¹ lamakashidiya jiso mbisha ambeki ande alako, nde akamo amaleko dia tetsha ndo tosambisha l'esomba awo. ² lam'akoke joani laki lolokanu lokumu l'akambo wakashaka christo, nde akatome ambki ande. ³ diaha vo towombola one; onde we kele one lahomba ndja kana sho kongaka Okina? ⁴ jiso akakadimola ate, nyotshu nyotote joani kene k'okanyu la kene k'enanyu. ⁵ akanga wa totshungu wambosena, akanga wa tshumbe wambokendakenda dimena, akanga wa sudi wambokono, akanga wa poke wamboka, edo wamboolo, ndo ase wola wambosambishama lokumu l'ololo. ⁶ ongenongeno lee one lahatane lemi ndoko dioyi diatakana. ⁷ lamakawakalola, jiso akate eloyi w'anto lo dikambo dia joani ate; akanyatshu tenda l'oswe? onde sopo dia sotshasotshama la lopepe? ⁸ ko akanyatshu tenda mete? onto lolotshi ahondo w'oshinga wolo? wane walota ahondo w'oshinga wolo weko lo nvudu ya kumi ya dikanga. ⁹ ko lo mete, lande na kaka nyatshu? onde diatenda omvutshi omotshi? Ee, lambonyot te, onto loleki omvutshi. ¹⁰ lo dikambo diande mbakawafunde one; enda dimi lambotoma dikenda diami la ntondo kaye, nde ayokolongosole mboka la ntondo kaye. ¹¹ lo mete kanyotemi te; l' atei w'anto wakooto omalee wamato, ndooko loleki joani obatizani woke, koko onto loleki tshitshe lo diolelo dia l'olongo mboleka woke. ¹² omako shi ya joani obatizani polo ndo shinye, diolelo dia l'olongo mbatawese anto la wolo tshe ndo watetemala mbawesa mbakikondja. ¹³ ne dia amvutshi la elembe wakate profesiya polo lee joani. ¹⁴ nde mbele eliya wahomba ndja naka nyu nangaka mbetawo dui sso nyodietawo. ¹⁵ one lele la atoyi wa mboka okee. ¹⁶ la na ayomedika lolonga lone na? lo leko oko ana w'akenda wodjashi lolomingu wa ele asekawo watokenyaka lawo. ¹⁷ one, takanyodee hyonge koko nyu koono, takanyembe esambo w'okenyi koko nyu kondjashasha la lonyangu. ¹⁸ oho ako wame, mbele joani koo ndeka ndo ko noka,ko anto wakate ate ndeko la edienga. ¹⁹ ona onto akaye, eko lo nde ndo eko lo no, koko anto wota one nyende kanga lotomo ndo onoshi wa wanu, ongenyi wa afutanyi w'elambo ndo atshi wa pekato, oho ako wame mbele, lomba lomboshindjama omalo etsha awo. ²⁰ omalaso nde akatate pangwe esomba wakenyi akambo wa diando wakandasale koko vo kondja tshimola ate; ²¹ mananu leye wa kurazina'' mananu leeye we betesayida,ne dia otononga ahindo wakasalema lenyu mbakasalema la tura ndo la sidona tshike vo wakashile landjatshumola lo ndota akoto ndo lo mbidjase l'etoko. ²² dako dia nyotemi te; loshi la kilombo, nyalolongola dilanya dioleki tura la sidona la fwa. ²³ ndo we kapernauma, onde we ayodiyama polo l'olongo, we ayo holoyama lo diombo ne dia otononga akambo wa diambo wakasalema leye mbaka salma la sodomo tshike osomba oso wototshikala polo ndo elo kene. ²⁴ diako dianyotemi te, loshi la kilombo, we ayolongola dilanya dioleki dia sodom la fwa. ²⁵ letena keso, jiso akate ae, papa we owandji w'olongo la nkete, lambokotombola lo seke, ne dia we akatshe akanga watomba ndo ambeyi wa mukanda awui ane ko ambowashola lee ane w'akenda. ²⁶ elo papa, ne dia ngaso mbakayetawo. ²⁷ papa akambisha diango tshe, ndo ndoko onto leya ona dimena paka papa,ndo onto tshe lele ona nangaka mboshole ndo tsho lende. ²⁸ nyoye lemi wane wele la pa ndo la wetsho, ko dimi layokeketsha. ²⁹ nyembe osembe ami ndo nyeke akambo w'omalemi ne dia dimi leko la memaakana ndo la otema w'okitshakitsha ko nyu nyayoyakondje ekeketshelo. ³⁰ ne dia osembe ami eko dimena ndo oshiko ami eko osadi.