abba. ⁵ Kana bhanamakia be buku muka Abba angi bhokpa bhe lembuka la Abba abisi nakasu ondo siki ya polopolo kulasu! ⁶ Kasi ngolu mo Abba ando na nguli aga kula eketa kekiakio ta Abba angi Abba awakobana bhaho bha heukisaga pe yekale ando anyamisa ngolu mwake naka bhaho bha lembuka la eukusaga. ⁷ Sibho webisani bhanu peza nakusulia mobheko mwa bhimo Abba kabhanani na bhimo pe ye oyia bhanu gianga. ⁸ Dakuni kebhina Nabba peye adaku akebina na bhanu. Bhanu bhaho bha masumu,sokosani mabokomanu! bhanu bazimba,sokosani lembuka lanu! ⁹ Wikani na lunga,gamani pe nyoni misolo,epakise legiagia lamu lelagama,pe legiagia lanu ade lunga. ¹⁰ Bhane bise penza nase ka kumu,pe ye etombage nakigolo. ¹¹ Banemekana bhananga,kekiakio tanye kanu kaligo kula molo mukina molo mo anga kekiakio tanye na linala nemake,toko mabulu make,ando abhengia mabhulu manye katina mwa mobeko kasi molo mo akogi ngbanga na mobheko. ¹² Ando si Abba ye amoti niyo anyamisagi mobheko pe ye mokaka ni juji ye amoti bhikisa mpe amomakia soki wando mota? ¹³ Nemokani sikande,bhunu bhaho bha kekiaga:Etane to apuma tinda ka gbata yeko tabhoga ko kianga timoti takese falanga pe tazue falanga. ¹⁴ Bhayibi to soki bomoi mukanu ika bhone apuma! sibho banando sika mukili mbambaya ye anda enana kula ngonga mokede pamba pe kafiambaya awa libhika. ¹⁵ Ate bhananga bhe:Soki kumu aba bhe atepeleka bomoi,pe tagia mabhulu,to mikina mabhulu. ¹⁶ Kasi sikande bhanando na eukisaga,pe bananyamisa lokumu eukisaga kandenge ya ando manye. ¹⁷ Wando molo mo ayibi mabhelu manza me ate bhe egie,mpe ye katebhe egie awegia na ngonga mukina.