¹ Saa ne beye toki anja subi, beo uba geae ina'a kesanga no ane Malta. ² Bakpa aka nji no baosofha n'na tondo bonjanja, alakini bao toboa kasu insa na sesea'asu besu bobu ka n'vua na fheo. ³ Alakini Paulo aotundukisa sake gea atoboe insa, alakini njoka mochi ao seneka kanyongo a insa ao elingia kechinji'ake. ⁴ Saa ne bakpa akanji bayaoni nyama akpatekani ka njaga'ake, baolaba sisabo, " Mogaa ne ane mooli n'mbe aya lami ka oba; selia a n'naotoka an'dekete aike." ⁵ Alakini aon'titia njoka kin'sa kanga oka kema ajia. ⁶ Bayatuo bondea baone bene abimbaae ao gua kaod'o na dusukana. Alakini kisa bondea saa asii na ona bene kama mochi ajede n'aon'beda, bao galea mawazo nabo na gea geae ane mokonga. ⁷ Mokoa kesanga no ayatu bibi'a oma no ina'ake Pablio. Ayaso sesei anja aosofha kema buli esa isalo. ⁸ Ka saa no abake na Pablio aya dhae na ngobo a n'sesea na fhoa majia. Saa ne Paulo ayagee mutake, ao mema na bisa njaga'ake gua'ake na nfhondisa. ⁹ Kisa nyena a kema ne, bakpa a ka kesanga bune bayatu na ngobo baobika na fhonda. ¹⁰ Bakpa baoso esimia na esima asii. Saa ne beye kodi be dide, baosofha kema buli n'ne beyetu na sikili. ¹¹ Kisa songe isalo beo dida subia ketange n'ne aya nyenisi mbondi ka kesanga, kesanga a Alekisandele, na " ba mokonga bafhase" bene bayaseki. ¹² Kisa beokidia ka mosomba a Sirakuse, beo ika fua esa isalo. ¹³ Beotoka fua beodida na kidia ka mosomba a Reguime. Kisa esa imochi maifhio a kusi aodafha, ka esa ibee beobika ka mosomba a Puteoli. ¹⁴ Beye edondi badasu fua baoso ofhana beo ika na'abo esa sabha. Ka afhe ne beokidia na Roma. ¹⁵ Katoka fua badasu, kisa oka'abo kegoasu, beobika ko dondana na besu mopaka ka soko a Apiase na batomiki isalo a enju a banyeni. Saa ne Paulo aya oni badasu, aon'betea Mokonga akisanti na kakamana. ¹⁶ Saa ne beyengi ka Roma, Paulo aopata luusa aike sisake na ba soda bune bayatuo n'chunga. ¹⁷ Kisa esa isalo bene Paulo ao ebofhana bakpa no bune bayatu bakota subia Bayaudi. Saa ne baya dondani oma imochi, aoengodea, " Badani ata bene kegiake kema ajede mutaa bakpa ao asili a ba abasu, bamobisi ubate n'kpa ne ban'dungi toka na Yelusalema mopaka kanjaga a baroma. ¹⁸ Kisa baomuisia bayakondi bamodekete, kanyongo, n'naake kema mochi n'ne neyepasi pata ukumu a kukwa ka nyongo namo. ¹⁹ Alakini saa ne Bayaudi baya yongi kegao ekondi nabo, meto ekakamisi ne moofhane Kaisala, ataa bene n'naake n'ne ayapasi abikise masitaki gua nji namo. ²⁰ Ka bene, alakini, neye koofhani gea neopasa nekoone na laba naobe, ane kanyongo a mosenda a Baisilaeli aange neolola n'tongo ne kpanga kala." ²¹ Ka bene bao mo'ongodea, " Bekeye patiake balua ne ayatoki na Yudea guanu, ao tafho badasu bune baya songodei kema mochi ajede keguako. ²² Alakini beye kondi bekookanee n'ne oowaza gua a dini ne, kanyongoo aubukani mutasu gea bato yongi ka oma buli." ²³ Saa ne bayabisi esa imochi kanyongo nake, bakpa asii baobika mutake oma ne ayatuo jiga. Aoe onisa nyongo no, na suudia gua bwame a Mokonga. Aya kengei eonisa gua Yeso, na seli ne atoki mutaa Musa na mutaa ban'nabi, kpanga kanbimba mopaka ogogo. ²⁴ Asii baya okafhi gua kemaa ne beye labi, mopaka beno buna'ngboo bakaya belekei. Saa ne bakaya okani sisabo, baotoka mbusa a Paulo laba yonga ne imochi: ' Loo Motakatifo yongi anja kanyene Isaya n'nabi a ba'abanu. ²⁶ Aogea, ' Gaa muta a bakpa ne na laba, " Okafha bookaae, alakini boko okafhe ku; onafha boonaae, alakini boko ube ku. ²⁷ Kanyongoo meema a bakpa ne abiki akpe, na ekechue nabo abiki akpe kaokafha, badaki iso'abo. Ka bene baopasa ona na iso nabo na oka na kechwe nabo, na uba na meema nabo na gaa mbamba, neopasa efhondisa.'" ²⁸ Ka bene, boopasa uba geae wokovu a Mokonga baya teki mutaa bakpa a ka mokonda, na ekofha. ²⁹ Ka yonga a Paulo, Bayaudi baoga na bao kindana asii sisabo. ³⁰ Paulo ao ika mwaka ibee kenjunnake n'ne ayatuo lipa, ayatuo esesea buno bobu bayatuo bika mutake. ³¹ Ayatuo ubilia bwame a Mokonga na fundisa kema gua Yeso Klisto Bosomwa na bojeme buli kanga efhelea.