¹ Yeso ao lenga kegoo ao moona n'kpa a imona n'mbe ayabisi egabo nake ka njombi. ² Ao moona n'ke mochi a kekusa masiki aobisa gbutuka ibee a bangoa subi. ³ Aogea, Nenongodei dhoni, masiki a n'ke a kekusa ne abisi asii konyena bakpa bobu. ⁴ Buno bobu baya fholei egabo ka kema asii nab'oo. Alakini n'ke a kekusa ne, ka omasikini nake, abisi kema buli n'ne ayao n'bisa ka maisa. ⁵ Bene bakpa mochi bayatu o yonga ka ekalo, namuna sina baya pambi anja ete na egabo, aogea, ⁶ " ubate bene booni kema ne, esa no aobika tafho ete mochi ajigaae gua ete n'ne ka bomoke ku." ⁷ Baon'muisia, gea, "Mwalimo, keema ne anyenaae saa sina? Alama i ane eke saa ne kema ne anyenaae?" ⁸ Yeso aojibua, " Engefhani, boko bungise mosenda. Kanyongo bakpa asii babikaae kina'ani, gea, 'Emeambe Ye,' Saa abibi.' Boko gee mbe mbusa'abo. ⁹ Saa ne booka ku emani na etu, boko bange mbe, kema ne aopasa anyene mosa, alakini kaake mwiso no abiki." ¹⁰ Ao engodea, " Nji amanaae na nji angboo, bwame na bwame. ¹¹ Baningina angbo banyenaae oma asii n'nja na kukua. Alama angbo aonekanaae kegoo na kema a bangisa. ¹² Alakini mosa a kema ne buli, babisaae njaga nab'o gua'anu na etesa bagaae na benu ka sinagogi na enju a kifungo, gaa na benu mosa a baame na mena'anji kanyongo a ina'ani. ¹³ Abikisaa afhe mochi anja a usuudha nanu. ¹⁴ Boko waze mbe asii moso ka namuna ne bolabaa ka kinda selia, ¹⁵ Eme sisani nenofhaa yonga a bokichwa n'ne baad'ui nano bakatoke ku ngana ao ekinda. ¹⁶ Alakini babokoti'anu, ba muna'amanu, badanu na ba malikwa'anu bano fholeaae na bisanu ka kukua. ¹⁷ N'kpa bui ano jyaae kanyongo a ina'ani. ¹⁸ Kanyongo tafho seka'amoo imochi n'ne abunga ku. ¹⁹ Ka kinda nanu bopataae maisa nanu. ²⁰ " Saa ne boona ku baad'ui batimbi Yelusalema, ubani gea ujukana a bibi. ²¹ Ka bene bune baka Yudea bateae ka mamba, na bune baka mosomba ba deketaae u, na bune bana nji baka ngie goto ka mosomba. ²² N'ne ane esa a lipisa kisasi, gea kema buli n'ne bayaandeki aonekane. ²³ Ngomi a buno bana leme na ba'ama benje esa no! Kanyongoo bojede ajia abae ka mokonda, ba bela mutaa bakpa ne. ²⁴ Baguae ka kadofhe a opanga, bagaae naab'o kanji buli, na bakpa a mokonda badeteae Yelusalema mopaka saa a bakpa'a ka mokonda akidiane. ²⁵ " Alama abae ka subia mani, subia songe, na ka od'o. N'nji buli atesekaae, bojede kanyongo a ungumaga a ob'a na maifhio. ²⁶ Bakpa ba dusukanaae na tea ka ona kema ne aobika ka mokonda. Kanyongo bokpekpe a kegoo a suganagaae. ²⁷ Bamoonaae Muna N'kpa ao bika subia ebundu na bokpekpe na bodoko angbo. ²⁸ Alakini saa ne kema ne akpangaae nyena, mamani na sakuani moo nanu, kanyongoo okombozi nanu abika. ²⁹ Yeso ao engodea mekele mochi, " Onjeani ka mee a mozabibo. ³⁰ Saa ne boyeo ona kesa nake ateli, ubani sisanu geae saga aye abibi. ³¹ Kabe goto, saa ne booni kema ne akidiani ubani geae bwame a Mokonga abibi. ³² Nenongodei dhoni, ebokoti ne ka nyene ku na kema ne buli ka kidiani. ³³ Egoo na od'o anyenaae, alakini Yonga namo kanyene ku. ³⁴ "Alakini engefhani sisanu, kagea meema nanu kakumbe mbe makana na leboa na sangekana ka maisa, na esa no abike kanga uba ³⁵ ubate meeko. Kanyongo a n'taae kila n'mbo aiki oma buli ka mokonda. ³⁶ Alakili ikani tayali saa buli, memani saa buli bene bobaae na bokpekpe asii a kinda kema ne akidia ku, na mama mosa a Muna N'kpa." ³⁷ ka esa no ayatuo fundisa subia ekalo, kiifha ao toka na ikika ka mamba n'ne baofhani Mizaituni. ³⁸ Bakpa bobu bayabiki ka n'bimba mookanea sbia ekalo.