¹ Afarisayo l'afundji wakaye le Jiso mala Jerusalema wakawombola vate : ² ''okoko akona wambodiaka ambeki aye mbekelo ya watsheso?'' Nedia vo hawotsha anya laa wa lewo. ³ Ko nde akakadimola ate : ''Landena k'onyola nyu elembe wa Nzambi lote wa awuyi w'ashi?'' ⁴ Nedia Nzambi akate ate : ''Olenya sho la nyo, ndo one layoteketa kolo dikambo dia she kana dia nyango ayodiakema.'' ⁵ Koko nyu mbitaka nyate, onto tshe layote she kana nyango ate ''ongo tshe katomo kokimanyiyaka lambokikimo ok'olambo le Nkumadiondjo, '' ⁶ onto oso kema l'ohomba wa nenya she. okone, nyu nyatolanyaka dui dia Nzambi omalo ditshelo dianyu. ⁷ Akanga wa dungi pende. Mete kaka te Isaya lo dikambo dianyu ate : ⁸ ''wodja one watonenyaka l'elomo, koko etema awo weko etale efula omalemi. ⁹ Otemwelo awo weko anyanya, nedia vo weko lombetsha oko wetshelo, elembe w'anto.'' ¹⁰ Ko nde akewo tshale oluyi w'anto ko aka wate ate : ''Nyolonge ndo nyo pokame - ¹¹ Ndoko engo koto omalo andja kalanya onto. Koko kene tshe katomba omale onto, keso mbalanya onto.'' ¹² Ko ambeki wakasukana la Jiso ko waka wombola vate : ''We mbeyaka wate afarize watatakanyi etena kakawoki awuyi aso?'' ¹³ Jiso akakadimola ate : ''Osongo tshe wele papa komone ayokundwama. ¹⁴ Nyowatshike vwame, enombodi wa totshungu.Naka tshungu nombola osekande tshungu, vo ahende wayoko lo difuku.'' ¹⁵ Petero akakadimola ndo akate Jiso ate, ''Otolembetshiya wela one''. ¹⁶ Jiso akate ate : ''onde ndo nyu nyatoke?'' ¹⁷ Onde nyateye dia kene tshe koto l'onyo mbetaka lo dikundju ko mbikashema lo komba? ¹⁸ Koko awoyi watomba omalo onyo ndjaka malo otema. Diango so mbalanya onto. ¹⁹ Nedia malo otema mbatomba tokanyi tshe ta kolo, odakanelo, loseka, awoyi wa mindo wa deyanelo, wovi, wotelo wa sango yakashi. ²⁰ awoyi aso mbalanya onto. koko nde aha la sola anya halanya onto. ²¹ Ko Jiso akamo maleko ko akatshu tshala esomba wa Tura la Sidona. ²² Nyolonge, womoto omotshi l'ose kanana akaye lende. Nde akake adwe ndo akawote ate : ''Omboke ketshi, Nkumadiondjo, Ona Davidi. Odenge eko lo menya onami la womoto paa hakoke.'' ²³ Koko Jiso kombokadimola ndoko dioyi. Ambeki ande wakaye lende, waka wotw vate : ''tshanya nde, ne dia nde eko lo todje londjo la wodjadja. ²⁴ Nde akakadimola ate dimi kodja le anto tshe, paka le anto wakashisho wa lu ludu la isariyele. ²⁵ koko womoto akaye ko akokadimola ate kumadiodjo ukimanyiya . ²⁶ Jiso akokadimola ate mbudimena mbosa mbo yande yana ko mbisha nfo . ²⁷ wo moto osoaka wote ate elo kumadiodjo koko ana wa nfo watolekakafusa nye ya tokoka latshina dia mesa dio wadji wande. ²⁸ ko jiso akokadimola ate : wo moto we mete eko la mbetawo kefula. Diashame leye oko woho wa kombolaye . ko onande la wo moto akakono lo wonyako. ²⁹ Ko jiso akamo omalodihole ndo konde tsho suke la uduwa wa galileya . Etena kakanda de lo dikona ko nde to djase . ³⁰ Laso mbaka sukana lande uluyi wa woke wakiko ndo la ase dishumbe ndo ase tu tshungu , dihoke , lumi ndo ase hemo efula. ko wakakitsha lekolo wakinde konde akakonola, ³¹ Okone ului wa anto wakambe lama waka wenyi akanga wa dikomo wambokono akanga wa shumbe wambokenda kenda dimena ndo akanga wa tushungu wa mbena ko vo wakatomola kumadiodjo k'isariyele. ³² Jiso akele ekambi ande ko aka wate ate leko lomboka ului wanto wata keshi ne dia ne dia vo wamboshikala lami shi shato 3 aha la engo ka vonde . dimi halange mba kedja la djala ,ne dia vo mbeyaka toko la loheho lo mboka ³³ Ko ambeki wakinde wakawote vate : lane teko lo dieta , lende akokaso tokodja mapa wa koka olui a woke wato one nde ko ndota ? ³⁴ Ko jiso akawombola ate: mapa egana wele lanyu ? vo wakokadimola vate mapa 7 la tosese tongana toto . ³⁵ Okone lokongo wande mbute olui w'anto dia vo mbidjase la kete . ³⁶ Nde akoshi mapa ako 5 lanse 2 ko lokongo wande mboka losaka , nde akahembola ndo akasha ambeki ande ko vo wakasha elui w'anto. ³⁷ Ko anto tshe wakale,wakalote ndo waka tongona betshi diakatshkala asaka 7 wa weke too too . ³⁸ wane wakale waki apami nunu nei [4ooo] kaame ndo wa mato la ana wakenda. ³⁹ L'okongo wande kedja olui w'anto .Nde akoto lowaato ko akashu oshu leshi ka kete ka mangadana.