¹ Paulo, n'kpa a mokambo a Yeso Klisto, bamoofhani ab'e n'goigi ban'bisi mbamba kanyongo a enjili a Mokonga, ² n'mbo baya agi mosa a mokonda ka ban'nabi nake subia maandeko anja, ³ gua Anake n'mbo ayatu ebokoti a Davidi ka ngobo. ⁴ Kanyenea Loo a bakpa anja aya labi na bokuu abe Muna Mokonga ka ufufuko toka muta baku, Yeso Klisto Bosomwa nasu. ⁵ Kanyenea ye beye pati ngoola na bogoigi ka usuudha a belekea subia bakpa buli a mokonda, kanyongo a ina'ake. ⁶ Subia bakpa ne a mokonda, bayano ofhani goto boike mutaa Yeso Klisto. ⁷ Mutaa buno bobu aka Loma bune Mokonga aekondigi na ebofhana bakpa anja nake: Ngoola mutanu na bonjanja ne atoki mutaa Mokonga Abasu na Bosomwa Yeso Klisto. ⁸ Mosa, Nensukulu Mokonga kanyenea Yeso Klisto muta a benu bobu, kanyongo belekea nanu ao ubilia ka mokonda buli. Kanyongo Mokonga ane musuudha namo, n'mbo neon'tomikia subia loo namo ka enjili a Michi'oke, namuna ne neolaba esa buli kanyongo'ako. ¹⁰ Neyetuo mema esa buli ka memi namo ka namuna buli neopasa nekinde mopaka muiso ka ekondi a Mokonga ka bika mutako. ¹¹ Kanyongo neokonda nenoone, gea neo pasa nenofhe egabo a loo, ka gea neno kpekpemise. ¹² Aange, neokonda nejige okpekpe subianu, kanyenea belekea a kila n'kpa, nanu na n'namo. ¹³ Ka bene neokonda boube badani, gea netondo na mosenda a bika mutanu (alakini kecheebua'ke mopaka bene), kagea nebe na mbuka subi'anu, bene nenee subia bakpa ne bajigi a mokonda. Neopsa negee muta bobu Bagiliki na bageni, bakichwa na babobo. ¹⁵ Ane kabene, nena siki a ebilia goto enjili mutanu bune baiki na Loma. ¹⁶ Kanyongoo keake na soni a enjili, kanyongo ane bokuu a Mokonga ka lama a bakpa bobu buno babeleki, mutaa Bayaudi mosa na mutaa Bagiliki. ¹⁷ Kanyongo ka bonjanja a Mokonga aya onekani toka ka belekea, bene baya andeki, "Bakpa anja baikikaae ka belekea." ¹⁸ Kanyongoo bela a Mokonga aonekani kegoo gua ka bojede buli na mokambo ajede buli a bakpa bune kanyenea bojede baosomea dhoni. ¹⁹ N'ne ane kanyongo n'no aubukani na Mokonga ao onekana mutab'o. Kanyogoo Mokonga aonekani mutab'o. ²⁰ Kagea, kpanga bene baya bongisi mokonda, okona'ake a kanga onekana, kagea bokuu nake na okona'ake a ko Mokonga, ayaonekani anja, ao ubukana ka kema ne aya gii. Bene baka na osamee. ²¹ N'ne ane kanyongoo ata bene bamuubi Mokonga, bakaon'dhokomisa ubate Mokonga, ao n'betea akisanti. Alakini bagaekani babobo ka mawazo nabo, na bokalebe a meema nabo aya gbukumani. ²² Bayagii bane bakichwa, alakini babiki babobo. ²³ Bao galea bodoko Mokonga ne n'aokua na abudua maenge a n'kpa ne aofhowa, a bambuu, a nyama a ecinji gena, na a kema ne aoguma. ²⁴ ka bene Mokonga aedheketi ka mokambo ajede a meema nabo, kanyongo ngobo nabo aujukani subiabo sisabo. ²⁵ Ane buno bagalei dhoni a Mokonga ka mbea, na buno bayaabudu na tomikia kema ne babongisa kanga n'tomikia n'bhongisi, n'mbo ana kalamo esa buli. Amina. ²⁶ Kanyongo ne, Mokonga aedheketi ka siki a soni, bake nabo bagalei ekondi anja na ekondi ajede. ²⁷ Ka namuna ne mochi, boko badheketi goto ekondi anja na bake na sidisa siki nabo na buna'angboo. Boko baogea kema a soni na boko na edheketa sisabo ka ukumu na aeenei ka bojede nabo. ²⁸ Bene baya kpemi uba Mokonga ka engefha nabo, aya edeketi ka akili nabo ajede, kagea kema ne n'naake anja. ²⁹ Bayatumi na bojede na bojia, na kpadha, na konjonjoko. Batumi na kpadha, olana, emani, demanaga, na mosenda ajede. Bana masa, ³⁰ yongeana mbea, bane baadhui a Mokonga, bana kankie, edokomisa, konda afhe a buno baogea bojede; baka'ake na esima mutaa babhokoti'abo. ³¹ Babobo, kanga belekea, meema ajede, na kanga ngomi. ³² Bao uba anja ukumu a Mokonga, gea buno baogea kema a bene baopasa kuwa. Alakini bana tondoogea kema ne, bagotoo konda bakpa angboo bune baogea u.