¹ Afarise la Asaduke wakaye le Jiso, ndo dia mbohenda, vo wokoolombe dia nde mbaenya djembetelo y'oma lolongo. ² Nde akaakadimola ate: la dikolo nyu mbuta ka nyate: loyi yonyi yayo wale ne dia olong weko beela oko dja. ³ Ndo la pendju, nyu mbutaka nyate: ayoyala tshitshi ndo nvula ayolo elo, ne dia olongo weko beelaoko dja ndo hitoo la wange. nyumbeyaka nembetshiya enemelo k'olongo koko hanyeye nembetshiya to tembetelo ta tena. ⁴ Lolonga lakolo ndo la losekka tetemalaka nyanga djemmbetelo koko ndooko djemetelo y'ayo wolisha laadiko dia djembetelo ya Jona kondee akatshu, akatshike. ⁵ Ambeki ande wakataho lowedi okina, koko wakahe tsho la mapa. ⁶ Jiso akawete ate: nyosene ndo nyewo wodoya w'Afarise la Asaduke. ⁷ Ko vo wakatate nkana yimba lam'asawo , wata vate"hatoyi la mapa. ⁸ Lam'akeye Jiso dikambo so, nde akate ate: nyu akanga wa mbetawoka tshitshe, lande na kaketshanyanyu lo woho wahanyaye la mapa? ⁹ Onde nyu nyatalembete, ndo hanyoyaho mapa atano lo dikambo di ato nunu tanu ndo efula k'asaka wakanyatongona? ¹⁰ Kana mapa esambele di ato nunu nei ndo asaka angana waweke waka nya tongona ¹¹ Lande nahanyashihodia one aha dia mapa mbokamataki koko dia nyu mbewo wodoya wa Afarise la Asaduke. ¹² Ko vo wakashihodia dia nde akataki dia mbewo aha wodowa wa mapa,koko wetshelo wa Afarise la Asaduke. ¹³ L'am'akaye Jiso lo leke la kayi sasariya Filipe, nde akambola ambeki ande ate: lodikambo dia Ona onto ata wo eende? ¹⁴ V;o wakate one amotshi vate Joani abatizanyi akina Eli, akina Yeremiya kana omotshi l'Amvutshi. ¹⁵ Nde akawambola ate " ko nyu atanyu eemi? ¹⁶ Simona Petelo akakadimola ate: We eko Kristo, ona Nzambi kasena . ¹⁷ Akawote ate" Diese leye, Simona ona Jona ne dia aha emunyi la dikila mbokoshole dikambo so, koko papa lele l'olongo. ¹⁸ Lambokote nto nte: we kele Petelo, nde lodive ne mbayomoka Ekeleziqya kami. ndo asoko wa diombo hawotokileka walo. ¹⁹ Loyokosha nsapi ya dielelo dia l'olongo ndo kene tshe kayoyokeleka la nkete ayonga kene kakashile kelekona l'olongo. ²⁰ Oma laso nde akoko komiya ambeki ande daha vo mbute ndooko onto dia nde mbele kristo. ²¹ Loma l'etana keso Jiso akata tate nombetshiya ambeki ande dia nde pombaka tsho la Jerusalema dia to soyama esui efula omale dikumanyi, ewandji w'elombedi, afundi ndo ndjakema kombolo lushi la sato. ²² Ko petelo akatshu lande yema lomamu ndo akatate mbohangwe ate: Nkumadondjo yaoka kandji dikambo dia ngaso ndo akawote hadioto kokome . ²³ konde aksha petelo okongo ndo akawote ate: Satana, tshimba lokongo ami, wo eko otamba wa ntakanya lemi ne dia wwe eko la tokanyi t'anto, koko aha taki Nzambi. ²⁴ Ome laaso, Jiso akate ambeki ande ate: Naka onto nangaka ndjelami, nde ayaseke, embe otomba ande w'asui ndo atetemale ndjelami. ²⁵ N dia onto tshe lalanga nkoke loseno lande ayolishisha, koko, onto tshe lashisha loseno lande l'ote ami, ayolikondja. ²⁶ Waho akona mete wayonya l'onto naka nde nkondja w'otondo ko nde shisha loseno lande? Kana kakona kayokimo onto dia mengenya la loseno lande ? ²⁷ Ne dia ona anto ayoya lo lotombo la she kaame la andjelo ande, ko nde ayofuta onto l'onto lo ndjela etsha ande ²⁸ Lo mete kanyotemi nte, anto amotshi wemadi lane hawo nvo njoi paka wambotenyi ona onto ayaye lo dielo diande.